ပုဏ္ဏားကျွန်း စက်မှုဇုန် စီမံကိန်း မကြာမီ စတင်နိုင်ဖွယ်ရှိ

ရခိုင်ပြည်နယ် ပုဏ္ဏားကျွန်းမြို့နယ်၌ တည်ဆောက်ရန် စီစဉ်နေသည့် ပုဏ္ဏားကျွန်းစက်မှုဇုန်၏ စီမံကိန်း တချို့အား လာမည့်လအနည်းငယ်တွင်စတင်တည်ဆောက်မည်ဟု
မြန်မာ့ကျောက်ဖြူ အထူးစီးပွားရေးဇုန်ကုမ္ပဏီ
ဒုဥက္ကဋ္ဌ ဦးကျောက်တောင်က ဧရာဝတီသို့ ပြောသည်။

ဦးကျောက်တောင်က “မိုးရာသီကုန်တာနဲ့ စတင်မှာပါ။ အစိုးရနဲ့ MOU ထိုးပြီးပါပြီ။ ပထမဆုံးအနေနဲ့ စက်ရုံ ၄ ရုံ အရင် တည်ဆောက်သွားဖို့ ရှိတယ်”ဟု ပြောပြသည်။

ရခိုင်အခြေစိုက်အများပိုင်ကုမ္ပဏီတစ်ခုဖြစ်သည့်
မြန်မာ့ကျောက်ဖြူ အထူးစီးပွားရေးဇုန်ကုမ္ပဏီက ပုဏ္ဏားကျွန်းစက်မှုဇုန် အမှတ် ၂၂ ကို စတင် အကောင်အထည်ဖော်ဆောင်နိုင်ရန် ပြည်နယ်အစိုးရနှင့် သဘောတူညီမှုရပြီး ဖြစ်ကြောင်း၊ စတင်ဆောက်လုပ်မည့် စက်ရုံ ၄ ခုတွင် တယ်လီဖုန်း ဆက်စပ်ပစ္စည်းများ ထုတ်လုပ်သည့်စက်ရုံ၊ အထည်ချုပ် လုပ်ငန်း၊ စားသောက်ကုန်ပစ္စည်း ထုတ်လုပ်သည့်စက်ရုံ၊ လယ်ယာလုပ်ငန်းသုံးပစ္စည်းများထုတ်လုပ်သည့်စက်ရုံနှင့်
ဆေးဝါး ထုတ်လုပ်သည့်စက်ရုံ စသည်တို့ကို တည်ဆောက်မည်ဟု သိရသည်။

ယင်းစက်ရုံများ တည်ဆောက်ရန် မြေဧက ၁၈၀၀ ၀န်းကျင် လိုအပ်ပြီး၊ လိုအပ်သည့် မြေနေရာများကို လယ်ပိုင်ရှင်များနှင့်ညှိနှိုင်းဝယ်ယူရန် ဆောင်ရွက်နေကြောင်း၊ ထိုစက်ရုံ ၄ ခု တည်ဆောက်ပြီးပါက ဒေသခံအလုပ်သမား ၂၀၀၀၀န်းကျင်ကိုအလုပ်အကိုင်များ ပေးနိုင်မည်ဟု
မျှော်လင့်ထားကြောင်း စီးပွားရေး လုပ်ငန်းရှင် ဦးကျောက်တောင်က ပြောသည်။

မြန်မာ့ကျောက်ဖြူ အထူးစီးပွားရေးဇုန်ကုမ္ပဏီ (Myanmar Kyaukphyu Special Economic Zone Holding Public Co.,Ltd – MKSH)နှင့် ပြည်နယ် အစိုးရအဖွဲ့တို့သည် ပုဏ္ဏားကျွန်းစက်မှုဇုန် တည်ဆောက်ရေး စီမံကိန်းအတွက် နားလည်မှုစာချွန်လွှာကို စက်တင်ဘာလ ၁၆ ရက်က လက်မှတ်ရေးထိုးခဲ့ကြကြောင်း သိရသည်။

MKSHအများပိုင်ကုမ္ပဏီ၌ရခိုင်ပြည်နယ်၏ ဒေသအသီးသီးမှကုမ္ပဏီ ၁၇ ခု ဖြင့် ပါဝင်ဖွဲ့စည်းထားခြင်း ဖြစ်ပြီး စီမံကိန်းလုပ်ငန်းများစတင်ပါကအစုရှယ်များကို
ရောင်းချပေးသွားမည်ဟု ဦးကျောက်တောင်က ဆိုသည်။

ပုဏ္ဏားကျွန်းစက်မှုဇုန်အားလက်တွေ့အကောင်အထည်ဖော်မှု မရှိသေးသော်လည်း စက်မှုဇုန်တည်ဆောက်ရေး လုပ်ငန်းခွင်မှ အလုပ်သမားများ နေထိုင်မည့် အဆောက်အအုံများ တည်ဆောက်ရန် မြေနေရာများ ၀ယ်ယူနေသည်ကို တွေ့ရကြောင်းပုဏ္ဏားကျွန်း
ဒေသခံလည်းဖြစ် ပြည်နယ်လွှတ်တော်ကိုယ်စားလှယ်
လည်းဖြစ်သူ ဦးအောင်ထွန်းမြက ဧရာဝတီသို့ ပြောသည်။

ဦးအောင်ထွန်းမြက “စက်မှုဇုန် တည်ဆောက်မယ်ဆိုရင် အလုပ်အကိုင် အခွင့်အလမ်းတွေ ရကြမှာဆိုတော့ ဒေသခံ အများစုကလည်း စီမံကိန်းကို လိုလိုလားလား သဘောတူကြပါတယ်။ ကိုယ့်ဒေသမှာ အလုပ်မရှိတဲ့အတွက် အလုပ်ရနိုင်မယ့် နေရာတွေကို ထွက်သွားကြလို့ ရခိုင်ပြည်နယ်က ရွာတွေမှာ လူတွေ အတော်နည်းကုန်ပါပြီ”ဟုလည်း ဆိုသည်။

စက်မှုဇုန် တည်ဆောက်ပါက အဆင်သင့်ဖြစ်စေရန် စက်မှုသင်တန်းကျောင်းတစ်ခု ဖွင့်လှစ်ထားပြီး သင်တန်းများ ပေးနေပြီ ဖြစ်ကြောင်း၊ ထို့ကြောင့် စက်မှုဇုန်ကိုအမြန်ဆုံးအကောင်အထည် ဖော်ဆောင်ရန်
ဒေသခံများက ဆန္ဒရှိနေကြကြောင်း၊ စက်မှုဇုန် တည်ဆောက်ရေးအတွက် မိမိတို့ လယ်မြေများကိုပင် အလွယ်တကူ ရောင်းချပေးနေကြကြောင်း ဦးအောင်ထွန်းမြက ဆက်ပြောသည်။

စက်မှုဇုန် တည်ဆောက်ရေးအတွက် လယ်မြေ တစ်ဧကလျှင်ကျပ်၂၅သိန်းနှုန်း လျော်ကြေးပေးသည့်အခါ
ဒေသခံအများစုက ရောင်းချပေးလျက်ရှိကြောင်း၊ တချို့ကမူ ကျပ် သိန်း ၅၀ အထိ တောင်းဆိုနေကြကြောင်းလည်း ဆိုသည်။

ပုဏ္ဏားကျွန်းစက်မှုဇုန်ကြီး တစ်ခုလုံးကို အကောင်အထည် ဖော်ဆောင်ပြီးစီးသွားပါက လူ ၁ သိန်းကျော်အတွက်အလုပ်အကိုင်များ ပေးနိုင်မည်
ဖြစ်ကြောင်း၊ သို့သော် စက်မှုဇုန်ကြီးတစ်ခုလုံး အပြီးအစီး အကောင်အထည် ဖော်ဆောင်ရန် အချိန်ကာလ အများအပြား ယူရဦးမည် ဖြစ်ကြောင်း ဦးကျောက်တောင်က ပြောသည်။

ရခိုင်ပြည်နယ်၌ ပုဏ္ဏားကျွန်းစက်မှုဇုန်နှင့် ကျောက်ဖြူ အထူးစီးပွားရေးဇုန်တို့အား အကောင်ထည်ဖော် တည်ဆောက်မည်ဟု ဦးသိန်းစိန်အစိုးရ တာဝန်ယူချိန်မှစ၍ ပြောဆိုခဲ့သော်လည်း ယနေ့အထိ လက်တွေ့အကောင်အထည် ဖော်ဆောင်နိုင်ခြင်း မရှိသေးဟု ဒေသခံများက ပြောဆိုကြသည်။

ထိုစက်မှုဇုန်များ လက်တွေ့အကောင်အထည်ဖော် တည်ဆောက်ပြီးစီးပါက လူဦးရေ ၃ သိန်းမှ ၅ သိန်းအထိ အလုပ်အကိုင် အခွင့်အလမ်းများ ဖန်တီးပေးနိုင်မည်ဟု သိရသည်။

Credit; Irrawaddy News