ရှန်ဟိုင်းအိမ်ခြံမြေဈေးကွက်တည်ငြိမ်စေရန် စည်းမျဉ်းများ တင်းကျပ်

တရုတ်နိုင်ငံ ရှန်ဟိုင်းမြို့တွင် အိမ်ခြံမြေဈေးကွက်တည်ငြိမ်စေရန် ကြိုးပမ်းမှုအဖြစ် ထပ်မံတင်းကျပ်လိုက်သော
စည်းမျဉ်းများကို မြို့အစိုးရက ယမန်နေ့ညဖြစ်သည့်
နိုဝင်ဘာလ ၂၈ ရက်ညတွင် ထုတ်ပြန်ခဲ့သည်။ ယင်းစည်းမျဉ်းများသည် ယနေ့နိုဝင်ဘာ
၂၉ ရက်မှစတင်အာဏာသက်ရောက်ပြီဖြစ်သည်။

ပထမဆုံးအကြိမ်အိမ်ဝယ်ယူသူများသည် လက်ငင်းပေးချေရမည့် အနည်းဆုံးငွေပမာဏ
တွင် အိမ်တန်ဖိုး၏ ၃၅ ရာခိုင်နှုန်းပေးချေရတော့မည်ဖြစ်သည်။ ယခင်သတ်မှတ်ချက်မှာ
၃၀ ရာခိုင်နှုန်းဖြစ်သည်။

ထို့ပြင် ပထမဆုံးအကြိမ်အိမ်ဝယ်ယူသူများဟူသည့် အသုံးအနှုန်းကိုလည်း ရှန်ဟိုင်းတွင်
အိမ်တစ်ကြိမ်တစ်ခါမျှဝယ်ယူဖူးခြင်းမရှိသူဖြစ်ရမည့်အပြင် နိုင်ငံတစ်ဝန်းရှိ မည်သည့်
ပုဂ္ဂလိကဘဏ် သို့မဟုတ် ပြည်သူ့အိုးအိမ်ရန်ပုံငွေအဖွဲ့အစည်းထံကမျှ အိမ်ဝယ်ယူမှု
အတွက် ချေးငွေလျှောက်ထားဖူးသူမဟုတ်သူဟု စည်းမျဉ်းတိုးမြှင့်ကာ အဓိပ္ပါယ်သတ်
မှတ်လိုက်သည်။

ရှန်ဟိုင်းတွင် အိမ်တစ်အိမ်ပိုင်ဆိုင်ပြီးသူများ သို့မဟုတ် မပိုင်ဆိုင်သေးသော်လည်း ထို
ဘဏ်များ၊ အဖွဲ့အစည်းများထံမှ အိမ်ချေးငွေလျှောက်ထားသူဖူးသူများအား ဒုတိယအ
ကြိမ်အိမ်ဝယ်ယူသူအဖြစ် သတ်မှတ်မည်ဖြစ်သည်။

ယခင်ကမူ အိမ်ချေးငွေလျှောက်ထားဖူးခြင်းရှိ၊ မရှိကို ထည့်သွင်းစဉ်းစားခြင်းမရှိဘဲ ရှန်
ဟိုင်း၌ အိမ်တစ်အိမ်မျှ မရှိသေး၍ အိမ်ဝယ်ရန်ကြိုးပမ်းသူမှန်သမျှအား ပထမဆုံးအကြိမ်
အိမ်ဝယ်ယူသူအဖြစ် သတ်မှတ်ခဲ့သည်။

ဒုတိယအကြိမ်အိမ်ဝယ်ယူသူများ လက်ငင်းပေးချေရမည့် အနည်းဆုံးငွေပမာဏကိုမူ
ယင်းဝယ်ယူမည့်အိမ်သည် သာမန်အိမ်ဖြစ်ပါက အိမ်တန်ဖိုး၏ ၅၀ ရာခိုင်နှုန်းနှင့်
အဆင့်မြင့်အိမ်ဖြစ်ပါက ၇၀ ရာခိုင်နှုန်းအဖြစ် နှုန်းမပြောင်းလဲဘဲ ယခင်နှင့်အတူတူပင်
သတ်မှတ်ထားဆဲဖြစ်သည်။

ထိုသို့ ပထမဆုံးအကြိမ်အိမ်ဝယ်ယူသူ၏ အဓိပ္ပါယ်ဖွင့်ဆိုချက်ကို ပြောင်းလဲလိုက်ခြင်း
သည် ဒုတိယအကြိမ်အိမ်ဝယ်ယူသူ၏ အဓိပ္ပါယ်ကိုပါ သွယ်ဝိုက်စွာ ပြောင်းလဲစေခဲ့ပြီး
အဓိကအားဖြင့် လက်ရှိအိမ်ထက် တန်ဖိုးပိုမိုကြီးမြင့်သော အိမ်တွင် ပြောင်းလဲနေထိုင်
နိုင်ရန် ကြိုးပမ်းသူများအား ထိခိုက်စေမည်ဖြစ်သည်။

ခင်အေးချမ်း မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com