၂၀၁၇ တွင် ရှန်ဟိုင်းအိမ်ခြံမြေ ဆွဲဆောင်အားကောင်းမည်

နိုင်ငံတကာငွေကြေးက တရုတ်ပြည်မကြီးတွင် အထူးသဖြင့် ပြည်မကြီးရှိ ပထမတန်းစားမြို့ကြီးများတွင် ရင်းနှီးမြှုပ်နှံရန် စိတ်အားထက်သန်အင်အားကောင်းနေဆဲဖြစ်သဖြင့်
လာမည့် ၂၀၁၇ ခုနှစ်၌ အာရှပစိဖိတ်ဒေသတွင် တရုတ်နိုင်ငံ ရှန်ဟိုင်းမြို့၏ အိမ်ခြံမြေရင်းနှီးမြှုပ်နှံမှုနှင့် ဖွံ့ဖြိုးတိုးတက်မှုအလားအလာများသည် ဆွဲဆောင်အားကောင်းမည်ဖြစ်ကြောင်း အကျိုးအမြတ်အတွက်
မဟုတ်သည့် သုတေသနအဖွဲ့အစည်း Urban LandInstitute နှင့် PricewaterhouseCoopers ၀န်ဆောင်မှုကွန်ရက်ကုမ္ပဏီတို့ ပူးတွဲထုတ်
ပြန်လိုက်သည့် ၂၀၁၇ခုနှစ်အတွက် အာရှပစိဖိတ်အိမ်ခြံမြေအလား
အလာ ခန့်မှန်းချက်တွင် ဖော်ပြထားသည်။

ကမ္ဘာ့အိမ်ခြံမြေအကြံပေးကုမ္ပဏီ JLL ကလည်း တရုတ်တွင် အစိုးရက ငွေကြေးစီးဆင်းမှုကို စောင့်ကြည်မည်ဟု ကြွေးကြော်
ထားသော်လည်း ရင်းနှီးမြှုပ်နှံသူများသည်
လာမည့် ၂၀၁၇ ခုနှစ်တွင် ပြည်ပအိမ်ခြံမြေကဏ္ဌများ၌ ဆက်လက်ရင်းနှီးမြှုပ်နှံကြမည်ဖြစ်ကြောင်း ပြီးခဲ့သည့်သီတင်းပတ် ဒီဇင်ဘာလ ၂၀ ရက်တွင် ထုတ်ပြန်ခဲ့သည်။

ရှန်ဟိုင်းသည် နိုင်ငံတကာရင်းနှီးမြှုပ်နှံသူများအတွက် အဓိကဈေးကွက်တစ်ခု သို့မဟုတ်
ဒေသဆိုင်ရာ ဂိတ်တံခါးပေါက်တစ်ခုဖြစ်သည်ဟု ထုတ်ပြန်ချက်တွင် ဖော်ပြထားသည်။

ရှန်ဟိုင်းသည် ၂၀၁၇ ခုနှစ်တွင် ရင်းနှီးမြှုပ်နှံမှုအခွင့်အလမ်းများအတွက် နံပါတ် ၆နေရာနှင့် ဖွံ့ဖြိုးမှုအလားအလာအတွက် နံပါတ် ၇ နေရာတို့၌ ဖော်ပြခံခဲ့ရသည်။ ယင်း
သည် ယခုနှစ်တွင် ၉ နှင့် ၁၀ နေရာတို့၌ အသီးသီးရပ်တည်ခဲ့ခြင်းထက် မြင့်တက်ဖော်ပြ
ခံခဲ့ရခြင်းဖြစ်သည်။ စန်းကျန်းက ကဏ္ဌနှစ်ခုစလုံး၌ နံပါတ် ၅ နေရာ၊ ကွမ်ကျိုးက နံပါတ်၁၀ နှင့် နံပါတ် ၁၃ နေရာနှင့် ပေကျင်းက နံပါတ် ၁၁ နှင့် ၈ နေရာတို့တွင် အသီးသီးဖော်ပြခံခဲ့ရသည်။

တရုတ်မြို့ကြီးများအားလုံးတွင် စန်းကျန်းက အမြင့်ဆုံးဖြစ်ခဲ့သည်။
ထိုအဖွဲ့သည် အာရှပစိဖိတ်တစ်လွှား မြို့ကြီး ၂၂ မြို့ရှိ ရင်းနှီးမြှုပ်နှံသူ၊ developer(မြေယာဝယ်ယူ၍အိမ်ရာဆောက်လုပ်ရောင်းချသူ)၊ အိမ်ခြံမြေကုမ္ပဏီကိုယ်စားလှယ်များ၊

ဘဏ်အပါအ၀င် ငွေကြေးအဖွဲ့အစည်းများ၊ ပွဲစားများနှင့် အတိုင်ပင်ခံများအပါအ၀င်
အိမ်ခြံမြေလုပ်ငန်းဖြင့်အသက်မွေးသူ၊ ကျွမ်းကျင်ပညာရှင် ၆၀၀ ကျော်ကို အင်တာဗျူး၍ အစီရင်ခံစာကို ထုတ်ပြန်ခဲ့ခြင်းဖြစ်သည်။

ပထမတန်းစားတရုတ်မြို့ကြီးများ၏ အိမ်ခြံမြေဈေးကွက်များတွင် ဈေးနှုန်းများသည်
မြင့်တက်နေဆဲဖြစ်သည်။ စန်းကျန်းမြို့တွင် ယခုနှစ် ပထမကိုးလတာ
အတွင်းနေအိမ်ဈေးနှုန်းများသည် ယခင်နှစ်ပထမကိုးလကထက် ရာခိုင်နှုန်း ၄၀ မြင့်တက်ခဲ့သည်။ယင်းသည် ထိုကာလအတွင်း ကမ္ဘာ့အမြင့်ဆုံးနှုန်းဖြစ်ခဲ့သည်။

တစ်နှစ်ထက်တစ်နှစ်တက်လာသည့် ရုံးခန်းငှားရမ်းခများသည်လည်း ယခုနှစ်တွင် ၂၀၀၉ကထက် နှစ်ဆမြင့်တက်ခဲ့သည်။

ခင်အေးချမ်း မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com