သားသမီးတွေ မျိုးဆက်သစ်စီးပွားရေးခေါင်းဆောင်ဖြစ်လာဖို့ ရှောင်ရန်(၆)ခု

နည်းပညာတွေ ဖွံ့ဖြိုးတိုးတက်နေတဲ့ ခေတ်ကာလကြီးထဲမှာ နောက်လာမယ့် မျိုးဆက်သစ် စီးပွားရေး ခေါင်းဆောင်တွေကို ဘယ်လိုလေ့ကျင့်ပျိုးထောင်ကြမလဲ။ မိဘတွေအနေနဲ့ သားသမီးတွေကို မျိုးဆက်သစ် စီးပွားရေးခေါင်းဆောင်တွေ ဖြစ်လာအောင် လေ့ကျင့်ပျိုးထောင်ပေးနိုင်ဖို့အတွက် ဆောင်ရန်ရှောင်ရန်တွေကို စုစည်းဖော်ပြလိုက်ပါတယ်။

၁။ သဲသဲလှုပ်အကဲပိုမနေပါနဲ့။

သားသမီးကို အထိမခံဖြစ်ပြီး သဲသဲလှုပ်ချစ်တတ်ကြတဲ့ မိဘတွေ အများကြီးရှိပါတယ်။ ဒီလိုချစ်နည်းမျိုးနဲ့ ကလေးကို ထိန်းသိမ်းတာက ကလေးအတွက် လွတ်လပ်မှုကို အပြည့်အ၀မခံစားရစေပါဘူး။ လွတ်လပ်မှုမရတဲ့အတွက် အသက်ငယ်ရွယ်ချိန်မှာ ကိုယ့်ကိုယ်ကို ယုံကြည်မှုတည်ဆောက်နိုင်စွမ်း မရှိတော့ပါဘူး။ ကလေးကို လွတ်လပ်ခွင့်ပေးတန်သလောက်ပေးပါ။ တော်တန်ရုံချော်လဲပြီး ဒူးပြဲရုံလောက်ကို စိုးရိမ်မနေပါနဲ့။ ဒီလိုလဲကျပြီး ထိခိုက်ဒဏ်ရာရဖူးမှသာ နောက်တစ်ချိန်အရှုံးတွေနဲ့ ရင်ဆိုင်ရပြီး လဲပြုကျရင်လည်း ခံနိုင်ရည်ရှိရှိနဲ့ ပြန်ထနိုင်မှာ ဖြစ်ပါတယ်။

၂။ အီလက်ထရောနစ်ပစ္စည်းတွေနဲ့ အချိန်မကုန်စေပါနဲ့။

ရုပ်သံအစီအစဉ်တွေ၊ တက်ဘလက်တွေ၊ ဖုန်းတွေလိုမျိုး အီလက်ထရောနစ်ပစ္စည်းတွေက အသုံးဝင်နိုင်ပါတယ်။ ကလေးတွေအတွက် သင့်တော်တဲ့ အစီအစဉ်တွေ၊ App တွေဆိုရင် ကလေးတွေအတွက် တီထွင်ဖန်တီးနိုင်စွမ်း၊ ကျိုးကြောင်းဆင်ခြင်သုံးသပ်နိုင်စွမ်းတွေတိုးလာဖို့ အထောက်အကူဖြစ်ပါတယ်။ ဒါပေမယ့် တုံးဆက်ကစားနည်း၊ အရောင်ခြယ်စာအုပ်တွေလိုမျိုး ရိုးရှင်းတဲ့ကစားစရာတွေက ကလေးတွေအတွက် ရေရှည်မှာပိုပြီးအကျိုးသက်ရောက်မှုရှိပါတယ်။

၃။ အရာတိုင်းအတွက် ဖဲကြိုးတွေ မပေးပါနဲ့။

ကလေးတွေကို ယုံကြည်မှုရှိပြီး အောင်မြင်မှုကိုခံစားနိုင်ဖို့ ဖဲကြိုးလေးတွေ ပေးလေ့ရှိပါတယ်။ တကယ်တမ်း အမြဲတမ်းဖဲကြိုးပေးနေတာ အလေ့အကျင့်ကောင်းမဟုတ်ပါဘူး။ ပြဿနာက ကလေးတွေအတွက် သူတို့အမှန် တကယ်မစွမ်းဆောင်နိုင်တာအတွက် ဖဲကြိုးချီးမြှင့်ခံရတာက အကောင်းဆုံးလုပ်ဆောင်ဖို့ ယုံကြည်ချက်ကို ပျက်စီးသွားစေနိုင်ပါတယ်။ လူအများစုအတွက် စိတ်ဓာတ်တက်ကွာစေတဲ့အချက်က အကောင်းဆုံးဖြစ်ဖို့ဆိုတာ ပေါ်မှာ မူတည်ပါတယ်။ အကောင်းဆုံးဆိုတာမဟုတ်ခဲ့ရင် စိတ်ဓာတ်တက်ကြွမှုလည်း ပျောက်ဆုံးသွားတတ်ပါတယ်။ ဒါ့ကြောင့် ကလေးတွေအတွက် ကိစ္စတိုင်းမှာ အနိုင်နဲ့အရှုံးနှစ်ခုစလုံးရှိပြီး အကောင်းဆုံးဖြစ်ဖို့အဓိကဆိုတာကို သဘောပေါက်ဖို့ လိုပါတယ်။

၎။ တားမြစ်ပိတ်ပင်မှုတွေ သိပ်မလုပ်ပါနဲ့။

ကလေးတွေဟာ စူးစမ်းလေ့လာဖို့၊ သူတို့စိတ်ကူးကို လက်တွေ့လုပ်ကြည့်ဖို့ လိုအပ်ပါတယ်။ သူတို့ရဲ့စွန့်စားချင်းစိတ်နဲ့၊ စိတ်ဝင်စားမှုတွေ၊ ၀ါသနာတွေနောက်ကို လိုက်ဖို့လိုပါတယ်။ တစ်ခါတစ်ရံ ဒီအချက်တွေ ပြည့်စုံဖို့အတွက် သန့်ရှင်းနေတဲ့နံရံမှာ အရုပ်တွေရေးတာ၊ ကစားစရာအသစ်ကို ရေချိုးကန်ထဲ စိမ်ထားတာ၊ ဂျုံမှုန့်အိတ်ကို ဧည့်ခန်းထဲမှာ ဖောက်ချထားတာတွေကို လုပ်တတ်ကြပါတယ်။ ဒီလိုလုပ်ဆောင်ချက်တွေကနေ အတွေ့အကြုံတွေယူပြီး တီထွင်ဆန်းသစ်နိုင်စွမ်းနဲ့ စဉ်းစားတွေးခေါ်နိုင်စွမ်း တွေ ဖွံ့ဖြိုးလာပြီး ထူးချွန်ထက်မြက်သူတွေ ဖြစ်လာနိုင်တာကြောင့် အရာတိုင်းကို လိုက်ပြီးပိတ်ပင်တားမြစ်နေဖို့ မလိုပါဘူး။

၅။ ကျရှုံးမှုကို လက်မခံနိုင်အောင် မသင်ပေးပါနဲ့။

ဘယ်မိဘမဆို ကိုယ့်သားသမီးကို အကောင်းဆုံးဖြစ်စေချင်ကြပါတယ်။ စာမေးပွဲမှာ အမှတ်များများရစေချင်တယ်၊ ပြိုင်ပွဲတိုင်းမှာ ပထမရစေချင်ကြတာချည်းပါပဲ။ ဒါပေမယ့်အရေးကြီးတာက ကလေးတွေကို အရှုံးနဲ့ဘယ်လိုရင်ဆိုင်ရမလဲဆိုတာကို သင်ပေးဖို့ပါပဲ။ ဘာကြောင့်လဲဆို သူတို့တွေ တစ်ချိန်မှာ အရှုံးနဲ့ရင်ဆိုင်ရနိုင်တာကြောင့် ဖြစ်ပါတယ်။ အောင်မြင်တဲ့ စီးပွားရေးခေါင်းဆောင်တစ်ယောက်အတွက်တော့ ကျရှုံးမှုဆိုတာ အောင်မြင်မှုဆီကိုလျှောက်လှမ်းရာမှာ လိုအပ်ချက်တစ်ခုဖြစ်ပါတယ်။ ဒါ့ကြောင့် မိဘတွေအနေနဲ့ ကလေးတွေကို အမှားတွေက သင်ခန်းစာယူပြီး ရှေ့ဆက်နိုင်အောင်ပဲ သင်ပေးသင့်ပါတယ်။

၆။ အပြစ်လွှဲချတာမျိုး မလုပ်ပါနဲ့။

သားသမီးမကောင်း မိဘခေါင်းဆိုတာ ရှိပါတယ်။ ကလေးတွေက အပြုအမူမမှန်တာ၊ ရိုင်းစိုင်းတာမျိုးတွေ ရှိလာရင် လူမှုဝန်းကျင်၊ ယဉ်ကျေးမှု၊ မီဒီယာ၊ ဆရာဆရာမ စတာတွေကို ပြစ်တင်ပြောဆိုနေမယ့်အစား မိဘတစ်ယောက်အနေနဲ့ ဘယ်လောက်အထိ တာဝန်ယူသင်ကြားပေးနိုင်လဲဆိုတာကိုပဲ ပြန်ဆန်းစစ်ကြည့်ပါ။ မိဘတွေဟာ ကလေးတွေရဲ့ လက်ဦးဆရာဖြစ်ပြီး အလွှမ်းမိုးနိုင်ဆုံးလည်း ဖြစ်ပါတယ်။ ဒါ့ကြောင့် ကလေးရဲ့ အပြစ်အတွက် တစ်ယောက်ယောက်ကို အပြစ်မတင်ခင်မှာ အိမ်မှာအပြောင်းအလဲတွေလုပ်ပြီး ဆန်းစစ်ကြည့်ပါ။


Credit: Gentleman Magazine