မြို့တော်ခန်းမပုံရိပ်ကျဆင်းစေ၍ One Stop Service အဆောက်အအုံကို ပြန်လည်ဖြိုဖျက်ပြီ

ရန်ကုန်မြို့တော်စည်ပင်သာယာရေးကော်မတီရုံးစိုက် ရာ ရှေးဟောင်းမြို့တော်ခန်းမအဆောက်အအုံအတွင်း မြက် ခင်းပြင်တွင် မြေယာလုပ်ငန်းများ၊ဆောက်လုပ်ရေးဆိုင်ရာ လုပ်ငန်းများကို ဆောင်ရွက်သည့် One Stop Service စနစ်လုပ်ဆောင်နေသောအဆောက်အအုံကို ဖေဖော်ဝါရီ ၁၈ ရက်က စတင်ကာ ပြန်လည်ဖြိုဖျက်နေပြီ ဖြစ်ကြောင်းသိရသည်။

ယင်းမှာ ရှေးဟောင်းအဆောက်အအုံများ၏ အင်္ဂါရပ် နှင့်ညီညွတ်စေရန်နှင့် အထူးဧည့်သည်တော်များ၊ နိုင်ငံတ ကာသံတမန်များအား ညနေစာတည်ခင်းခြင်းကဲ့သို့ ဧည့်ခံပွဲ များပြုလုပ်လျှင် မြက်ခင်းပြင်၌ အပန်းဖြေကျင်းပလိုလျှင် လည်း အဆင်ပြေစေရန်ဖြစ်ကြောင်း ရန်ကုန်မြို့တော် စည်ပင်သာယာရေးကော်မတီမှ သိရသည်။

''မြက်ခင်းမထားဘဲ အဆောက်အအုံဆောက်လိုက်လို့ မြို့တော်ခန်းမရဲ့ပုံရိပ်ကို ကျဆင်းစေတယ်တဲ့၊၊ သင်္ကြန်အစည်းအဝေးမှာ ဝန်ကြီးချုပ်ကပြောတယ်။ မြို့တော်ခန်းမရဲ့ သံတမန်တွေ ဘာတွေလာရင်လည်း အပေါ်ထပ်ခန်းမကြီးမှာ ဧည့်ခံကျွေးမွေးမယ့်အစား မြက်ခင်းပြင်မှာ လုပ်ရင်ပိုကောင်းတယ်တဲ့''ဟု YCDC ၏ အရာထမ်းတစ်ဦးက ပြောသည်။

ယခုအခါ မြေယာကိစ္စများကို မြို့ တော်ခန်းမအောက်ထပ်ရှိ ခန်းမတွင် ပြုလုပ်ပေးနေ ပြီး အဆောက်အအုံကိစ္စရပ် များကိုမူ စည်ပင်သာယာရေးဘဏ်အပေါ် ထပ်ရှိအခန်းများတွင် လုပ်ငန်းများကို One Stop Service ဆောင်ရွက်ပေးနေကြောင်း သိရသည်။

ပြီးခဲ့သည့် အစိုးရလက်ထက် စည်ပင်သာယာရေးဝန်ကြီး၊ ရန်ကုန်မြို့တော်ဝန် ဦးလှမြင့် သက်တမ်းတွင် မြို့တော်ခန်းမအဆောက်အအုံ၏ဆေးရောင်ကို ယခင်ကတည်းကရှိနေခဲ့သော အဝါရောင်မှ ဗေဒါနုရောင်သို့ ပြောင်းလဲ လုပ်ဆောင်ခြင်း၊ မြက်ခင်းပြင်နေရာတွင် အများပြည်သူအတွက် ဝန်ဆောင်မှုလွယ်ကူချော မွေ့စေလိုသည်ဟူသော ရည်ရွယ်ချက်ဖြင့် One Stop Service အဆောက်အအုံကို တည်ဆောက်ခြင်းစသည်တို့ကို ဆောင်ရွက်ခဲ့သည်။

ရန်ကုန်မြို့တော်စည်ပင်သာယာ ရေးကော်မတီနှင့် စည်ပင်သာယာရေး ဝန်ကြီးဌာနသို့ နေ့စဉ်လာရောက်သော အများပြည်သူအရေအတွက်မှာ ထောင်ဂဏန်းနီးပါးရှိနေပြီး ယင်းတို့အနေဖြင့် လုပ်ငန်းဆောင်ရွက်ရန် လာရောက်မှု အများဆုံးဌာနမှာ မြို့ပြစီမံကိန်းနှင့် မြေစီမံခန့်ခွဲမှုဌာနဖြစ်ကြောင်း သိရသည်။

Credit: PYI Myanmar