တိုက်ခန်း အရောင်းအဝယ်ဈေးကွက်အေးနေတာကြောင့် ကန်ထရိုက်တိုက်တည်ဆောက်ဖို့ မြေရှင်ဆီက မြေဂရန်မှုရင်းယူပြီး အဆောက်အအုံမတည်ဆောက်ဘဲ ထွက်ပြေးတဲ့ အမှုတွေ များနေတယ်လို့ ရန်ကုန်မြို့တော်စည်ပင်သာယာရေး ကော်မတီ အင်ဂျင်နီယာဌာန (အဆောက်အအုံ)က သိရပါတယ် ။
ရန်ကုန်မြို့တော် စည်ပင်သာယာရေးကော်မတီ အင်ဂျင်နီယာဌာန (အဆောက်အအုံ)က တာဝန်ရှိသူတစ်ဦးက ‘ခေတ်မကောင်းတော့ ကန်ထရိုက်ထွက်ပြေး တိုးလို့တန်းလန်းနဲ့ ကျန်နေတယ် ၊ တကယ်တန်းဆောက်မယ်ဆိုရင် အယ်လ်စီလိုင်စင် ယူထားတဲ့ ကန်ထရိုက်တာ ဟုတ်မဟုတ်စုံစမ်းပါ ၊ ဂရန်တွေကိုလဲ စည်ပင်မှာပါမစ်ယူတဲ့ တစ်ချိန်ပဲ ဂရန်မှုရင်းနဲ့ တိုက်ဆိုင်စစ်ဆေးလို့ ၊ မြေရှင်တွေက ကန်ထရိုက်တွေကို မြေဂရန်မအပ်ဖို့ လိုတယ် ’ လို့ ပြောပါတယ် ။
မြေရှင်တွေက စည်ပင်မှာ တရားဝင်ခွင့်ပြုချက်နဲ့ တည်ဆောက်တာ မဟုတ်လို့ တရားစွဲဒဏ်ကြေးတွေ ပေးဆောင်နေရတဲ့အပြင် ဆက်လက်တည်ဆောက်ဖို့လည်း မြေဂရန်မရှိတော့တဲ့
ပြသနာတွေ ဖြစ်နေပါတယ် ။
ကန်ထရိုက်ထွက်ပြေးတဲ့အမှုတွေ နေ့တိုင်းနီးပါး ရန်ကုန်မြို့တော် စည်ပင်သာယာရေးကော်မတီ အင်ဂျင်နီယာဌာန (အဆောက်အအုံ)က ဖြေရှင်းပေးနေရတယ်လို့ သိရပါတယ် ။
Credit: The Modern
