ပါမစ်ပျောက်၊ ဂရန်အသစ်လျှောက်

သူငယ်ချင်းဖြစ်သူ ကိုအေးချမ်းက အိမ်အပြောင်းရွှေ့ ပြုလုပ်စဉ် မြေချပါမစ် ပျောက်သွားတာ ပြန်ရအောင် နည်းလမ်းကောင်းလေး ပေးပါအုံးလို. မေးလာပါတယ်...

စာရေးသူက...

မင်းဝယ်ထားတဲ့ ပါမစ်မြေကွက်က တောင်ဒဂုံမြေကွက် ပါမစ်အမည်ပေါက်က ဦးရွှေကျော်ထံက
တစ်ဆင့်ဝယ်ထားတဲ့ ပါမစ်မြေကွက် ပျောက်သွားတာ။ ဒီတော့ ဆောင်ရွက်ရမှာ အဆင့်တွေ များတယ်။

ဓာတ်ပုံမြေချ ပါမစ်မြေကွက်တွေကို ထုတ်ပေးထားက ရန်ကုန်မြို့ရွာနှင့် အိုးအိမ် ဖွံ့ဖြိုးရေး ဦးစီးဌာန ထုတ်ပေးထားတာ။

အိုအိမ်မြေချပါမစ်ကို မူလ အမည်ပေါက်ရှိ၊ မရှိသိလိုတာပဲ ဖြစ်စေ၊ အတု နဲ့ အစစ် ခွဲခြားသိချင်လို့ပဲ ဖြစ်ဖြစ်၊ မြေချပါမစ် ပျောက်သွားလို့ ဘယ်လို ဆောင်ရွက်ရမယ်ဆုိုတာ သိလိုရင်ပဲဖြစ်စေ
ရန်ကုန်တိုင်း အိုးအိမရုံးမှာပဲ သွားပြီးစုံစမ်းကြတယ်။ အဲဒီရုံးက သက်ဆိုင်ရာမြို့နယ် တာဝန်ခံက ရှင်းပြပေးပါတယ်။

အခုတော့ မြို့သစ် မြေကွက်ပါမစ်တွေကို အိုးအိမ်ကနေ မြို့တော်စည်ပင်မြေယာဌာနကို လွှဲပြောင်းနေပြီးလို့ သိရတယ်။

ဒီတော့ အကောင်းဆုံး အကြံပြုချင်တာကတော့ ရန်ကုန်မြို့တော် စည်ပင်သာယာရေး
ကော်မတီ၊ မြို.ပြစီမံကိန်းနှင့် မြေစီမံခန့်ခွဲမှု ဌာနက လက်ခံဆောင်ရွက်ပေးနေတဲ့ လိုအပ်မယ့်
အချက်အလက်တွေကို ပြောပြလုိုက်မယ်လေ။

ပထမဆုံး မြေချပါမစ်အမည်ပေါက် ဦးရွှေကျော်ကို ပြန်ရှာရမယ်။ ဦးရွှေကျော်ကို တွေ့ခဲ့ရင် ဦးရွှေကျော်ကိုယ်တိုင် မြေချပါမစ်ပျောက်ဆုံးသွားကြောင်း တောင်ဒဂုံက မိမိမြေကွက်ရှိတဲ့ ရပ်ကွက်ရုံးက ရပ်ကွက်အုပ်ချုပ်ရေးမှူးထံမှာ ထောက်ခံချက် သွားယူရမယ်။ အဲဒီမြေချပါမစ် ပျောက်ဆုံးကြောင်း ထောက်ခံချက်ကို တင်ပြပြီး သက် ဆိုင်ရာ မြို့နယ်ရဲစခန်းက ထပ်ဆင့် ထောက်ခံချက် ယူရမယ်။

အဲဒီထောက်ခံချက် (၂)ခုရရင် အိမ်အပြောင်းအရွှေ့ ပြုလုပ်စဉ် မြေချပါမစ်များ ပျောက်ဆုံးသွားကြောင်း ပါမစ် အမည်ပေါက် ဦးရွှေကျော်က တရားရုံးမှာ ကျမ်းကျိန်ရမယ်။ အဲဒီ (၃) မျိုး စုံရန်တော့ ဦးရွှေကျော်ရဲ့ နိုင်ငံသား ကတ်ပြားမူရင်းနဲ့ မိတ္တူ (၁) စုံစီ ယူဆောင်ပြီး ရန်ကုန်မြို့တော်ခန်းမမှာ ရှိတဲ့ မြေယာဌာနမှာ လျှောက်လွှာဝယ်ပြီး ပါမစ်ပျောက်လို့ ဂရန်အသစ် မြေဌားစာချုပ် ထုတ်ပေးပါရန် လျှောက်ထားရမယ်။ မြေယာဌာနက ညွှန်ပြတဲ့အတိုင်း သတင်းစာမှာ ကန့်ကွက်ရန်ရှိ/မရှိ ကြော်ငြာရမယ်။လျှောက်ထားတဲ့ မြေကွက် ကွင်းဆင်း စစ်ဆေးလိမ့်မယ်။

အဲ…တစ်ခုတော့ ကြိုပြီးပြောထားရဦးမယ်။ ဂရန်သစ် မလျှောက်မီကတည်းက ကိုယ်ရထားတဲ့ မြေကွက်ထဲမှာ အိမ်ဆောက်ပြီး လျှောက်ထားသူ ကိုယ်တိုင် နေရမယ်။ မြေကွက်မှာလာပြီး ကွင်းဆင်း စစ်ဆေးတဲ့ မြေတိုင်း တာဝန်ခံနဲ့ မြေကွက်လျှောက်သူ ကိုယ်တိုင် ကိုယ့်မြေကွက် ကိုယ့်အိမ်ရှေ့မှာ နှစ်ယောက်တွဲပြီး ရိုက်ထားတဲ့ဓာတ်ပုံကို မြေယာဌာနမှာ တင်ပြရမယ်။

အဲဒီလို အချက်အလက်တွေ စုံပြီးရင် မြေကွက်ရှိတဲ့အုပ်ချုပ်ရေးမှူးရုံးနဲ့ မြို့နယ်အုပ်ချုပ်ရေးမှူးရုံး တို့မှာ ဂရန်သစ်လျှောက်ထားမှုနဲ့ ပတ်သက်လို့ ကန့်ကွက်နိုင်ကြောင်း ကြော်ငြာရသေးတယ်။ သတင်းစာနဲ့ အုပ်ချုပ်ရေးမှူး ရုံးတွေမှာလည်း ကန့်ကွက်သူမရှိတော့ဘူး ဆိုရင်တော့ ဌာနက ဂရန် ထုတ်ပေးနိုင်ဖို့အတွက် အဆင့်ဆင့် ဆောက်ရွက်ပေးရတယ်။ ဂရန်အသစ် ထုတ်ဖို့ အကြောင်း ကြားလာရင် (ပေ ၄၀ x ပေ ၆၀) မြေကွက်ဖိုးငွေ ၄၈၀၀၀ိ/ (ကျပ်လေးသောင်းရှစ်ထောင်) ပေးသွင်းရတယ်။ ငွေသွင်းခွင့် ရရင်တော့ ဂရန် မြေငှားစာချုပ်ကို မကြာခင် သွားရောက် ထုတ်ယူလို့ ရပြီးပေါ့။

ဂရန်သစ်ရလာရင် အမည်ပေါက် ဦးရွှေကျော် နာမည်နဲ့ ထွက်လာမယ်။ဦးရွှေကျော်နဲ့ ကိုအေးချမ်း မြေနဲ့ အိမ် အရောင်းအဝယ် ကတိ စာချုပ်ပါ ပြန်ဝယ်လိုက်တဲ့ သဘောပေါ့။

ကိုအေးချမ်း နာမည် ပြောင်းပြီးတဲ့အထိ ဂရန် လုပ်မယ်ဆိုရင် ငွေအကုန်အကျ များမယ်။ ဒီတော့ ဦးရွှေကျော်က ဦးအေးချမ်းကို အဆိုပါ မြေကွက်နဲ့ ပတ်သက်ပြီး ရောင်းချခြင်း၊ ပေးကမ်းခြင်း၊ လွှဲပြောင်းခြင်းတို့ ပြုလုပ်နိုင်တယ် ဆိုတဲ့ မှတ်ပုံတင် အထူး ကိုယ်စားလှယ် လွှဲစာလက်ခံ ယူထားလိုက်ရင် အားလုံးပိုင်ဆိုင်ခွင့် ရသွားပြီးပေါ့ကွာ ။

ကဲ… ရှင်းပြီးလားသူငယ်ချင်း ။

အေး… သဘောတော့ ပေါက်သွားပါပြီး။ ကိုယ့် မြေကွက်အဆုံးရှုံး မခံနုိုင်တော့ မင်းပြောတဲ့ အတိုင်း
လုပ်ရတော့မှာပေါ့ကွာ ။


လွှတ်တော်ရှေ့နေ မောင်ကောင်းဖေ မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com