မလေးရှားတွင် ယခုအချိန်အိမ်ခြံမြေ ဝယ်ယူခြင်းမပြုသေးဘဲ ငှားရမ်းနေထိုင်ခြင်းက ပိုမိုကောင်းမွန်ကြောင်း အိမ်ခြံမြေ အတိုင်ပင်ခံပုဂ္ဂိုလ်ပြောကြား

မလေးရှားတွင် အိမ်ခြံမြေ ဝယ်ယူမည့်သူများအနေဖြင့် ဈေးနှုန်းများ ကျဆင်းချိန်ကိုစောင့်ဆိုင်းသင့်ကြောင်းကွာလာလမ်ပူအခြေစိုက် အိမ်ခြံမြေအတိုင်ပင်ခံပုဂ္ဂိုလ်တစ်ဦးကအကြံပေးပြောကြားသည်ဟုမလေးရှားအခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။

ကမ္ဘာ့စီးပွားရေးနှေးကွေးနေသည့်ကာလလက်ရှိအိမ်ခြံမြေပေါက်ဈေးများဖြင့် ဝယ်ယူခြင်းမှာမိမိကိုယ်ကိုအဆုံးစီရင်ခြင်းမျိုးသာ ဖြစ်ကြောင်းပြောကြားသည်ဟုဆိုသည်။
အားနက်စ် ချောင်သည် အိမ်ခြံမြေအတိုင်ပင်ခံပုဂ္ဂိုလ်အဖြစ် နှစ်ပေါင်း ၄၀ ကျော်အတွေ့အကြုံရှိခဲ့သူတစ်ဦးဖြစ်သည်။

အိမ်ခြံမြေဈေးကွက်သည် သီးခြား ရပ်တည်နိုင်သည့် ဈေးကွက် မဟုတ်ကြောင်းနှင့် ဒေသတွင်းနှင့် ကမ္ဘာလုံးဆိုင်ရာ စီးပွားရေးအခြေအနေများကို အာရုံစိုက် စောင့်ကြည့်ရန်လိုအပ်ကြောင်း အားနက်စ်ချောင်ကပြောကြားသည်။

အိမ်ခြံမြေအပိုင်ရှိခြင်းကသာမိသားစုတစ်ခု၏ နေရေးကိုအာမခံချက်ပေးလိမ့်မည်ဟူသောယုံကြည်ချက်များကိုစွန့်ပစ်ကြရန် အားနက်စ်က အကြံပေးခဲ့ပြီး အိမ်ငှားဘဝဖြင့် နေထိုင်နိုင်သေးကြောင်းပြောကြားသည်။

“ခင်ဗျားတို့ အိမ်ခြံမြေ ဆရာကြီးတွေလို့ ခေါ်နေတဲ့သူတွေက အိမ်ခြံမြေတန်ဖိုးရေရှည်မှာ ပြန်ဆပ်နိုင်ဖို့ အလားအလာမရှိတဲ့သူတွေကိုအိမ်ဝယ်ဖို့ တိုက်တွန်းနေကြတဲ့သူတွေပဲ။ အိမ်ခြံမြေဆိုတာဘယ်တော့မှ ဈေးမကျဘူး… ဒီတော့အိမ်ဝယ်တာဟာရင်းနှီးမြှုပ်နှံခြင်းပဲလို့ သူတို့ကပြောကြလိမ့်မယ်”

“အရစ်ကျဆပ်ရမယ့် ငွေကိုခင်ဗျားမဆပ်နိုင်ရင်၊ ဒီအိမ်ကလည်း ပြန်ရောင်းခွင့်မရှိဘူးဆိုရင်၊ ပြန်ငှားထုတ်မယ်ဆိုသည့်တိုင် ရလာမယ့်ငှားခကအရစ်ကျဆပ်ရမယ့်ငွေ မပြည့်မီဘူးဆိုရင် ဘာတွေဖြစ်လာမလဲ။ ခင်ဗျားဒုက္ခလှလှ ရောက်ပြီပေါ့ဗျာ” ဟုအားနက်စ်ချောင်ကဆိုသည်။

မလေးရှားတွင် မကြာသေးမီက ပြုလုပ်ခဲ့သောစစ်တမ်းတစ်ရပ်အရ ၂၀၁၇ ခုနှစ်အတွင်းမလေးရှားအိမ်ခြံမြေဈေးကွက် အခြေအနေမကောင်းလှသည့်တိုင် ဝယ်လက် ၅၈ ရာခိုင်နှုန်းသည် ပထမ ၆ လတာကာလအတွင်းအိမ်ခြံမြေဝယ်ယူကြဖွယ်ရာရှိနေကြသည်။
အားနက်စ်ချောင်ကမူစီးပွားရေးမရေရာသည့် ကာလမျိုးတွင် နေအိမ်ဝယ်ယူခြင်းထက် ငှားရမ်းနေထိုင်ခြင်းကသာပိုမိုကောင်းမွန်ကြောင်းပြောကြားသည်။
“ငှားနေမယ်ဆိုရင် ပြောင်းလို့ပြင်လို့လွယ်တယ်။ ဆိုပါစို့။ ခင်ဗျားကရင်းဂစ် ၂၀၀၀ ပေးပြီးအိမ်ငှားနေတယ်။ ဒီအချိန်မှာခင်ဗျား (ဒါမှမဟုတ်) ဇနီးကအလုပ်လက်မဲ့ဖြစ်သွားတယ်ဆိုရင် ဈေးသက်သာတဲ့နေရာကိုပြောင်းလို့ရတယ်။ တကယ်လို့သာရင်းဂစ် ၂၀၀၀ အရစ်ကျသွင်းစနစ်နဲ့ အိမ်ဝယ်ခဲ့မယ်ဆိုရင် ခင်ဗျားအနေနဲ့ ခုနလိုအကုန်အကျသက်သာအောင် ရွေးချယ်နိုင်တဲ့လမ်းကြောင်းမရှိတော့ဘူး”

“ဝယ်ထားတဲ့အိမ်ကို ပြန်ငှားထုတ်ပြီးဈေးသက်သာတဲ့နေရာကိုပြောင်းလို့ရတယ်လို့ ခင်ဗျားကပြောမယ်။ မေးစရာကခင်ဗျားအိမ်ကိုရင်းဂစ် ၂၀၀၀ နဲ့ငှားမယ့်သူကိုရှာနိုင်ပါ့မလား။ အငှားဈေးကွက်မှာအိမ်တွေဒီလောက်ပုံနေတဲ့ အချိန်မျိုးမှာခင်ဗျားရဲ့အိမ်ကိုငှားထုတ်နိုင်ပါ့မလားဆိုတာမေးရပါမယ်” ဟုအားနက်စ်ကထောက်ပြသည်။
ထို့ကြောင့် နေအိမ်ဝယ်ယူကြမည့်သူတို့အနေဖြင့် ပြန်လည်ပေးဆပ်ရမည့်ကာလတစ်လျှောက်လုံးအတွက် ငွေပေးသွင်းနိုင်စွမ်းရှိသည်ဟုအခိုင်အမာယုံကြည်မှသာနေအိမ်ဝယ်ယူကြရန် အားနက်စ်ကအကြံပေးသည်။

“လစဉ်နေအိမ်ဖိုးသွင်းရတဲ့ငွေပမာဏဟာအိမ်ထောင်စုတစ်ခုလုံးဝင်ငွေရဲ့ ၂၅ ရာခိုင်နှုန်းထက် မပိုသင့်ဘူး။ ၇၅ ရာခိုင်နှုန်းကိုလူနေမှုစရိတ်အတွက်ချန်ထားပြီး ဖြစ်နိုင်ရင် ငွေစုဖို့လိုပါတယ်” ဟုလည်းအားနက်စ်ကဆက်လက်ပြောကြားသည်။

လက်ရှိကာလမလေးရှားအိမ်ငှားဈေးကွက်တွင် ငှားရမ်းမည့်နေအိမ်များအလွန်အကျွံမြင့်တက်နေခြင်းကြောင့် အငှားဈေးများ ပြုတ်ကျလျက်ရှိရာမလေးရှားပြည်သူတို့အနေဖြင့် အဆိုပါအခြေအနေကိုအခွင့်ကောင်းယူကြရန် အားနက်စ်ချောင်ကတိုက်တွန်းသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)