အောင်မြင်သူတယောက်ရဲ့ ကိုယ်ရည်ကိုယ်သွေးများ

လူတွေရဲ့ ကိုယ်ရည်ကိုယ်သွေးပေါ်မှာ မူတည်ပြီး A နဲ့ B ဆိုပြီး အုပ်စုနှစ်ခု ခွဲခြားနိုင်ပါတယ်။ A အုပ်စုထဲက ပုဂ္ဂိုဟ်တွေက တကယ်ကိုမြင့်မားလှတဲ့ ရည်မှန်းချက်တွေရှိပြီး လိုချင်တာကို ရအောင်ယူဖို့ အမြဲတမ်းစိတ်အား တက်ကြွနေသူတွေဖြစ်ပါတယ်။ B အုပ်စုထဲမှာတော့ စိတ်အားတက်ကြွမှုနည်းပါးပြီး အလွယ်တကူစိတ်ပျက်အားငယ်တတ်သူတွေ ပါဝင်ပါတယ်။ ဘ၀အောင်မြင်ရေးနဲ့ ပတ်သက်လာရင် A အုပ်စုထဲက ပုဂ္ဂိုဟ်တွေကသာ ဒိတ်ဒိတ်ကျဲအောင်မြင်တတ်ကြပါတယ်။ ဒါ့ကြောင့် သင့်အနေနဲ့ရော ဘယ်အုပ်စုထဲမှာ ပါလဲဆိုတာကို သိနိုင်ဖို့ A အုပ်စုထဲက လူတွေရဲ့ ကိုယ်ရည်ကိုယ်သွေးတွေကို ဖော်ပြပေးလိုက်ပါတယ်။

၁။ အလုပ်ကို ဦးစားပေးနံပါတ်တစ် သတ်မှတ်ထားကြတယ်

အလုပ်ကို ဦးစားပေးသတ်မှတ်ပြီး အချိန်ပြည့်အာရုံစိုက်ဖို့က လွယ်ကူတဲ့ကိစ္စတော့ မဟုတ်ပါဘူး။ သင့်ရဲ့ မိသားစုဘ၀နဲ့ လူမှုဆက်ဆံရေးပိုင်းမှာ ထိခိုက်မှုတွေရှိလာနိုင်ပါတယ်။ ဒါပေမယ့်လည်း A အုပ်စုထဲကလူတွေကတော့ သူတို့ရဲ့ လုပ်ငန်းအောင်မြင်ဖို့နဲ့ ရည်မှန်းချက်တွေ အကောင်အထည်ဖော်ဖို့ကိုပဲ အရေးစိုက်လုပ်ဆောင်တတ်ကြပါတယ်။

၂။ အလုပ်နဲ့ ကင်းကွာလို့ မရဘူး

အလုပ်ပိတ်လို့ ဘာမှမလုပ်ပဲနေရတာလောက် ကောင်းတာမရှိဘူးဆိုတာကို အားလုံးသိပြီးသားဖြစ်မှာပါ။ ဒါပေမယ့် A အုပ်စုထဲက ပုဂ္ဂိုလ်တွေထဲက လူနည်းစုလောက်ပဲ အလုပ်နဲ့ကင်းကွာပြီးနေနိုင်ကြပါတယ်။ အများစုက အလုပ်လုပ်နေရတာကိုက အပန်းဖြေနေသလို သက်တောင့်သက်သာရှိနေတတ်ကြပါတယ်။

၃။ To-do lists သုံးတတ်ကြတယ်

တစ်နေ့တာလုပ်ဆောင်ရမယ့် စာရင်းကို ရေးသားထားခြင်းအားဖြင့် အလုပ်တွေအားလုံးကို မရပ်မနား တစ်ခုပြီးတစ်ခုလုပ်ဆောင်သွားစေနိုင်ပါတယ်။ ဒီလိုနည်းလမ်းနဲ့ အချိန်ကိုချွေတာနိုင်ပါတယ်။ A အုပ်စုထဲက လူတွေအားလုံးက အရာအားလုံးအတွက်
To-do list ရေးသားထားတတ်ကြပါတယ်။

၎။ အမြဲတမ်း အချိန်တိကျတယ်

A အုပ်စုထဲကလူတွေအားလုံးက အချိန်ဟာ အဖိုးအတန်ဆုံးပိုင်ဆိုင်မှုဆိုတာကို နားလည်ကြပါတယ်။ ဒါ့ကြောင့် သူတို့က ဘယ်ကိစ္စမဆို အချိန်မှီရောက်လာတတ်ပြီး အခြားသူတွေကိုလည်း အချိန်တိကျဖို့ မျှော်လင့်တတ်ကြပါတယ်။

၅။ အချိန်မဖြုန်းတတ်ကြဘူး

အချိန်ရွှေ့ဆိုင်းတယ်ဆိုတာကို A အုပ်စုထဲက လူတွေက မသိကြပါဘူး။ သူတို့တွေက အခုလုပ်လို့ရတဲ့ ကိစ္စကို နောက်မှလုပ်ဖို့ ရွှေ့ဆိုင်းတတ်သူတွေ မဟုတ်ပါဘူး။ အချိန်ရွှေ့ဆိုင်းတာက အရာအားလုံးကို အခက်တွေ့စေပါတယ်။ လုပ်လို့ရတဲ့ကိစ္စမှန်သမျှကို ချက်ချင်းလုပ်ဖို့ လိုပါတယ်။

၆။ မလုပ်နိုင်ဘူးဆိုတာ မရှိဘူးလို့ ယုံကြည်ကြတယ်

အရေးကိစ္စတစ်ခုခုကို လက်တွေ့အားဖြင့် လုပ်နိုင်ချေရှိတယ်ဆိုရင် A အုပ်စုထဲကလူတွေက ပြီးမြောက်အောင်မြင်အောင် လုပ်ဆောင်ဖို့ ယုံကြည်မှုအပြည့်အ၀ရှိတတ်ကြပါတယ်။ သူတို့လုပ်ဆောင်မယ့် အရာတိုင်းအတွက် သူတို့ရဲ့စွမ်းဆောင်ရည်ကို ယုံကြည်မှု ရာနှုန်းပြည့်ရှိတတ်ကြပါတယ်။

၇။ အကောင်းဆုံးဆိုတာမျိုးကို လိုချင်တတ်ကြတယ်

အမှားအယွင်းတွေက A အုပ်စုထဲကလူတွေကို စိတ်ပျက်စရာဖြစ်စေပါတယ်။ သူတို့က အားလုံးကို ဆင်းလုံးချော ဖြစ်နေစေချင်သူတွေ ဖြစ်ကြတယ်။ သူတို့က အကောင်းဆုံးဆိုတာကိုပဲ မျှော်လင့်ကြတာကြောင့် နည်းနည်းလေး လွဲချော်မှုတွေကိုကအစ လက်မခံတတ်ကြဘူး။ ဒီစိတ်ဓာတ်ကြောင့်ပဲ ရေရှည်မှာ အကောင်းဆုံးအောင်မြင်မှုတွေကို ရယူနိုင်တာဖြစ်ပါတယ်။

၈။ အစီအစဉ်နဲ့လုပ်ဆောင်တတ်သူတွေဖြစ်တယ်

ရည်မှန်းချက်ပန်းတိုင်းတစ်ခုကို ရောက်ရှိဖို့အတွက် အစကနေ အဆုံးထိတိုင်အောင် လုပ်ဆောင်ရမယ့် အစီအစဉ်တစ်ခု သတ်မှတ်ထားဖို့ လိုပါတယ်။ အခြားသူတွေက ဘာလုပ်ရမလဲကြည့်နေချိန်မှာ A အုပ်စုထဲက လူတွေကတော့ တိကျသေချာတဲ့အစီအစဉ်နဲ့ လုပ်ဆောင်နေတတ်ကြပါတယ်။

၉။ ပြဿနာဖြေရှင်းနိုင်စွမ်းကောင်းကြတယ်

A အုပ်စုထဲက လူတွေရဲ့ အဓိကအရည်အသွေးတစ်ခုကတော့ ပြဿနာတွေကို ဖြေရှင်းနိုင်စွမ်းပဲဖြစ်ပါတယ်။ ဘယ်လိုပြဿနာမျိုးပဲဖြစ်နေပါစေ၊ သူတို့က ပြေလည်သွားစေနိုင်မယ့် ဖြေရှင်းချက်တစ်ခုကို ရှာတွေ့နိုင်ကြပါတယ်။

၁၀။ စိတ်အားထက်သန်မှု အာသီသပြင်းပြကြတယ်

A အုပ်စုထဲက လူတွေက စိတ်အားထက်သန်ရာကို အချိန်ရော အင်အားပါ ထည့်သွင်းလုပ်ဆောင်တတ်ကြတယ်။ သူတို့က ဘယ်တော့မှ ဟိုမရောက် ဒီမရောက်မလုပ်တတ်ကြပါဘူး။ ဒီလို စိတ်အားထက်သန်မှုကြောင့် အလုပ်ကိုကြိုးစားလုပ်ဆောင်နိုင်ကြတာဖြစ်ပါတယ်။

၁၁။ သူတို့ကအချိန်ကုန်သက်သာအောင်လုပ်တတ်ကြတယ်။

အပေါ်ကအချက်တွေမှာ ဖော်ပြပြီးတဲ့အတိုင်း အချိန်မှန်တယ်၊ အကောင်းဆုံးလုပ်တတ်ကြတယ်၊ အချိန်မဖြန်းတတ်ကြဘူး၊ အစီအစဉ်နဲ့ လုပ်ဆောင်တတ်ကြတယ်။ ဒီအချက်တွေကြောင့် သူတို့အတွက် အချိန်တိုအတွင်းမှာ အလုပ်တွေအများကြီးပြီးအောင် လုပ်နိုင်ကြတယ်။

၁၂။ အာရုံစူးစိုက်တတ်ကြတယ်။

တစ်ခုခုကို အပြီးသတ်လုပ်ဆောင်ရတော့မယ်ဆိုရင် A အုပ်စုထဲကလူတွေက အခြားဘာကြီးပဲ ဖြစ်နေပါစေ၊ ၁၀၀ ရာခိုင်နှုန်း အာရုံအပြည့်စိုက်တတ်ကြပါတယ်။ အာရုံနောက်စရာတွေကို ဘေးချိတ်တားနိုင်ပြီး အာရုံစူးစိုက်နိုင်စွမ်းက သူတို့ကို အခြားသူတွေနဲ့ ကွဲပြားသွားစေတဲ့အချက်တစ်ခုလည်း ဖြစ်ပါတယ်။

Credit: GentleMan Magazine