ကူဝိတ်နိုင်ငံတွင် တည်ဆောက်မည့် ကမ္ဘာ့အကြီးမားဆုံးကလေးဆေးရုံဒီဇိုင်း ထုတ်ပြန်ပြီ

ကူဝိတ်နိုင်ငံ၊ အယ်လ် ရှူဝိတ်ခ်ဒေသတွင် ကမ္ဘာ့အကြီးမားဆုံးကလေးဆေးရုံ တည်ဆောက်မည်ဖြစ်ရာ အဆိုပါဆေးရုံဒီဇိုင်းကို SSH ကုမ္ပဏီက ထုတ်ပြန်လိုက်ကြောင်း အရှေ့အလယ်ပိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

SSH ကုမ္ပဏီသည် အရှေ့အလယ်ပိုင်းအခြေစိုက် စီမံကိန်းစီမံခန့်ခွဲရေးကုမ္ပဏီများအနက် ထိပ်တန်းကုမ္ပဏီတစ်ခုဖြစ်ပြီး စီမံကိန်းရေးဆွဲခြင်း၊ အခြေခံအဆောက်အအုံများဆောက်လုပ်ခြင်း၊ အဆောက်အအုံဒီဇိုင်းရေးဆွဲခြင်းနှင့် ဆောက်လုပ်ရေးလုပ်ငန်းများ ကြီးကြပ်ကွပ်ကဲခြင်းတို့ လုပ်ကိုင်သည့် ကုမ္ပဏီတစ်ခု ဖြစ်သည်။

အဆိုပါကလေးဆေးရုံတွင် ကုတင် ၇၉၂ လုံးဝင်ဆံ့မည်ဖြစ်ပြီး ကမ္ဘာပေါ်တွင် အကြီးမားဆုံးဆေးရုံဖြစ်လာမည်ဖြစ်ကာ ဆေးဝါးလိုအပ်ချက်နှင့် ကုသမှုနည်းလမ်းများ အပြည့်အစုံထည့်သွင်းပေးထားမည် ဖြစ်သည်။

ဆေးရုံအကျယ်အဝန်းမှာ စတုရန်းမီတာ ၃၀၀၀၀၀ ကျယ်ဝန်းမည် ဖြစ်သည်။
SSH သည် ဒီဇိုင်းကြောင့် နာမည်ကျော်သည့် ကုမ္ပဏီဖြစ်ပြီး ဒေသတွင်းတစ်လျှောက် အထင်ကရအဆောက်အအုံများစွာကို ဒီဇိုင်းရေးဆွဲပေးထားသည်။

ကူဝိတ်ကျန်းမာရေးဝန်ကြီးဌာနနှင့် ပြည်သူ့လုပ်ငန်းများဆိုင်ရာဝန်ကြီးဌာနတို့က ပြီးခဲ့သော ၂၀၁၆ ခုနှစ်အတွင်း ကလေးဆေးရုံတည်ဆောက်ရေးအတွက် မြေနေရာလေ့လာဒီဇိုင်းရေးဆွဲရန် SSH ကို တာဝန်ပေးအပ်ခဲ့ခြင်း ဖြစ်သည်။

ဒူဘိုင်းတွင် ကျင်းပနေသော အာရပ်ကျန်းမာရေးကွန်ဖရင့်တွင် ကူဝိတ်ပြည်သူ့လုပ်ငန်းရေးရာဝန်ကြီးဌာနက ကလေးဆေးရုံဒီဇိုင်းကို ထုတ်ဖော်ပြသခဲ့ခြင်း ဖြစ်သည်။
ကလေးဆေးရုံကိုအဆင့်အမြင့်ဆုံး ဆောက်လုပ်ရေးစံချိန်စံညွှန်းများ၊ ပစ္စည်းများဖြင့် ဆောက်လုပ်သွားမည်ဖြစ်ကြောင်း SSH က ထုတ်ဖော်ပြောကြားသည်။

ဆေးရုံတက်မည့် ကလေးငယ်များနှင့် ၎င်းတို့၏ မိသားစုဝင်များအတွက် နေအိမ်နှင့်သဏ္ဍာန်တူသည့်ဝန်းကျင်မျိုး ဖန်တီးပေးမည်ဟု ဆိုသည်။
ကားစင်းရေ ၂၄၀၀ ဆန့် ကားရပ်နားရန်နေရာ၊ လေကြောင်းမှ အရေးပေါ်သယ်ယူပို့ဆောင်နိုင်ရန်အတွက် ရဟတ်ယာဉ်ကွင်းတစ်ခု၊ ကလေးငယ်များအတွက် နေ့ကလေးထိန်းဌာနတို့လည်း ပါဝင်မည် ဖြစ်သည်။
နေ့ကလေးထိန်းဌာနမှာ ဆေးရုံဝန်ထမ်းများ၏ ကလေးငယ်များအတွက် ရည်ရွယ်ခြင်း ဖြစ်သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)