ပေပေါင်း ၁၈၅၀ နက်သည့် လျှိုပေါ်တွင် ဆောက်လုပ်ထားသော တရုတ်နိုင်ငံမှ ကမ္ဘာ့အမြင့်ဆုံးတံတား ဖွင့်လှစ်

တရုတ်နိုင်ငံ အနောက်တောင်ပိုင်း ယူနန်ပြည်နယ်နှင့် ကွေ့ကျိုးပြည်နယ် ကြားတွင် ဆက်သွယ်ဆောက်လုပ်ထားသော ကမ္ဘာ့အမြင့်ဆုံးတံတားကို မော်တော်ကားများသွားလာနိုင်ရန် ဒီဇင်ဘာလ ၃၀ ရက်တွင် ဖွင့်လှစ်ပေးလိုက်ပြီဖြစ်သည် ဟု သိရသည်။

၁၈၅၄ ပေ အနက်ရှိသော လျှိုကြီး၏ထိပ်တွင် ဆောက်လုပ်ထားသည့် Beipanjiang တံတားကို ဒေါ်လာ ၁၄၈ သန်း အကုန်အကျခံ တည်ဆောက် ခဲ့ခြင်းဖြစ်သည်။ ယခုလက်ရှိ တရုတ်နိုင်ငံ၏ အမြင့်ဆုံး တံတားဖြစ်သော ၁၆၂၇ ပေ အမြင့်ရှိသည့် ဆီဒူမြစ်ကူးတံတားထက် ကျော်လွန်၍ ကမ္ဘာ့အမြင့်ဆုံး တံတားဖြစ် လာခဲ့သည်။

ပေပေါင်း ၄၃၉၆ ရှည်သော လေးလမ်းသွားတံတားကြီးသည် တရုတ် နိုင်ငံ၏ ပြည်နယ်ကြီးနှစ်ခုကို ဆက်သွယ် ပေးထားသည်။ နက်ရှိုင်းသည့် လျှိုကြီး တစ်ခု၏အပေါ်တွင် ဆောက်လုပ်ထားသောBeipanjiang တံတားသည် လန်ဒန်မှ ၉၆ ထပ် မိုးမျှော်တိုက်ကြီးဖြစ်သော The Shard ထက် နှစ်ဆမြင့်သည်။

စက်တင် ဘာလ ၁၀ ရက်တွင် အင်ဂျင်နီယာများက တံတားကြီး၏ နောက်ဆုံးအစိတ်အပိုင်း ကို ဆက်စပ်ပေးနိုင်ခဲ့ပြီး သုံးနှစ်ကြာမြင့် ခဲ့သော ဆောက်လုပ်ရေးလုပ်ငန်းကို အပြီးသတ်နိုင်ခဲ့သည်။ လျှိုအောက်တွင် စီးဆင်းနေသည့် Beipan မြစ်ကို အစွဲပြု ၍ အမည်ပေးထားခြင်းဖြစ်သည်။

တံတား သည် တရုတ်နိုင်ငံတောင်ပိုင်းရှိ ဟန်ကျိုး မြို့နှင့် တရုတ်-မြန်မာနယ်စပ်ရှိ Ruili မြို့ကြား ဆက်စပ်ပေးထားသော ၂၁၁၅ မိုင် အရှည်ရှိသည့် လမ်းမကြီး၏ တစ်စိတ် တစ်ပိုင်းဖြစ်သည်။

တရုတ်နိုင်ငံ ကွမ်ရှင်း အဝေးပြေးလမ်းမကြီးတွင်လည်းBeipanjiang အမည်နှင့် တံတားတစ်စင်း တည် ဆောက်ထားပြီး နာမည်တူသော်လည်း ပေပေါင်း ၁၂၀၀ အမြင့်ရှိသည့် တံတားကို ၂၀၀၃ ခုနှစ်ကတည်းက ဖွင့်လှစ်ခဲ့ခြင်းဖြစ် သည်။

Beipanjiang တံတားအပြင် တရုတ်အင်ဂျင်နီယာများက ကမ္ဘာ့ဒုတိယအမြင့်ဆုံးတံတားအဖြစ် သတ်မှတ်ခံရနိုင်သည့် Jinshajiang တံတားကိုဆောက်လုပ်နေပြီဖြစ်ပြီး ယူနန်ပြည်နယ် Jinsha မြစ်ပေါ်တွင် ပေပေါင်း ၁၆၈၀ အမြင့်၌ ဆောက်လုပ်နေခြင်းဖြစ်ကာ ၂၀၂၁ ခုနှစ် တွင် အပြီးသတ်နိုင်လိမ့်မည်ဟု ယူဆရကြောင်း သိရသည်။

Credit: PYI Myanmar