တရုတ်အိမ်ခြံမြေ developer ဖြစ်သော R&F Properties က သြစတေးလျတွင် နေအိမ်ပေါင်း ၁၀၀၀၀ ဆောက်လုပ်မည့် စီမံကိန်း လက်မှတ်ရေးထိုး

တရုတ်အိမ်ခြံမြေ developer ဖြစ်သော ကွမ်ကျိုး R&F Properties သည် ပြည်ပတွင် ဆောက်လုပ်ရေးစီမံကိန်းပေါင်း ၁၅ ခုခန့် ဆောက်လုပ် သွားဖွယ်ရှိရာ သြစတေးလျနိုင်ငံ၊ ဘရစ္စဘိန်းမြို့တွင် နေအိမ်ပေါင်း ၁၀၀၀၀ ဆောက်လုပ်မည့် စီမံကိန်း လက်မှတ်ရေးထိုးလိုက်မှု လည်း အပါအဝင်ဖြစ်ကြောင်း ရှန်ဟိုင်းအခြေစိုက် အိမ်ခြံမြေ သတင်းဝက်ဘ်ဆိုက်တစ်ခုတွင် ဖော်ပြသည်။

သြစတေးလျဆောက်လုပ်ရေးစီမံကိန်းမှာ သြစတေးလျဒေါ်လာ ၆ ဒသမ ၃ ဘီလီယံ (ကန်ဒေါ်လာ ၄ ဒသမ ၈ ဘီလီယံ) ကုန်ကျမည့် စီမံကိန်း ဖြစ်သည်။
လာမည့် ၁၅ နှစ်အတွင်း ဘရစ္စဘိန်းမြို့၏ အနောက်တောင်ဘက်၊ မဟာစပရင်းဖီးလ်ဒ်အရပ်တွင် အလယ်အလတ်နှင့် အထပ်မြင့် တာဝါများ တည်ဆောက်ရန် အတွက် ကွမ်ကျိုး R&F Properties သည် သြစတေးလျသို့ ပြောင်းရွှေ့အခြေစိုက်သည့် ပြည်မကြီးကုမ္ပဏီ Etone Australia Holdings၊ သြစတေးလျ ဆောက်လုပ်ရေးကုမ္ပဏီဖြစ်သော Springfield Land Corporation တို့နှင့် သဘောတူလက်မှတ် ရေးထိုးခဲ့ကြခြင်း ဖြစ်သည်။

စီမံကိန်း၏ အမည်မှာ Central Gardens ဖြစ်ပြီး ရုံးခန်းနှင့် လက်လီနေရာပေါင်း စတုရန်းမီတာ ၉၀၀၀ အကျယ်အဝန်း ပါဝင်မည် ဖြစ်သည်။ကွမ်ကျိုးကုမ္ပဏီသည် ယခုနောက်ပိုင်းတွင် နယ်စပ်ဖြတ်ကျော် ဆောက်လုပ်ရေးလုပ်ငန်းများ အလုပ်ကိုင်ဆုံး
ကုမ္ပဏီများ၌ တစ်ခုအပါအဝင် ဖြစ်လာလျက်ရှိသည်။

“ကွမ်ကျိုး R&F Properties ၊ Etone ကုမ္ပဏီတွေနဲ့ လက်တွဲပြီး မဟာစပရင်းဖီးလ်ဒ်ရဲ့ ကြီးမားတဲ့စီမံကိန်းကြီးမှာ ပါဝင်ခွင့်ရတဲ့အတွက် အလွန်ဝမ်းမြောက်မိပါတယ် ” ဟု Springfield Land Corporation ၏
ဥက္ကဌ မဟာ ဆင်နာသမ်ဘီက ပြောကြားသည်။

မဟာစပရင်းဖီးလ်ဒ်သည် Springfield Land Corporation မှ ဆောက်လုပ်ပေးခဲ့သည့် သြစတေးလျ၏ ပထမဆုံးမြို့သစ်ကြီးဖြစ်ပြီး အကျယ်အဝန်းဟက်တာပေါင်း ၂၈၆၀ ရှိသည်။
ဘရစ္စဘိန်းမြို့တွင် လူဦးရေမြင့်တက်လာမှုကို အထောက်အကူဖြစ်စေရန်အတွက် လွန်ခဲ့သော ၂၂ နှစ်က တည်ထောင်ခဲ့သည့် မြို့သစ်လည်း ဖြစ်သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)