အလွမ်းဟောင်းတို့ ပျော်ဝင်ရာ ညှို့ငင်နေဆဲ လမ်းသစ်ရိပ်သာ

ကျွန်တော့်ကိုမမွေးခင် ကျွန်တော့်အဖေနဲ့အမေ စတင်ဆုံစည်းကြတဲ့ ဘူမိနက်သန်က
လမ်းသစ်ရိပ်သာအိမ်ရာ ပါပဲ။ လမ်းမတော်မြို့နယ်မှာရှိပါတယ်။ သရက်တောကျောင်းတိုက်နဲ့
မျက်နှာချင်းဆိုင်ပေါ့။ အနော်ရထာလမ်းနဲ့ ဗိုလ်ချုပ်အောင်ဆန်းလမ်းကြား တစ်ဘလောက်လုံး
ကျယ်ပါတယ်။ ကျွန်တော်မမွေးခင် ကျွန်တော့်မိဘ အလောင်းအလျာတွေ နေခဲ့စဉ်တုန်းကတည်းက လမ်းသစ်၇ိပ်သာအိမ်ရာဆိုပေမယ့် သူတို့နားထဲ၊ နှုတ်ထဲမှာ စွဲနေတာက ပြည်တော်သာတိုက် တဲ့။ ဘာလို့လဲဆိုတော့ အဲဒီအိမ်ရာကို တည်ဆောက်ပေးခဲ့တာက ကွယ်လွန်သူ နိုင်ငံတော်ဝန်ကြီးချုပ်ဟောင်း ဦးနု။ မြန်မာနိုင်ငံ လွတ်လပ်ရေးရပြီး ပါလီမန်ဒီမိုကရေစီခေတ်မှာ
ဦးနုဦးဆောင်တဲ့ ဖဆပလပါတီက ကြွေးကြော်ခဲ့တာ ပြည်တော်သာရမည် ဆိုတဲ့ဆောင်ပုဒ်။

တပြည်ထောင်လုံး သာသာယာယာရှိရမယ်ဆိုတဲ့ နိမိတ်ကို ယူပြီးတော့ ပြည်တော်သာရမည်ဆိုတဲ့ ဆောင်ပုဒ်ကို ကြွေးကြော်၊ ပြည်တော်သာစီမံကိန်းကို ချ၊ လူတစ်ကိုယ် တိုက်တစ်လုံး၊ ကားတစ်စီး၊
ဝင်ငွေရှစ်ရာဆိုတဲ့ မက်လုံးနဲ့ မြန်မာ ပြည်သူတွေ အားကျသွားရည်ယိုခဲ့ရတဲ့ စီမံကိန်းဆိုပဲ။ အဲဒီစီမံကိန်းရဲ့ တစ်စိတ်တစ်ဒေသအဖြစ် သရက်တော ကျောင်းတိုက်နဲ့ မျက်နှာချင်းဆိုင်မှာ
အိမ်ရာကြီးတစ်ခုကိုဆောက်၊ နိုင်ငံ့ဝန်ထမ်းတွေ၊ တောထဲက အလင်းဝင် လာတဲ့
လက်နက်ကိုင်တွေအတွက် အစီအစဉ်ချပြီး ဆောက်ပေးလိုက်တဲ့အိမ်ရာပါ။

ကျွန်တော်မွေးလို့ လေးငါးဆယ်နှစ်လောက်အတွင်း ကျွန်တော်လည်း အဲဒီ လမ်းသစ်ရိပ်သာအိမ်ရာကို ကြိုးကြားကြိုးကြား ရောက်ခဲ့ပေါက်ခဲ့ပေါ့။ ဘာလို့လဲဆိုတော့ ကျွန်တော့်မိဘတွေရဲ့ နေရာဟောင်းဆိုတော့ သူတို့ရဲ့ အသိအကျွမ်း မိတ်ဆွေသူငယ်ချင်းတွေက အဲဒီမှာကျန်ခဲ့သလေ။ အထူးသဖြင့် ကျွန်တော့်အဖေရဲ့ ကာလသားဘ၀ကို ဒီနေရာဒီဒေသ ဒီရပ်ဝန်းမှာ ကုန်ဆုံးခဲ့တာဆိုတော့ အဲဒီတုန်းက အသက် သုံးဆယ်မှ မပြည့် သေးလို့ လူငယ်စိတ်မကုန့်တကုန် ကလေးအဖေဘ၀ရောက်နေသူ ကျွန်တော့်အဖေမှာ သူ့ပေါင်းဟောင်းသင်း ဟောင်းတွေနဲ့ သွားတွေ့တဲ့အခါတိုင်း အဲဒီကိုသွား၊

ကျွန်တော်ကလည်း နောက်ကနေ လိုက်လိုက်သွား။ ဆိုကြပါစို့ရဲ့။ တန်ဆောင်တိုင်လို ပွဲလမ်းသဘင်ကြီးကြီးမားမားရှိတဲ့အချိန်မှာ ရန်ကုန်အနောက်ပိုင်းဆိုတာက အင်မတန်စည်ကားတဲ့အရပ်။ တန်ဆောင်တိုင်မှာ ရန်ကုန်အနောက်ပိုင်း လမ်းမတော်မြို့နယ်က တံခွန်စိုက် လောက်အောင် စည်ကား။ အဲဒီလိုပွဲတော်မျိုးမှာ ကျွန်တော်က ကျွန်တော့်ဦးလေးနဲ့
တန်ဆောင်တိုင်ပွဲ လျှောက်လည်၊ အငြိမ့်စင်၊ ရုပ်သေစင် တွေ့ ၀င်ကြည့်၊ လူကြားထဲ တိုး၊ ဗိုက်ကလေး နည်းနည်းဟာလာရင် ၀က်ခေါင်းသုပ် စား၊ အမဲအူပြုတ် စား၊ ကြံရည် သောက်၊ ဘိလပ်ရည် သောက်၊ ထပ်လျှောက်။ ဒီလိုနဲ့ သန်းခေါင် ကျော်တဲ့အထိ နေကြ၊ ပျော်ကြ။

အဲဒီလိုသွားပြီဆိုရင် လမ်းသစ်ရိပ်သာအိမ်ရာ တိုက်တွေကြားထဲ လှည့်သွား။ အဲဒီမှာလည်း
လမ်းတိုင်းလမ်းတိုင်း၊ အိမ်တိုင်းအိမ်တိုင်းက မီးတွေကို ထိန်ထိန်သာလို့။ ကိုယ့်အိမ်ကလုပ်တဲ့မုန့် တွေ လမ်းသွားလမ်းလာတွေ ဖိတ်ကျွေး။ ပျော်စရာမှ တကယ့်ပျော်စရာ။ ကျွန်တော့်ဦးလေးက သူ့အသိအကျွမ်း တွေအိမ်ကို ၀င်၊ လိုက်နှုတ်ဆက်၊ အဲဒီအိမ်တွေကလည်း ၀မ်းသာအားရနဲ့ သူတို့လုပ်ထားတဲ့မုန့်တွေ ကျွေး။ ပြန်တွေးတိုင်းလွမ်းစရာပါ။

ဒါက ကျွန်တော် လမ်းသစ်ရိပ်သာတိုက်ခန်းတွေနဲ့ မစိမ်းဘူးဆိုတဲ့သဘောပါ။ နောက်တော့
အသက်တွေ အရွယ်တွေကလည်း တဖြည်းဖြည်း ကြီးသထက်ကြီးသွား။ ကျွန်တော့်ကို
တန်ဆောင်တိုင်ပွဲတွေ လိုက်ပို့ပို့ပေး တဲ့ ကျွန်တော့်ဦးလေး ဆုံးသွားတာတောင် ဆယ့်တစ်နှစ်ရှိပြီ။ သူတို့အသိအကျွမ်း လမ်းသစ်ရိပ်သာက မိတ်ဟောင်းဆွေဟောင်းတွေလည်း ဇရာရဲ့ထုထောင်းမှုနဲ့ တဖွဲဖွဲလွင့်ပေါ့။ ကျွန်တော့်စိတ်ထဲမှာတော့ လမ်းသစ် ရိပ်သာ တိုက်ခန်းတွေဟာ စိမ်းမသွား။ လမ်းမတော်ဘက်ကို ကိစ္စတစ်စုံတစ်ရာနဲ့ေ၇ာက်တိုင်း လမ်းသစ်ရိပ်သာ တိုက်ခန်းတွေဘက် လှမ်းကြည့်မိရင် ရင်တွေခုန်နေတုန်း။

တန်ဆောင်တိုင်ပွဲတော်ကိုလွမ်းနေတုန်း။ အသက် လေးငါးနှစ်လောက်တုန်းက မော်တင်ဈေးထဲမှာ
ဆံပင်ညှပ်ခဲ့တဲ့ပုံရိပ်တွေ မြင်နေတုန်း။နှစ်ထောင့်ဆယ့်လေး နှစ်စပိုင်းလောက်မှာ အိုးအိမ်ပိုင်ဝန်ထမ်းအိမ်ရာတွေ အဆင့်မြင့်ပြန်ဆောက်မယ့်စာရင်းထဲ လမ်းသစ်ရိပ်သာပါလာတယ်ကြားတော့ ရင်တွေပြန်ခုန်လာခဲ့သေးတယ်။ လမ်းသစ်ရိပ်သာနဲ့ဖွားဖက်တော်လို့ ပြောရမယ့် ဗဟိုစည်ရပ်ကွက်ဆို လွန်ခဲ့တဲ့နှစ်ဆယ့်ငါးနှစ်လောက်ကတည်းက အဆင့်မြင့်အိမ်ရာအဖြစ် အကောင်အထည်ပေါ်ပြီး တစ်ချိန်က နုပ်နုပ်ဖွဲဖွဲနေရာလေးဟာ တကယ့် လူကုံထံရပ်ကွက်တစ်ခုအဖြစ် ၀င့်ထည်ခဲ့။ ဒီတော့
လမ်းသစ်ရိပ်သာလိုနေရာကောင်းတစ်ခု အဆင့်မြင့်အိမ်ရာစခန်းတစ်ခုဖြစ်သွား၇င်အတိုင်းထက်အလွန်၊
တံခွန်နဲ့ကုက္ကား အလှပေါ်အယဉ်ဆင့်ပြီး တင့်သထက်တင့်သွားတော့မယ်ဆိုတဲ့ မုဒိတာ စိတ်ထားက
ကျွန်တော့်ရင်နဲ့အမျှ။ ပထမဆုံးအစီအစဉ်အဖြစ် ငါးဆယ့်တစ်လမ်းဝန်ထမ်းအိမ်ရာကို တိုက် ဟောင်းတွေဖျက်၊ ဖောင်ဒေးရှင်းတွေတူး၊ အထပ်တွေတင်နဲ့ တရမန်းကြမ်းလုပ်နေတာ နှစ်ထောင့်ဆယ့်လေး၊ နှစ်ထောင့်ဆယ့်ငါး တောက်လျှောက်တွေ့နေရတော့ ဒါပြီး လာမှာ
လမ်းသစ်ရိပ်သာပဲဆိုပြီး ကိုယ်နဲ့လည်း ဘာမှမဆိုင် ၀င်ရင်ခုန်နေလိုက်သေး။

ဒါပေမဲ့ ငါးဆယ့်တစ်လမ်းအိမ်ရာ ဖောင်ဒေးရှင်းတောင်အထိုင်မချရသေးခင် ကြားလိုက်ရတဲ့သတင်းက
လမ်းသစ်ရိပ်သာကိုလည်း အဆင့်မြင့်အိမ်ရာဖော်ဆောင်ဖို့အတွက် အိုးအိမ်ရယ်၊ ဆောက်မယ့်ကုမ္ပဏီရယ်က လက်ရှိနေကြတဲ့ဒေသခံတွေနဲ့ သွားညှိကြတယ်တဲ့။
အိုးအိမ်ကပြောတဲ့အထဲမှာ နဂိုနေသူတွေကို တစ်ခန်းစီပြန် ပေးမယ်၊ အထပ်မြင့်ဆောက်တာဖြစ်တဲ့အတွက် ပိုထွက်လာတဲ့အခန်းတွေကို ကုမ္ပဏီနဲ့အချိုးချပြီး ပြန်ရောင်း
မယ်။ သူတို့လက်ထဲက တိုက်ရိုက်ဝယ်တဲ့ အိမ်ရှင်အသစ်တွေကို တိုက်ခန်းပိုင်ဆိုင်မှုစာအုပ် (Owner Book) ထုတ်ပေးမယ်၊ အခန်းပြန်ရတဲ့ နဂိုနေသူတွေကိုတော့ Owner Book မပေးဘူးဆိုတော့
နဂိုနေသူတွေနဲ့ သဘောထားချင်းမတိုက်ဆိုင်ကြ။ ဒါနဲ့ပဲ အခြေအနေက လိပ်ခဲတည်းလည်း။

ခုလောက်ဆို ဘယ်လိုသဘောတူညီချက်တွေရကုန်ပြီလဲ ကျွန်တော်မသိတော့။ စံပြရုပ်ရှင်ရုံဘက်
ကိစ္စရှိလို့ ရောက်သွားတိုင်း လမ်းသစ်ရိပ်သာတိုက်ကြီးတွေကတော့ ရေညှိအလိမ်းလိမ်း၊
သစ်ပင်စိမ်းစိမ်းတွေနဲ့ ကျွန်တော့် အလွမ်းတွေကို ညှို့ယူလို့ကောင်းနေတုန်းပါပဲ။

ကျော်ဇောလေး မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com