ရှန်ဟိုင်း အိမ်ခြံမြေဈေးကွက် တည်ငြိမ်မှု တွေ့ရှိရ

အိမ်ခြံမြေဈေးကွက်တည်ငြိမ်စေရန် တင်းကျပ်သော စီမံချက်များကြောင့် ရှန်ဟိုင်းအိမ်ခြံမြေ
ဈေးကွက်၌ ပြီးခဲ့သည့်မတ်လအတွင်း ထိရောက်သော ပြောင်းလဲမှုများ ဖြစ်ပေါ်ခဲ့ကြောင်း
ရှန်ဟိုင်းအိုးအိမ်အာဏာပိုင်အဖွဲ့က ဧပြီ ၂၅ ရက်တွင် ထုတ်ပြန်ခဲ့သည်။

ပြီးခဲ့သည့်မတ်လ ၂၅ ရက်မှ ဧပြီ ၂၄ ရက်အတွင်း ရှန်ဟိုင်းတွင် ရောင်းချရသည့် အိမ်သစ်ဧရိ
ယာသည် ၁ ဒသမ ၂ သန်း စတုရန်းမီတာရှိခဲ့ပြီး ယခင်နှစ်ထိုကာလအောက် ၄၃ ရာခိုင်နှုန်း
လျော့နည်းကျဆင်းခဲ့သည်။

ကြိုပွိုင့်အိမ်ဈေးကွက်တွင် အိမ်ဧရိယာ ၂ ဒသမ ၁ သန်း စတုရန်းမီတာက ပိုင်ဆိုင်မှုများ
လက်လွှဲပြောင်းခဲ့ကြပြီး ယင်းဧရိယာသည်လည်း ယခင်နှစ်ထိုကာလအောက် ၅၈ ရာခိုင်နှုန်း
ကျဆင်းခဲ့သည်။

ပြီးခဲ့သည့်မတ်လအတွင်း ရှန်ဟိုင်းတွင် ရောင်းချခဲ့ရသည့် ပျမ်းမျှအိမ်သစ်ဈေးသည် ၁ စတုရန်း
မီတာလျှင် ၃၂၄၀၆ ယွမ်(၄၉၉၂ အမေရိကန်ဒေါ်လာ) နှင့် ပျမ်းမျှကြိုပွိုင့်အိမ်ဈေးသည် ၁ စ
တုရန်းမီတာလျှင် ၂၆၈၁၄ ယွမ် ရှိခဲ့သည်။ စီမံချက်များမတင်းကျပ်မီ ၁ လကြာ ကာလအောက်
၎ ဒသမ ၈ ရာခိုင်နှုန်း နှင့် ၀ ဒသ ၄ ရာခိုင်နှုန်းစီ အသီးသီး ဈေးနှုန်းများကျဆင်းခဲ့ခြင်းဖြစ်သည်။

ရှန်ဟိုင်းအစိုးရသည် ၀ယ်လိုအားများတိုးမြင့်လာမှုကြောင့် ဈေးနှုန်းများမြင့်တက်မှုအား မထိန်း
ချုပ်နိုင်မည်ကို စိုးရိမ်သဖြင့် မြို့၏ အဖွံ့ဖြိုးလွန်နေသော အိမ်ခြံမြေဈေးကွက် အနည်းငယ်
တည်ငြိမ်စေရန်ကြိုးပမ်းမှုအဖြစ် တင်းကျပ်သောမူဝါဒအမြောက်အမြားကို မတ် ၂၅ ရက်တွင်
ကြေညာခဲ့သည်။

ဒုတိယအကြိမ်အိမ်ဝယ်ယူသူများအတွက် ယင်းအိမ်သည် သာမန်အဆင့်မဟုတ်ပါက အနိမ့်ဆုံး
လက်ငင်းပေးချေရသည့် ပထမအရစ်ကို အိမ်တန်ဖိုး၏ရာခိုင်နှုန်း ၇၀ သို့မဟုတ် ယင်းအိမ်
သည် သာမန်အဆင့်သာရှိပါက ရာခိုင်နှုန်း ၅၀ သို့ တိုးမြှင့်သတ်မှတ်ခဲ့သည်။

ယခင်က ရှန်ဟိုင်းတွင် ဒုတိယအကြိမ်အိမ်ဝယ်ယူသူများသည် ယင်းအိမ်က သာမန်အဆင့်
ဖြစ်စေ၊ သာမန်ထက်အဆင့်မြင့်သည်ဖြစ်စေ အနိမ့်ဆုံး ၄၀ ရာခိုင်နှုန်းသာ ပေးချေရသည်။

ရှန်ဟိုင်းတွင် အကျယ်အ၀န်း စတုရန်းမီတာ ၁၄၀ အောက်၊ ဈေးနှုန်း အမေရိကန်ဒေါ်လာ
၆၉၁,၀၀၀ အောက် အိမ်များကို သာမန်အိမ်အဖြစ် သတ်မှတ်သည်။

သို့ဖြစ်ရာ မြေ၀ယ်ယူဆောက်လုပ်အိမ်ရောင်းချသူများက အိမ်ခန်းများရောင်းထွက်ရေး နည်း
မျိုးစုံဖြင့် ချဉ်းကပ်လာကြစဉ် ၀ယ်လက်များကလည်း ဈေးကွက်အနေအထားကို အချိန်ယူ
စောင့်ကြည့်နေကြသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)