ထိုင်ချွန်း သို့မဟုတ် ထိုင်ဝမ်၏ တတိယမြို့တော်

မကြာမီက ထိုင်ဝမ်ကျွန်း၊ တိုင်ပေမြို့တွင် ကျင်းပသည့် ၂၅ ကြိမ်မြောက် ထိုင်ဝမ် ၏ အရည်အသွေးသစ်အကောင်းဆုံးကုန်ပစ္စည်းသစ်များ ဆုချီးမြှင့်ပွဲ (2017 Taiwan Excellence Award)အခမ်းအနားကို တက်ရောက်ရင်း ဆုရပစ္စည်းသစ်များထုတ်လုပ် ရာ ကုမ္ပဏီ၊ စက်ရုံအချို့သို့ သွားရောက်လေ့လာရန် ထိုင်ဝမ်၏တတိယမြို့တော်ဖြစ်သည့် ထိုင်ချွန်းမြို့(Taichung)သို့ စာရေးသူရောက်ခဲ့ပါသည်။

ထိုင်ဝမ်၏ အသေးစားနှင့်အလတ်စား စက်မှုပစ္စည်းများအဓိကထုတ်လုပ်သည့် စက်မှုမြို့တော်ဖြစ်သည့် ထိုင်ချွန်းမြို့သည် ထိုင်ဝမ်ကျွန်း၏ အလယ်ပိုင်းအနောက် ဘက် ကမ်းခြေအနီးတွင်တည်ရှိပြီး
တိုင်ပေမြို့နှင့် ကောင်းရှုံမြို့(Kaohsiung)မြို့တို့ ပြီးလျှင် ထိုင်ဝမ်၏အကြီးဆုံးမြို့တစ်မြို့ဖြစ်သည်။

ကောင်းရှုံမြို့ကမူ အကြီးစားစက်မှု ပစ္စည်းများထုတ်လုပ်ရာဖြစ်သည်။ Made in Taiwan ဟု အမည်တွင်သည့် လျှပ်စစ်ပစ္စည်း၊ စက်ဘီး၊ ဆိုင်ကယ်၊ တူရိယာပစ္စည်း၊ လူသုံးကုန်ပစ္စည်း၊ ဖိနပ်၊ ကလေးကစားစရာ စသော အသေးစားနှင့်အလတ်စားစက်မှုထုတ်ကုန်ပစ္စည်းအများအပြားမှာ ထိုင်ချွန်းမြို့ တစ်ဝိုက်မှ အဓိကထုတ်လုပ်ခြင်းဖြစ်သည်။

တိုင်ပေမြို့မှ ၈၄ မိုင်အကွာတွင်ရှိသော ထိုင်ချွန်းမြို့သို့ မြန်နှုန်းမြင့်ရထားဖြင့်သွားခဲ့ရာ ၄၇ မိနစ်သာကြာမြင့်ပါသည်။ ယင်းမှ ကောင်းရှုံမြို့ သို့ဆက်သွားလျှင် ၄၅ မိနစ်ခန့်အကြာတွင်ရောက်နိုင်ကြောင်း သိရသည်။ ခေတ်မီအဆောက်အအုံအများအပြားရှိ၍ လူဦးရေ ၂ ဒသမ ၈ သန်းခန့်နေထိုင် လျက်ရှိသည့် ထိုင်ချွန်းမြို့တွင် အပြည် ပြည်ဆိုင်ရာလေဆိပ်ရှိ၍ ထိုင်ဝမ်၏ဒုတိယအကြီး ဆုံးပင်လယ်ဆိပ်ကမ်းလည်းရှိသည်။

Qing မင်းဆက်မှ ရှေးဟောင်းဘုရားကျောင်းများ၊ လူသိများသည့် ရေပူစမ်းများ၊ သာယာလှပသည့် အပန်းဖြေဥယျာဉ်များ၊ သဘာဝအမျိုး သားဥယျာဉ်၊ ရုက္ခဗေဒဥယျာဉ်စသည်တို့ရှိ၍ ယင်းမြို့မှ ၅၆ မိုင်ခန့် အကွာတွင်ရှိသော ထိုင်ဝမ်၏ကျော်ကြားထင်ရှားလှသည့် နေလရေကန်ကြီး(Sun Moon Lake)သို့ ကား၊ ရထားဖြင့် အလွယ်တကူသွားရောက်လေ့လာနိုင်ပါသည်။

မြို့တွင်း၌ သမိုင်းဝင်မြို့တော်ခန်းမ၊ ထိုင်ဝမ်၏အာဇာနည်ဗိမာန်၊ ထူးခြားလှသည့် သဘာဝသိပ္ပံဆိုင်ရာအမျိုးသားပြတိုက်၊ ပန်းချီကားအများအပြားရှိသော အနုပညာဆိုင် ရာ အမျိုးသားပြတိုက်၊ ကမ္ဘာ့ကုန်သွယ်မှုဗဟိုဌာနအဆောက်အအုံ၊ ဂျပန်ဗိသုကာလက် ရာဖြင့်တည်ဆောက်ထားသော ခေတ်မီဆန်းသစ်လှပသည့် မြို့မကဇာတ်ရုံကြီး၊ နိုင်ငံ တကာပြိုင်ပွဲများကျင်းပလေ့ရှိသော ဘေ့စ်ဘောအားကစားပြိုင်ကွင်း၊ Hayu Pier ငါးဈေးကြီးတို့သည် ထင်ရှားသော အဆောက်အအုံများဖြစ်ကြ၍ ပတ်ဝန်းကျင်စိမ်းလန်း စိုပြည်ရေးကိုအဓိကထားသည့်အနေဖြင့် သစ်ပင်နွယ်ပင်များဖြင့် စနစ်တကျစိုက်ပျိုးကာအလှဆင်ထားသည့် ကုန်တိုက်များကိုလည်း မြင်တွေ့ခဲ့ရသည်။

ထို့ပြင် စိတ်ဝင်စား စရာကောင်းလှသည့် ငလျင်ပြတိုက်လည်းရှိ၍ ၁၉၉၉ ခုနှစ်က ထိုင်ဝမ်ကျွန်းအလယ် ပိုင်းတွင်လှုပ်ခဲ့၍ လူ ၃၀၀၀ ခန့်အထိသေဆုံးစေခဲ့သည့်ငလျင်ဒဏ်ကြောင့် ပျက်စီးသွား ခဲ့သည့် စာသင်ကျောင်းနေရာတွင် တည်ဆောက်ထားခြင်းဖြစ်ကြောင်း သိရသည်။

သန်းခေါင်ကျော်အထိဖွင့်သည့် Zhong Xiao, Donghai, Zhong Hua နှင့် Fengjia ညဈေးတန်းအမည်ရှိ(Nitht Market)များလည်းရှိပြီး လာရောက်ကြည့် ရှုဝယ်ယူသူများဖြင့်လည်း စည်ကားလျက်ရှိသည်။ အထူးသဖြင့် Fengjia ညဈေးတန်း တွင် လမ်းတစ်လျှောက်ချိတ်ဆွဲထားသည့်မီးပုံများကြောင့် တမူထူးခြားလှပနေသည်ကို လည်း မြင်တွေ့ခဲ့ရပါသည်။

သာယာလှပသည့် သဘာဝရှုခင်းများနှင့်ဝန်းရံထား၍ ခေတ်မီဖွံ့ဖြိုးတိုးတက်သည့် အဆောက်အအုံများနှင့်အတူ စက်မှုစီးပွားလုပ်ငန်းများဖြင့်စည်ကားနေပြီး လေ့လာစရာနေရာများလည်းရှိ
ကာ ထိုင်ဝမ်မြို့မှခဏအတွင်းရောက်ရှိနိုင်သဖြင့် ထိုင်ချွန်းမြို့မှာ ထိုင်ဝမ်သို့ရောက်သူတိုင်းသွားရောက်လေ့လာသင့်သည့် မြို့ကြီးတစ်မြို့
ဟုပင် ညွှန်းဆို လိုက်ရပါတော့သည်။

Credit: PYI Myanmar