မြန်မာရဲ့ စီးပွားရေးတိုးတက်မှု ၁၀ ရာခိုင်နှုန်းထိ ရှိနိုင်ပြီး နောက်ထပ် ဗီယက်နမ်လိုမျိုး ဖြစ်လာနိုင်ဟု ဆို

မြန်မာအနေနဲ့ နောက်ထပ် ဗီယက်နမ် ဒါမှမဟုတ် ထိုင်းနိုင်ငံလိုမျိုး
ဖြစ်လာနိုင်ပြီး စီးပွားရေး တိုးတက်မှု အများဆုံး
၁၀ ရာခိုင်နှုန်းထိရှိနိုင်ကြောင်း ဗြိတိန် သံအမတ်ကြီးက ပြောဆိုသွားခဲ့ပါတယ်။

အရှေ့တောင်အာရှက မြန်မာနိုင်ငံအနေနဲ့ ဆယ်စုနှစ်များစွာကြာ
စစ်အုပ်ချုပ်ရေး ပြီးဆုံးပြီးနောက် ယင်းရဲ့ စီးပွားရေးကို ဖွင့်လှစ်
ပေးထားခဲ့ပြီး ဖြစ်သလို တစ်ဘက်မှာလည်း လျှပ်စစ်ဓာတ်အား
မလုံလောက်မှု ၊မူဝါဒပိုင်း ရှင်းလင်းသေချာခြင်း မရှိမှုနဲ့ စီးပွားရေး
လုပ်ရတဲ့ စရိတ်စက ကြီးမြင့်မှု စတဲ့ ပြဿနာတွေကို ကျော်ဖြတ်
ရမှာဖြစ်တယ်လို့ မြန်မာနိုင်ငံဆိုင်ရာ ဗြိတိန် သံအမတ်ကြီး
Andrew Patrick က ပြောကြားသွားခဲ့တာဖြစ်ပါတယ်။

" တိုးတက်မှုတွေအတွက် အချိန်တွေ ရှိနေပါတယ်၊ အဓိကအချက်
ကတော့ အလျင်မြန်ဆုံးနှုန်းထားနဲ့ တိုးတက်နေနိုင်ဖို့ပါပဲ၊
၆ ရာခိုင်နှုန်းနဲ့ ၈ ရာခိုင်နှုန်းကြား၊ မဟုတ်ရင်လည်း အများဆုံး
၁၀ ရာခိုင်နှုန်းထိ ရှိနိုင်ပါတယ်" လို့ ၎င်းက ဆိုပါတယ်။

နိုင်ငံအနေနဲ့ ၂၀၁၁ ခုနှစ်ကစပြီး ဒီမိုကရေစီနဲ့ စီးပွားရေး
ပြုပြင်ပြောင်းလဲမှုတွေ စတင်လုပ်ဆောင်ထားခဲ့ပါတယ်။

အလားတူ နိုင်ငံဟာ ယမန်နှစ်က တိုးတက်မှုနှုန်း ၈ ဒသမ
၁ ရာခိုင်နှုန်းနဲ့ ကမ္ဘာ့ တိုးတက်မှုနှုန်းအမြန်ဆုံး နိုင်ငံတွေထဲမှာ
ပါဝင်ခဲ့တယ်လို့ နိုင်ငံတကာ ငွေကြေးရန်ပုံငွေအဖွဲ့က ခန့်မှန်း
တွက်ချက်သွားပါတယ်။

" ဘဏ္ဍာရေးကဏ္ဍကိုကြည့်ရင်လည်း လွတ်နေတာတွေ ရှိနေပါတယ်၊
လူအနည်းအကျဉ်းလောက်ပဲ ဘဏ်အကောင့်တွေ သုံးနေသေး
တာကြောင့် ထုတ်ယူသုံးစွဲလို့ရမယ့် ဈေးကွက်တစ်ခုအဖြစ် ရှိနေပါတယ်၊
ဒါဟာ လွန်ခဲ့တဲ့ အနှစ် နှစ်ဆယ်လောက်က ဗီယက်နမ်လိုမျိုးပါပဲ" လို့
Andrew က ဆိုပါတယ်။

တိုးတက်မှုတွေ အရှိန်ကောင်းလာနေတာပေမယ့်လည်း နိုင်ငံအနေနဲ့
အိမ်နီးချင်းနိုင်ငံတွေကို အမှီလိုက်ဖို့ အများကြီး လုပ်ရဦးမှာလည်း
ဖြစ်ပါတယ်။ ဆင်းရဲနွမ်းပါးမှု ဆက်ရှိနေသေးသလို စီးပွားရေးပိုင်း
မှာလည်း ငွေတန်ဖိုးအားနည်းတာ၊ ရင်းနှီးမြုပ်နှံမှုပိုင်း နှေးကွေးတာ
စတာမျိုးလို အခက်အခဲတွေ ရှိနေပါသေးတယ်။

Credit: SFJ Strategy First