နှစ်သစ်ကူးပွဲမတိုင်မီ ရှန်ဟိုင်းအိမ်သစ်ရောင်းအား ကျဆင်းဆဲ

တရုတ်နိုင်ငံ ရှန်ဟိုင်းမြို့၌ ဇန်န၀ါရီလ ၁၅ ရက်တွင် ကုန်ဆုံးခဲ့သည့် ပြီးခဲ့သည့်သီတင်းပတ်သည် အိမ်သစ်ရောင်းအား စတုရန်းမီတာ ၁ သိန်းအောက် နှစ်ပတ်ဆက်တိုက်
ကျဆင်းသည့်သီတင်းပတ်ဖြစ်ခဲ့သည်။ နှစ်သစ်ကူးပွဲတော်နီးကပ်လာစဉ် ဈေးကွက်ဆက်လက်အားပျော့ဆဲဖြစ်ကြောင်းပြသသည့် နောက်ထပ်သက်သေတစ်ခုဖြစ်သည်။

အစိုးရမတည်သည့်တန်ဖိုးနည်းအိမ်ရာများမှအပ ပြီးခဲ့သည့်သီတင်းပတ်အတွင်း အိမ်သစ်
ရောင်းချရမှုဧရိယာသည် ယင်းမတိုင်မီသီတင်းပတ်ထက် ၅ ရာခိုင်နှုန်းမြင့်တက်ခဲ့ပြီး
စတုရန်းမီတာ ၉၈,၀၀၀ ရှိခဲ့ကြောင်း ရှန်ဟိုင်းအိမ်ခြံမြေအတိုင်ပင်ခံကုမ္ပဏီ ShanghaiCentaline Property Consultants Co က ဇန်န၀ါရီလ ၁၆ ရက်တွင် ထုတ်ပြန်ခဲ့သည်။

အိမ်သစ်များအား ၁ စတုရန်းမီတာလျှင် ပျမ်းမျှ ၄၇,၁၁၉ ယွမ် (အမေရိကန်ဒေါ်လာ ၆,၈၃၀) ဖြင့် ရောင်းချခဲ့ရကာ ထိုပျမ်းမျှရောင်းဈေးသည်လည်း ၁၆ ဒသမ ၃ ရာခိုင်နှုန်း
မြင့်တက်ခဲ့သည်။

"တစ်ပတ်လုံး ဈေးကွက်ထဲ အိမ်သစ်တစ်အိမ်တောင် မ၀င်လာခဲ့သလို ရောင်းသူ၊
ဝယ်သူနှစ်ဖက်စလုံးရဲ့ ရောင်းလိုအားဝယ်လိုအားတွေဟာ အရမ်းကို ထိုးကျခဲ့ပါတယ်။ တင်းကျပ်လိုက်တဲ့ အိမ်ခြံမြေစည်းမျဉ်းတွေက အသက်ဝင်နေဆဲပါ။ နှစ်သစ်ကူးပွဲတော်
နီးကပ်လာချိန် ဇန်န၀ါရီတစ်လလုံးမှာ ရောင်းအား စတုရန်းမီတာ ၄ သိန်းမကျော်ဘူးဆိုရင် ဒီနှုန်းက ယခုနှစ်ဇန်န၀ါရီကို ငါးနှစ်အတွင်းမှာ နှုန်းအနိမ့်ဆုံးဇန်န၀ါရီ ဖြစ်စေနိုင်ပါတယ်။"
ဟု Centaline ၏ အကြီးတန်းသုတေသနမန်နေဂျာ လုဝိန်စီက ပြောကြားခဲ့သည်။

ရှန်ဟိုင်းမြို့တွင် အိမ်ခြံမြေဈေးကစားမှုများအား ထိန်းချုပ်၍ အိမ်ခြံမြေဈေးကွက်တည်
ငြိမ်စေရန် ကြိုးပမ်းမှုအဖြစ် မြို့အစိုးရက ပထမဆုံးအကြိမ်အိမ်ဝယ်ယူသူများ လက်ငင်းပေးချေရမည့် အနည်းဆုံးငွေပမာဏအား အိမ်တန်ဖိုး၏ ၃၅ ရာခိုင်နှုန်းအဖြစ် ပြီးခဲ့သည့် နိုဝင်ဘာလ ၂၈ ရက်ညက ကြေညာခဲ့သည်။ ယခင်သတ်မှတ်ချက်မှာ ၃၀ ရာခိုင်နှုန်းဖြစ်သည်။

ထို့ပြင် ပထမဆုံးအကြိမ်အိမ်ဝယ်ယူသူများဟူသည့် အသုံးအနှုန်းကိုလည်း ရှန်ဟိုင်းတွင်အိမ်တစ်ကြိမ်တစ်ခါမျှဝယ်ယူဖူးခြင်းမရှိသူ ဖြစ်ရမည့်အပြင် နိုင်ငံတစ်ဝန်းရှိ မည်သည့်ပုဂ္ဂလိကဘဏ် သို့မဟုတ် ပြည်သူ့အိုးအိမ်ရန်ပုံငွေအဖွဲ့အစည်းထံကမျှ အိမ်ဝယ်ယူမှုအတွက် ချေးငွေလျှောက်ထားဖူးသူမဟုတ်သူဟု စည်းမျဉ်းတိုးမြှင့်ကာ အဓိပ္ပါယ်သတ်
မှတ်လိုက်သည်။

ရှန်ဟိုင်းတွင် အိမ်တစ်အိမ်ပိုင်ဆိုင်ပြီးသူများ သို့မဟုတ် မပိုင်ဆိုင်သေးသော်လည်းထိုဘဏ်များအဖွဲ့အစည်းများထံမှ အိမ်ချေးငွေ လျှောက်ထားဖူးသူများအားလည်း
ဒုတိယအကြိမ်အိမ်ဝယ်ယူသူအဖြစ် သတ်မှတ်လိုက်ခြင်းဖြစ်သည်။

ယင်းစည်းမျဉ်းများသည် ပြီးခဲ့သည့် နိုဝင်ဘာ ၂၉ ရက် (၂၀၁၆ နိုဝင်ဘာ ၂၉) မှ စတင်အာဏာသက်ရောက်ပြီဖြစ်သည်။

ခင်အေးချမ်း မှ iMyanmarHouse.com အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com