ရန္ကုန္ - ဒလ ျမစ္ကူးတံတားစီမံကိန္းအတြက္ ယခုလ ၁၇ ႏွင့္ ၁၈ ရက္ေန႔မ်ားတြင္ ေျမေနရာ အေသးစိတ္တိုင္းတာမႈမ်ား ျပဳလုပ္ခဲ့ရာ ေအာက္တိုဘာလတြင္ ေလ်ာ္ေၾကးေငြမ်ား ေပးအပ္သြားမည္ဟု ဒလၿမိဳ႕နယ္အေထာက္အကူျပဳ ဥကၠ႒ ဦးတင္လိႈင္က ျမန္မာတိုင္း(မ္)ကို ယခုလ ၂၂ ရက္ေန႔က ေျပာသည္။
ေဒသခံေျမေနရာပါ၀င္မႈမ်ားကို စိစစ္ေနၿပီး ကနဦး ပါ၀င္သည့္ေနရာမ်ားကို အလံတိုင္စိုက္ထူ သတ္မွတ္ထားခဲ့ေသာ္လည္း ယခုအခါတြင္ အေသးစိတ္တိုင္းတာ စာရင္းယူလ်က္ တိုင္းေဒသႀကီးအစိုးရထံ တင္ျပထားၿပီး ျဖစ္သည္။
ဖယ္ရွားရမည့္ ေျမေနရာ သတ္မွတ္ထားၿပီး အၿပီးသတ္သေဘာတူခ်က္ လက္မွတ္ေရးထိုးျခင္းကုိ ယခုလအတြင္း အၿပီးသတ္ေဆာင္ရြက္သြားမည္ဟု ၎က ေျပာသည္။ အဆိုပါတံတားကို ေတာင္ကုိရီးယားႏုိင္ငံ၏ ေခ်းေငြျဖင့္ တည္ေဆာက္ေပးမည္ျဖစ္ကာ ၂၀၁၅-၁၆ ဘ႑ာႏွစ္မွစတင္ကာ ငါးႏွစ္စီမံကိန္း ျဖစ္သည္။ "ကာလေဒသေပါက္ေဈးအတိုင္း ေပးေလ်ာ္ဖို႔ စီစဥ္ေနပါတယ္။
ရန္ကုန္တိုင္းေဒသႀကီးအစိုးရအဖြဲ႕နဲ႔ ေဆာက္လုပ္ေရး ၀န္ႀကီးဌာနတို႔ တိုင္ပင္ေဆြးေႏြးအေျဖရွာမွာ ျဖစ္ပါတယ္။ ျမန္မာအစိုးရဘက္က ေဒသခံေတြကို ေလ်ာ္ေၾကးေပးေခ်ၿပီးမွသာ ကိုရီးယားအစိုးရက
ေခ်းေငြစတင္ခ်ထားေပးမွာ ျဖစ္ပါတယ္။ ေလ်ာ္ေၾကးေပးၿပီးရင္ တံတားစီမံကိန္း စမယ္။ ၿပီးရင္ စီမံကိန္းအတြင္းမွာ စည္ပင္နဲ႔ ညိႇႏိႈင္းၿပီးေတာ့ တံတားမွာ ေရပိုက္လိုင္းသြယ္တန္းစနစ္ ထည့္မယ္။
ဒါၿပီးတာနဲ႔ ဒလၿမိဳ႕ကို ရန္ကုန္ၿမိဳ႕ေတာ္နယ္နိမိတ္ထဲ ထည့္သြင္းႏိုင္ဖို႔ ေဆာင္ရြက္သြားမယ္"ဟု တိုင္းေဒသႀကီးလႊတ္ေတာ္ ၁ က ဒလၿမိဳ႕ခံ လႊတ္ေတာ္ကိုယ္စားလွယ္ ဦးသန္းလိႈင္က ေျပာသည္။
အဆိုပါေနရာမ်ားတြင္ ေပ ၄၀ × ၆၀ ေျမတစ္ကြက္လွ်င္ က်ပ္သိန္း ၁,၅၀၀ မွ ၃,၀၀၀ အထိ ေပါက္ေဈးရွိသည္ဟု ေဒသခံမ်ားက ေျပာသည္။
Credit: Myanmar Times
![[ရာစုနှစ်၏ မင်္ဂလာပွဲကြီး] ဂျက်ဘေးဇော့စ်နှင့် လော်ရန်ဆန်းချက်ဇ်တို့၏ ဗင်းနစ်မင်္ဂလာပွဲ အချက်အလက်နှင့် ကိန်းဂဏန်းများ](https://imh-images-prod.s3.ap-southeast-1.amazonaws.com/pictures/news/dr5b5kh/1150723-0410243001751007761-02.jpg)
![[ငါးဟင်းကြိုက်သူတွေ သတိပြုစရာ] ထိုင်းတွင် ငါးရိုးစူးသော အမျိုးသမီးတစ်ဦး လည်ပင်းအပြင်ဘက်သို့ ငါးရိုးဖောက်ထွက်လာမှု နာမည်ကြီးနေ...](https://imh-images-prod.s3.ap-southeast-1.amazonaws.com/pictures/news/dr5b5kh/1152439-0938690001752554889-02.jpg "[ငါးဟင်းကြိုက်သူတွေ သတိပြုစရာ] ထိုင်းတွင် ငါးရိုးစူးသော အမျိုးသမီးတစ်ဦး လည်ပင်းအပြင်ဘက်သို့ ငါးရိုးဖောက်ထွက်လာမှု နာမည်ကြီးနေ...")
