မြ၀တီစက်မှုဇုန်ကို လာမည့် ၂၀၁၇ တွင် ဖွင့်လှစ်သွားမည်

ကရင်ပြည်နယ် မြ၀တီမြို့ရှိ မြ၀တီစက်မှုဇုန်ကို ၂၀၁၇ ခုနှစ်တွင် ဖွင့်လှစ်သွားမည်ဖြစ်ကြောင်း
ကရင်ပြည်နယ်စက်မှုဝန်ကြီး ဦးစောကြည်လင်းက မြန်မာတိုင်း(မ်)ကို ပြောသည်။

"ပြည်နယ်အစိုးရကတော့ ဘယ်တော့ပြီး အောင် ဆောက်ဆိုပြီး မပြောပါဘူး။၂၀၁၆၊ ၂၀၁၇
လောက်ဆိုရင်တော့ တော်တော် များများ အဆင်သင့်ဖြစ်လာမှာပါ။ တည်ဆောက်ဆဲလည်း
ရှိမှာပဲ။ စက်ရုံလည်ပတ်နိုင်တဲ့အနေအထားလည်း ဖြစ်ရင် ဖြစ်သွားနိုင်တယ်"ဟု ၎င်းက
ပြောသည်။ ကရင်ပြည်နယ်တွင် စက်မှုဇုန်အဖြစ် ဘားအံစက်မှုဇုန်၊ မြ၀တီစက်မှုဇုန်နှင့်
ဘုရားသုံးဆူစက်မှုဇုန်တို့ကို အကောင်အထည်ဖော်သွားမည် ဖြစ်ကာ လက်ရှိတွင် ဘားအံ
စက်မှုဇုန်တွင် စက်ရုံအချို့ တည်ဆောက်ပြီးစီးကာ စတင်လည်ပတ်နေပြီဖြစ်သည်။

လက်ရှိတွင်ဒုတိယမြောက်အကောင် အထည်ဖော် နေသော မြ၀တီစက်မှုဇုန်သည် မြ၀တီမြို့နှင့် သင်္ဃန်း
ညီနောင်အကြားရှိ မြေ ဧက ၂၀၁ ဧကတွင် တည်ရှိပြီး အဆိုပါစက်မှု ဇုန်ကို ညီနောင်ဦးကုမ္ပဏီက
အကောင်အထည်ဖော် လုပ်ကိုင်ခွင့်ရရှိခဲ့ပြီး အဆိုပါနေရာရှိ မြေလွတ်မြေရိုင်းနှင့်
သစ်တောမြေများကို ပယ်ဖျက်ကာ ၂၀၁၃ ခုနှစ်တွင် ကရင်ပြည်နယ်အစိုးရအဖွဲ့က
နှစ်ရှည်ငှားရမ်းကာ ခွင့်ပြုခဲ့ခြင်းဖြစ်သည်။

ထို့ကြောင့် ညီနောင်ဦးကုမ္ပဏီက မြ၀တီစက်မှုဇုန်အတွင်း လိုအပ်သည့် လမ်း၊ တံတား၊ မီးတိုင်နှင့် ရေပေးဝေရေးကိစ္စများကို
ဆောင်ရွက်ခဲ့ပြီး ၉၀ ရာခိုင်နှုန်းပြီးစီးနေ ပြီဖြစ်ကာ စက်ရုံများတည်ဆောက်ရန် မြေနေရာအတွက်
အကွက်များချထားပေးပြီး စက်မှုလုပ်ငန်းရှင်များကို လျှောက်လွှာခေါ်ယူကာ ရောင်းချပေးလျက်ရှိ
သည်။ ထိုသို့ လုပ်ငန်းရှင်များကို ခွင့်ပြု ရာတွင် ဒေသခံများ အလုပ်အကိုင်အခွင့်အလမ်းကို
ဖန်တီးပေးနိုင်မည့် လုပ်ငန်းများကိုသာ လက်ခံသွားမည်ဖြစ်သည်။ "အစိုးရအဖွဲ့ကတော့
ထိန်းချုပ်ပေးရပါတယ်။

လာလျှောက်တဲ့သူတွေအတွက် မြေဈေး တအားတက်မှာစိုးလို့
ဝင်ထိန်းပေးတာရှိပါတယ်။ အစိုးရအဖွဲ့က စက်မှုဇုန်ကြီးကြပ်မှုကော်မတီကို ဖွဲ့ပေးတယ်။
မြေက တစ်ဧကကို ဘယ်လောက်ပဲ ရှိသင့်တယ်ဆိုပြီး ၀င်ထိန်းပေးပါတယ်။ ငွေရေးကြေးရေး
ကိစ္စတော့ အစိုးရအဖွဲ့က ဘာမှ ၀င်ရောက်စွက်ဖက်တာ မရှိပါဘူး" ဟု ဦးစောကြည်လင်းက
ပြောသည်။

စက်မှုဇုန်ထဲတွင် လုပ်ငန်းပေါင်း ၁၅ ခုထက်မနည်း လုပ်ဆောင်ကြမည်ဖြစ်ပြီး အထည်ချုပ်လုပ်ငန်း၊
လူသုံးကုန်ပစ္စည်း လုပ်ငန်း၊ လျှပ်စစ်ပစ္စည်းလုပ်ငန်း၊ ထီး စက်ရုံ၊ ဖိနပ်ချုပ်လုပ်ငန်း၊ ဘက်ထရီ
လုပ်ငန်း၊ ပလတ်စတစ်လုပ်ငန်းများ လုပ်ကိုင် ရန် တင်ပြထားပြီး အများစုမှာ အထည်ချုပ်
စက်ရုံများနှင့် လူသုံးကုန်ပစ္စည်းစက်ရုံများ လုပ်ကိုင်ကြမည်ဖြစ်ကြောင်း ၎င်းက ပြောသည်။

မြ၀တီစက်မှုဇုန်အတွင်း စက်ရုံများ အကောင်အထည်ဖော်ရန် မြေကွက်ပေါင်း ၄၅၀
ချထားပြီးဖြစ်ကာ လုပ်ငန်းပေါင်း ၁၅ ခုကျော် အကောင်အထည်ဖော်မည်ဖြစ် သော်လည်း
လက်ရှိတွင် ဖိနပ်ချုပ်စက်ရုံ၊ ပရိဘောဂစက်ရုံ၊ မော်တော်ကားအပိုပစ္စည်း များထုတ်လုပ်သည့်
စက်ရုံ၊ သွပ်ပြားစက်ရုံ များကို အကောင်အထည်ဖော်လျက်ရှိကြောင်း အဆိုပါစီမံကိန်းကို
အကောင်အထည်ဖော်လျက်ရှိသော ညီနောင်ဦးကုမ္ပဏီ မှ စီမံကိန်းဒါရိုက်တာ ဦးကျော်တင့်က
ပြော သည်။

ယခုအကောင်အထည်ဖော်နေသည့် မြ၀တီစက်မှုဇုန်သည် ထိုင်းနိုင်ငံနယ်စပ်နှင့်
ခုနစ်မိုင်သာ ကွာဝေးသောကြောင့် နိုင်ငံ ခြားရင်းနှီးမြှုပ်နှံမှုဥပဒေအရ နယ်စပ်နှင့် အနည်းဆုံး
၁၀ မိုင် အကွာအဝေးရှိမှသာ ပြည်ပရင်းနှီးမြှုပ်နှံမှုကို လက်ခံ၍ရသောကြောင့် ထိုင်းနိုင်ငံမှ
ရင်းနှီးမြှုပ်နှံမှုများ အဆိုပါစီမံကိန်းတွင် ၀င်ရောက်လာရန် Regional Industry Zone မှ စီးပွားရေး
ဇုန် အဖြစ် ပြောင်းလဲခဲ့ကြောင်း ဦးစောကြည်လင်းက ပြောသည်။ "ဒီစက်မှုဇုန်က ထိုင်းနယ်စပ်
နဲ့ဆိုရင် ခုနစ်မိုင်ပဲ ဝေးတယ်။

မြန်မာနိုင်ငံရဲ့ နိုင်ငံ ခြားရင်းနှီးမြှုပ်နှံမှု ဥပဒေအရ ပြည်ပနိုင်ငံနဲ
့ ၁၀ မိုင်ဝေးတဲ့ နေရာမှာရှိမှ ပြည်ပရင်းနှီး မြှုပ်နှံသူတွေ ၀င်လာလို့ရမယ်။ မဟုတ်ရင် နိုင်ငံခြား
ရင်းနှီးမြှုပ်နှံမှုကို မပေးဘူး။ အဲဒီဥပဒေရှိတဲ့အတွက် ဒီအတိုင်းဆိုရင် နိုင်ငံ ခြားရင်းနှီးမြှုပ်နှံမှုဝင်
လာလို့ မရဘူး။ ဒါကြောင့် MIC ရဲ့ အကြံပေးချက်အရ ပြောင်းလိုက်ရတာပါ။ ဒါမှ ထိုင်းလုပ်ငန်းရှင်
တွေဝင်လာလို့ အဆင်ပြေမယ်"ဟု ၎င်းက ပြောသည်။

မြ၀တီစက်မှုဇုန်အတွင်း ထိုင်းကရင်းနှီးမြှုပ်နှံမှုများ များစွာဝင်လာနေပြီး အများစုမှာ ပြည်တွင်းရှိ
တိုင်းရင်းသား လုပ်ငန်းရှင်များနှင့် ပူးပေါင်းလုပ်ကိုင်မည် ဖြစ်ကြောင်း ဦးစောကြည်လင်းက
ပြောသည်။ "တော်တော်များများက ဒေသခံတွေနဲ့ နိုင်ငံခြားသားတွေ ပူးပေါင်းလုပ်ကိုင်တာ
များပါတယ်။ နိုင်ငံခြားသားတစ်ဦးတည်း ရင်းနှီးမြှုပ်နှံတာကတော့ မရှိသလောက်ပါပဲ။
အထူးသဖြင့် မြ၀တီကစက်မှုလုပ်ငန်း ရှင်တွေနဲ့ ထိုင်းအဖွဲ့တွေနဲ့ပူးပေါင်းပြီး လုပ်ကြတာ
တွေ့ရပါတယ်"ဟု ၎င်းက ပြောသည်။

မြ၀တီစက်မှုဇုန်အတွင်းရှိ စက်ရုံများ လည်ပတ်ရာတွင်
အသုံးပြုမည့်လျှပ်စစ်မီး ကို လုံလောက်စွာရရှိရန် ထိုင်းနိုင်ငံမှ ရယူ သွားမည်ဖြစ်ပြီး ထိုင်းက
ရရှိမည့် လျှပ်စစ်မီး သည် စက်မှုဇုန်အတွင်းရှိ စက်ရုံများလည်ပတ်ရန် လုံလောက်မှုရှိကြောင်း
ဦးစောကြည်လင်းက ပြောသည်။

Credit : mmtimes