မန္တလေးတိုင်းဒေသကြီးအစိုးရအဖွဲ့ ကြီးကြပ်မှုဖြင့် တန်ဖိုးမျှတအိမ်ရာ တိုက်ခန်း ၅၆ဝ ကို မဲနှိုက်ရောင်းချ

မန္တလေးတိုင်းဒေသကြီး ချမ်းမြသာစည်မြို့နယ် မြရည်နန္ဒာ ရပ်ကွက်၌ မြို့ပြနှင့် အိမ်ရာဖွံ့ဖြိုးရေးဦးစီးဌာနက ဆောက်လုပ် သည့် တန်ဖိုးမျှတအိမ်ရာ တိုက်ခန်း ၅၆ဝ ကို ဇန်နဝါရီ ၄ ရက် နံနက် ၉ နာရီက တိုင်းဒေသကြီးအစိုးရ၏ ကြီးကြပ်မှုဖြင့် အဆိုပါ ရုံးခန်းမ၌ မဲနှိုက်ရောင်းချပေးခဲ့ကြောင်း သိရသည်။

အဆိုပါမဲနှိုက်ရောင်းချရာသို့ တိုင်းဒေသကြီး ဝန်ကြီးချုပ် ဒေါက်တာဇော်မြင့်မောင်၊ တိုင်းဒေသကြီးလွှတ်တော် ဥက္ကဋ္ဌ ဦးအောင်ကျော်ဦး၊ တိုင်းဒေသကြီး လျှပ်စစ်၊ စွမ်းအင်နှင့် ဆောက် လုပ်ရေးဝန်ကြီး ဦးဇာနည်အောင်၊ ရှမ်းတိုင်းရင်းသားလူမျိုး ရေးရာဝန်ကြီး ဦးစိုင်းကျော်ဇောနှင့် သယံဇာတနှင့် သဘာဝ ပတ်ဝန်းကျင်ထိန်း သိမ်းရေး ဝန်ကြီး ဦးမျိုးသစ်(ခ)ဦးပါလေးနှင့် အစိုးရအဖွဲ့ဝင်များ တက်ရောက်ကြီးကြပ် အားပေးခဲ့ကြသည်။

တိုင်းဒေသကြီးဝန်ကြီးချုပ်က တိုင်းဒေသကြီးအတွင်း ဝန်ထမ်းများအနက် ၃ ရာခိုင်နှုန်းခန့်သာ အိမ်ရာပေးနိုင်သေး ကြောင်း၊ ဝန်ထမ်းများ၏ လစာငွေမှ အိမ်ငှားစရိတ် မကုန်ကျ စေရန်နှင့် အငြိမ်းစားယူပြီးပါကလည်း အိမ်ပိုင် အဖြစ် နေထိုင် နိုင်ရန် မြေရရှိသလောက် ထပ်မံဆောက်လုပ်ပေး သွား မည်ဖြစ် ကြောင်း ပြောကြားသည်။

''လွတ်လပ်ရေးနေ့မှာ ပြည်သူတွေ အိမ်ခန်းတွေရကြပြီး ပျော်ရွှင်စေချင်လို့ ဒီနေ့မှာ မဲနှိုက်ပေးတာပါ။ အိမ်ခန်းရသူတွေက ဝမ်းသာကြ မှာဖြစ် သလို မျှော်လင့်ချက်အပြည့်နဲ့ စောင့်မျှော်နေ ကြတဲ့ လူအုပ်ကြီး ကို တွေ့ရတဲ့အတွက် အကုန်မပေးနိုင်သေးလို့ ဝမ်းနည်းရပါတယ်။ အခု မဲမပေါက်သူတွေအတွက်လည်း နောက်ထပ်ဆောက်မယ့်တိုက်ခန်းတွေမှာ လျှောက်လွှာအသစ် တွေ ထပ်မခေါ်တော့ဘဲ အခုကျန်ခဲ့သူတွေကိုပဲ ရောင်းချပေး သွားမှာပါ'' ဟု ¤င်းက ပြောကြားသည်။

တန်ဖိုးမျှတအိမ်ရာ လျှောက်ထားသူ ၇၆၄ဝ ရှိသည့်အနက် နိုင်ငံ့ဝန်ထမ်း ၅၂၅၂ ဦး၊ အငြိမ်းစားဝန်ထမ်း ၁၁၄၆ ဦး၊ ကုမ္ပဏီ ဝန်ထမ်း ၅၃ဝ နှင့် ဝင်ငွေနည်းပြည်သူ ၇၁၂ ဦးရှိရာ လျှောက် ထားသူများ အပေါ်မူတည် ၍ နိုင်ငံ့ဝန်ထမ်းများအတွက် ၃၈၅ ခန်း၊ အငြိမ်းစားဝန်ထမ်းများအတွက် ၈၄ ခန်း၊ ကုမ္ပဏီဝန်ထမ်း များအတွက် အခန်း ၄ဝ နှင့် ဝင်ငွေနည်းပြည်သူအတွက် ၅၁ ခန်းတို့ကို အချိုးကျခွဲဝေ၍ မဲနှိုက်ရောင်းချပေးခဲ့သည်။

နိုင်ငံ့ဝန်ထမ်းအဖြစ် လျှောက်ထားသူ မြေညီထပ်တိုက်ခန်း မဲပေါက်သည့် အလယ်တန်းကျောင်းဆရာ ဦးအောင်သိန်းက ''လုပ်သက် ၂၉ နှစ်ရှိပြီဆိုတော့ ပင်စင်ယူခါနီးမှာ အိမ်ခန်း မဲပေါက်တဲ့အတွက် ဝမ်းသာလွန်းလို့ မျက်ရည်ကျ မိတယ်။ အခုလို မဲနှိုက်ပေးတာကလည်း ပွင့်လင်းမြင်သာမှု ရှိတယ်။ ပင်စင်ယူ ပြီးရင် မ္တလေးမှာ အခြေချနေထိုင်ချင်တဲ့ ဆန္ဒပြည့်သွားပြီ'' ဟု ပြောကြားသည်။

အဆိုပါ တိုက်ခန်းများမှ မြေညီထပ် ၂၂၃ သိန်း၊ ပထမထပ် ၂ဝ၈ သိန်း၊ ဒုတိယ ထပ် ၁၉၃ သိန်း၊ တတိယထပ် ၁၇၈ သိန်းနှင့် စတုတ္ထထပ် ၁၆၃ သိန်း တို့ဖြင့် ရောင်း ချပေး မည်ဖြစ်ပြီး လက်ငင်း ငွေချေ စနစ်ဖြင့် လည်းကောင်း၊ လေးလ လေး ရစ် ငွေချေစနစ် ဖြင့်လည်းကောင်း၊ ဌာနသို့ ၃ဝ ရာခိုင်နှုန်း ကြိုတင်ပေးသွင်းပြီး ကျန်ငွေကို ၈နှစ် အရစ်ကျ ဘဏ်ချေးငွေ စနစ်ဖြင့်လည်းကောင်း ဝယ်ယူနိုင်ကြောင်း သိရသည်။


Credit: MOI Webportal Myanmar