နယူးယောက်တွင် နှစ်ပေါင်း ၆၀ ကျော်နေထိုင်လာသည့် အိမ်ငှားအဘိုးအိုတစ်ဦးကို နှင်ထုတ်ရန်ကြိုးပမ်းသော ကုမ္ပဏီအား ရှေ့နေချုပ် စစ်ဆေးလျက်ရှိ

အမေရိကန်ပြည်ထောင်စု၊ နယူးယောက်တွင် နှစ်ပေါင်း ၆၀ ကျော်နေထိုင်လာသည့် အိမ်ငှားအဘိုးအိုတစ်ဦးကို နှင်ထုတ်ရန် ကြိုးပမ်းသော Pine Management ကုမ္ပဏီအား ရှေ့နေချုပ် စစ်ဆေးလျက်ရှိကြောင်း နယူးယောက်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

မက်ဇ်ဝဲလ် လယ်ဗီးအမည်ရှိ အဘိုးအိုမှာ အသက် ၉၄ နှစ်အရွယ်ရှိနေပြီဖြစ်ပြီး နယူးယောက်မြို့၊ အနောက် ၈၀ လမ်းတွင် ၁၉၅၀ ပြည့်လွန်နှစ်များ ကတည်းကပင် ငှားရမ်းနေထိုင်လာခဲ့ခြင်းဖြစ်
သည်ဟု ဆိုသည်။

ယင်းအိမ်ခြံမြေကုမ္ပဏီသည် ယခု ၂၀၁၆ ၊ သြဂုတ်လအတွင်း မက်ဇ်ဝဲလ် လယ်ဗီးထံ နေအိမ်မှထွက်ခွာရန်အတွက် သတိပေးအကြောင်းကြားစာ ပေးပို့ခဲ့ကြောင်း နယူးယောက်နေ့စဉ်သတင်းတွင် ဖော်ပြသည်။

ကုမ္ပဏီပိုင်ရှင်များဖြစ်သော ထောမတ်စ် ရိုးမန် (Thomas Rohlman) နှင့် သားများဖြစ်သူ ဒင်နီယယ်၊ ဂျေဆင်တို့သည် မက်ဇ်ဝဲလ် လယ်ဗီးကို အနောက် ၈၀ လမ်း၊ အမှတ် ၂၁၁ မှ ၂၀၁၄ ခုနှစ်ကတည်းကပင် နှင်ထုတ်ရန် ကြိုးပမ်းခဲ့ကြခြင်း ဖြစ်သည်။

အဆိုပါကုမ္ပဏီသည် အိမ်ငှားများစွာကို နှင်ထုတ်ရန် ကြိုးပမ်းနေကြောင်း တိုင်တန်းချက်များစွာရှိလာသောကြောင့် ယခုအခါ ပြည်ထောင်စုစာရင်းစစ်ချုပ်က စုံစမ်းစစ်ဆေးမှုများ ပြုလုပ်လျက်ရှိပြီး သမ္မာန်စာပေးပို့ထားသည်။

မက်ဇ်ဝဲလ် လယ်ဗီး၏ အမှုကို အိမ်ခြံမြေတရားရုံးတွင် လာမည့် ဗုဒ္ဓဟူးနေ့ (ဒီဇင်ဘာ ၂၈) တွင် စတင်ကြားနာသွားမည် ဖြစ်သည်။
လယ်ဗီးသည် ဒုတိယကမ္ဘာစစ် စစ်ပြန်ကြီးတစ်ဦးဖြစ်ပြီး အခန်း ၆ ခန်းပါ လူနေခန်းကို တစ်လလျှင် ကန်ဒေါ်လာ ၁၆၅၀ ပေးကာ ငှားရမ်းနေထိုင်လျက်ရှိခြင်း ဖြစ်သည်။

လယ်ဗီးက ပြောကြားရာတွင် ၎င်းအား နှင်ထုတ်ရန်ကြိုးပမ်းခြင်းမှာ ဈေးကွက်ပေါက်ဈေး ငှားရမ်းခ ရလိုခြင်းကြောင့်ဖြစ်သည်ဟု ပြောကြားသည်။
“ကျွန်တော်နေတဲ့ အခန်းကို သူတို့လိုချင်နေကြတယ်။ ဘာလို့လဲဆိုတော့ ဒီအခန်းကနေ ကျွန်တော်ထွက်သွားရင် သူတို့ငှားခ ပိုရမှာဖြစ်လို့ပါ။ ကျွန်တော်ထွက်သွားတာနဲ့ ဒီအခန်းကို သူတို့ နှစ်ခန်းခွဲလိုက်မယ်။ ဒါဆိုရင် ငှားခနှစ်ဆရနိုင်လို့ ဖြစ်ပါတယ်” ဟု မက်ဇ်ဝဲလ် လယ်ဗီးက ပြောကြားသည်။
Pine Management ကုမ္ပဏီသည် နယူးယောက်မြို့ မန်ဟက်တန်နှင့် ဘရွတ်ကလင်းတို့တွင် အိမ်ခြံမြေပေါင်း ၃၈ ခု ပိုင်ဆိုင်ထားကြောင်း ၎င်းတို့၏ ဝက်ဘ်ဆိုက်တွင် ဖော်ပြထားသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)