သီလ၀ါ အထူးစီးပွားရေးဇုန်တွင် ၂၀၁၆-၂၀၁၇ ဘဏ္ဍာနှစ် မတ်လပထမပတ်အထိ ရင်းနှီးမြှုပ်နှံမှု ပမာဏ ဒေါ်လာ ၂၆၂ သန်းကျော် ခွင့်ပြုထား

၂၀၁၆-၂၀၁၇ ဘဏ္ဍာနှစ် မတ်လ ပထမပတ်အထိ သီလ၀ါ အထူးစီးပွားရေး ဇုန်တွင် ရင်းနှီးမြှုပ်နှံမှု ပမာဏ ဒေါ်လာ ၂၆၂ ဒသမ ၅၈၈ သန်း ခွင့်ပြုပေး ထားကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင် (MIC) အတွင်းရေးမှူး ဦးအောင်နိုင်ဦးက မတ် ၁၄ ရက်၌ ရန်ကုန်မြို့ရှိ ရင်းနှီးမြှုပ်နှံမှုနှင့် ကုမ္ပဏီ များ ညွှန်ကြားမှု ဦးစီးဌာနတွင် ကျင်းပသည့် သတင်းစာ ရှင်းလင်းပွဲ တွင် ပြောကြားသည်။

သီလ၀ါ အထူးစီးပွားရေးဇုန် Zone B ကို ၂၀၁၄ ခုနှစ် ဇွန်လကတည်းက ပင် နိုင်ငံပေါင်း ၁၆ နိုင်ငံမှ ကုမ္ပဏီပေါင်း ၇၈ ခုက ၎င်းတို့၏ စက်ရုံများ ကုန် ထုတ်လုပ်ခြင်းနှင့် ထောက်ပံ့ပို့ဆောင်ရေးဆိုင်ရာလုပ်ငန်း လုပ်ကိုင် ခဲ့ကြပြီး လက်ရှိအချိန်တွင် အဆိုပါ ၇၈ ကုမ္ပဏီအနက် ၂၄ ခုမှာ စတင်လည်ပတ် လုပ်ကိုင်နေပြီဖြစ်ကြောင်း သိရသည်။

သီလ၀ါ အထူးစီးပွားရေးဇုန် တစ်ခုလုံးတွင် အကောင်အထည်ဖော်မည့် ဧရိ ယာမှာ ဟက်တာ ၂၄၀၀ ရှိပြီး Zone A တွင် ဟက်တာ ၄၀၀ ပါဝင်ကြောင်း၊ လက်ရှိအချိန်၌ Zone A မှာ ၉၆ ရာခိုင်နှုန်း ပြီးစီးနေပြီဖြစ်သည်။ Zone A ၏ တည်ဆောက်ရေး လုပ်ငန်းများ ပြီးစီးသဖြင့် Zone B ထပ်မံ တည်ေ ဆာက်ရန် ၁၀၁ ဟက်တာစီမံကိန်း တည်ဆောက်မှု စတင်တော့မည် ဖြစ် သည်။

သီလ၀ါ အထူးစီးပွားရေးဇုန် Zone B ၏ ပထမအဆင့် ၁၀၁ ဟက်တာ (ဧ က ၂၅၀)ကို ၂၀၁၈ ခုနှစ် နှစ်လယ်ပိုင်းတွင် တည်ဆောက်မှု ပြီးစီးရန် မျှော် မှန်းထားပြီး အချို့သော မြေနေရာများကိုမူ ၂၀၁၇ ခုနှစ်နှောင်း ပိုင်းလောက် ကတည်းက ရင်းနှီးမြှုပ်နှံသူများ အနေဖြင့် ငှားရမ်းနိုင်မည်ဖြစ်သည်။

သီလ၀ါ အထူးစီးပွားရေးဇုန် Zone A တွင် လက်ရှိအချိန်၌ မြန်မာနိုင်ငံမှ လုပ်ငန်းရှင်များ အပါအ၀င် နိုင်ငံတကာမှ ရင်းနှီးမြှုပ်နှံမှု ပမာဏ အမေရိ ကန်ဒေါ်လာ တစ်ဘီလျံကျော်အထိ ရှိနေကြောင်း သီလ၀ါ အထူးစီးပွားရေး ဇုန် စီမံခန့်ခွဲမှုကော်မတီဥက္ကဋ္ဌ ဦးဆက်အောင်က ပြောကြားသည်။

“Zone A မှာ ရင်းနှီးမြှုပ်နှံမှု ပမာဏက တစ်ဘီလျံကျော်ဆိုတော့ Zone B မှာလည်းပဲ Demand တွေများမှာ ဖြစ်ပါတယ်။ ကျွန်တော်တို့ရဲ့ Investment Policy အနေနဲ့ Zone B မှာ ၀င်လာမယ့် Investor တွေက အလုပ်အကိုင် အခွင့်အလမ်းကို ပိုမိုပေးနိုင်မယ့် ရင်းနှီးမြှုပ်နှံသူတွေ၊ နော က်ပြီး ပို့ကုန်များများ လုပ်နိုင်မယ့် ရင်းနှီးမြှုပ်နှံသူတွေ၊ နောက်ပြီး ဇုန်အပြင် ဘက်က Local Industry တွေနဲ့ ပေါင်းစပ်နိုင်မယ့် ရင်းနှီးမြှုပ်နှံသူတွေကို ပိုပြီး ဦးစားပေးမယ်လို့ Investment Policy ချထားပါတယ်” ဟု ဦးဆက်ေ အာင်က ပြောကြားသည်။

မြန်မာနိုင်ငံတွင် သီလ၀ါ၊ ကျောက်ဖြူနှင့် ထားဝယ်အထူးစီးပွားရေးဇုန်တို့ကို တည်ဆောက် လုပ်ကိုင်သွားမည်ဖြစ်သည်။

“ကျွန်တော်တို့နိုင်ငံ အနေနဲ့ လောလောဆယ်မှာ သီလ၀ါ၊ ထားဝယ်၊ေ ကျာက်ဖြူ အထူးစီးပွားရေးဇုန် သုံးခုကို အကောင်အထည်ဖော် ဆောင် ရွက်နေပါတယ်။ သုံးခုအနက် သီလ၀ါကတော့ ရှေ့ကို ရောက်နေတဲ့ အထူး စီးပွားရေးဇုန် ဖြစ်ပါတယ်။ လက်ရှိအနေအထားအရ အောင်မြင်နေတာဖြစ် တဲ့အတွက် အခြားအထူးစီးပွားရေးဇုန်များက စံနမူနာယူရမယ့် အထူးစီး ပွားရေးဇုန်လည်း ဖြစ်ပါတယ်” ဟု စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ ပြည်ထောင်စုဝန်ကြီး ဒေါက်တာသန်းမြင့်က ပြောကြားသည်။


Credit: Eleven Media Group