ဟောင်းနွမ်းယိုယွင်းနေကာ မြေတူးစက်ဖြင့်ဖြိုချရတော့မည့် နေအိမ်တစ်လုံး လေလံပွဲတွင် ကန်ဒေါ်လာ ၄ သန်းနီးပါးဖြင့် ရောင်းထွက်

သြစတေးလျနိုင်ငံ၊ ဆစ်ဒနီမြို့၊ မာရစ်ခ်ဗီလီအရပ်၊ ဂျော့ခ်ျ ၅ လမ်းတွင် တည်ရှိသော ဟောင်းနွမ်းယိုယွင်းနေကာ မကြာမီမြေတူးစက်ဖြင့် ဖြိုချရဖွယ်ရှိနေသည့် နေအိမ်တစ်လုံးကို
လေလံတင်ရောင်းချရာ ကန်ဒေါ်လာ ၃၈၁၃၀၀၀ ဖြင့် လေလံဆွဲဝယ်ယူသွားကြောင်း သြစတေးလျအခြေစိုက်အိမ်ခြံမြေသတင်းဝက်ဘ်ဆိုက်တစ်ခုတွင်
ဖော်ပြသည်။

ယင်းဈေးနှုန်းမှာ ကြမ်းခင်းဈေးထက် များစွာများပြားလှသော ပမာဏဖြစ်နေပြီး ကြမ်းခင်းဈေးမှာ ကန်ဒေါ်လာ ၂ ဒသမ ၁ သန်း ဖြစ်ရာ ကြမ်းခင်းဈေးထက် ဒေါ်လာ ၁ ဒသမ ၇ သန်းကျော် ပိုမိုများပြားသည့်ဈေးနှုန်းဖြင့် ဝယ်ယူသွားခြင်း ဖြစ်သည်။

နေအိမ်ကိုဆောက်လုပ်ထားသည့် ဗိသုကာဟန်မှာ ဝိတိုရိယခေတ်ဟန် ဖြစ်ပြီး ဝင်ရောက်လေလံဆွဲသူ ၆ ဦးရှိခဲ့သည်။
“အိမ်ခြံမြေလောကမှာ ကျွန်တော်လုပ်ခဲ့တဲ့ ၃၇ နှစ်တာကာလအတွင်း ဒီနေ့လေလံဟာ ယှဉ်ပြိုင်မှုအပြင်းထန်ဆုံးတွေထဲက တစ်ခုပါပဲ” ဟု Oxford Real Estate မှ မိုက်ကယ် မာရာနိုက ပြောကြားသည်။

လေလံတင်သည့်ကုမ္ပဏီမှာ NSW Trustee and Guardian ဖြစ်သည်။
နေအိမ်တွင် အိပ်ခန်း ၄ ခန်း၊ စကျင်ကျောက်ဖြင့် ပြုလုပ်ထားသည့် မီးလင်းဖိုများစွာပါဝင်ပြီး မိသားစုတစ်ခုတည်းမှ နှစ်ပေါင်း ၉၀ ကျော် ပိုင်ဆိုင်ခဲ့သည်။

ယခုအခါတွင်မူ ဖြိုချကာ လူနေခန်းများဆောက်လုပ်ဖွယ်ရှိနေသည်။
လေလံပွဲတွင် မှတ်ပုံတင်ဝင်ရောက်ခဲ့သူပေါင်း ၁၉ ဦးရှိပြီး အများစုမှာ အိမ်ခြံမြေ developer များ ဖြစ်ကြသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)