အိမ်ခြံမြေဈေးကွက် နောက်နှစ်မှ ပြန်ကောင်းနိုင်

အိမ်ခြံမြေက နောက်နှစ်လောက်မှသာ ဈေးကွက်ပြန်ကောင်းလာနိုင်ခြေ ရှိတယ်လို့ ကျွမ်းကျင်သူတစ်ချို့ သုံးသပ်ကြပါတယ်။

အိမ်ခြံမြေ ဈေးကွက်အပြောင်းအလဲကို အများစုက လာမယ့် ရွေးကောက်ပွဲအပေါ် စောင့်ကြည့်ကြတာပါ။ ရွေးကောက်ပွဲ အပြီးဝင်လာမယ့် နိုင်ငံခြားရင်းနှီးမြှုပ်နှံမှု အခြေအနေကလည်း ဈေးကွက်ကို ပြောင်းလဲစေနိုင်တယ်။ လက်ရှိဈေးနှုန်းမတည်ငြိမ်တဲ့ ရွှေနဲ့ ဒေါ်လာဈေးကွက်
ကလည်း အကျိုးသက်ရောက်မှု အနည်းငယ် ရှိပါတယ်။

အိမ်ခြံမြေနဲ့ ပတ်သက်တဲ့ ဥပဒေအသစ်တွေ၊ မထွက်ရှိသေးတဲ့ ဥပဒေတွေကလည်း ဈေးကွက်ကို အပြောင်းအလဲ ဖြစ်လာနိုင်တဲ့ အကြောင်းအရာတွေပဲ ဖြစ်တယ်လို့ သိရပါတယ်။

ဝါရင့်အကျိုးဆောင်ဦးမောင်မောင်က "ပြီးခဲ့တဲ့ ဇွန်လပိုင်းလောက်ကတော့ အပြောင်းအလဲတွေရှိလာတယ်၊ ကျပ်သိန်းသောင်း ဂဏန်းတွေပါ အ၀ယ်ရှိလာတာ တွေ့ရတယ်၊ အခုက တချို့အကွက်ကြီးသမားတွေက လျှော့ဈေးနဲ့ ထုတ်ချင်တယ်၊ ဈေးခေါ်ပေမယ့် ၀ယ်သူက ပျောက်နေတယ်၊ ဒေါ်လာနဲ့ ရွှေဈေးကမငြိမ်ဘူး၊ဘဏ်ကောလဟလ တွေနဲ့ရောနိုင်ငံရေးအပြောင်းအလဲတွေက ရှိနေတော့ အားလုံးက အခြေအနေ ကြည့်နေကြတာပါ၊ အရင်က ရွေးကောက်ပွဲပြီးရင် ဈေးကွက်လှုပ်တယ်၊ အခုကတော့မဖြစ်နိုင်လောက်တော့ဘူး၊
ဈေးကွက်ကတော်တော် ငြိမ်နေတယ်"လို့ ပြောပါတယ်။

မလှုပ်ပါ

အရင်က ဒေါ်လာဈေး၊ ရွှေဈေး အပြောင်းအလဲရှိလာရင် အိမ်ခြံမြေဘက်ကလည်း လှုပ်ခတ်လာတတ်ပေမယ့် သည်နှစ်ထဲမှာတော့မရှိသလောက် ငြိမ်နေတာပါ။ ဒေါ်လာဈေးတက်ရင် မြန်မာငွေဈေးကျတယ်။

ရွှေဈေးကလည်း မြင့်လာရင် အိမ်ခြံမြေကို ပြန်ပြီး ရင်းနှီးမြှုပ်နှံကြတယ်။ အခုက ဗဟိုဘဏ်ရဲ့ ရည်ညွှန်းငွေ လဲလှယ်နှုန်းကပါ မြင့်နေတာပါ။ ဘာကြောင့်ဆိုတာကို ထောက်ပြဖို့လည်း အကြောင်းအရာ အတိအကျ မရှိပေမယ့် အရင်က စီးပွားရေး ရင်းနှီးမြှုပ်နှံကြတဲ့ ကား၊ဒေါ်လာ၊ ရွှေ၊ အိမ်ခြံမြေစတဲ့ ဈေးကွက်တွေက မထင်မှတ်လောက်အောင် အပြောင်းအလဲတွေ ရှိတာကြောင့် အရင်ကလို ဈေးကွက်ထဲ မ၀င်ရဲကြတာလို့လည်း သိရပါတယ်။

လက်ရှိဒေါ်လာဈေးကြောင့်အိမ်ခြံမြေဈေးကွက် ပြန်ကောင်းလာမယ် ခန့်မှန်းနိုင်ဖို့ စောနေသေးတယ်လို့ လုပ်ငန်းရှင်တချို့နဲ့ ကျွမ်းကျင်သူတစ်ချို့က ပြောပါတယ်။

ပထ၀ီမြေအကျိုးဆောင် ဦးအောင်ကျော်ဝင်းက "ရွေးကောက်ပွဲပြီးတာတောင်အိမ်ခြံမြေဈေးကွက်က
ပြန်ကောင်းဖို့မသေချာဘူး၊ နှစ်ကုန်ပိုင်းလောက်
ကောင်းနိုင်ခြေရှိတယ်၊အရောင်းအ၀ယ် ပြန်ကောင်းဖို့က
ဈေးကွက်အပြောင်းအလဲနဲ့ လိုအပ်ချက်တွေအားလုံး အံဝင်ကြမှ ဖြစ်လာနိုင်မယ်"လို့ ပြောပါတယ်။

တချို့ရင်းနှီးမြှုပ်နှံသူတွေက ဒေါ်လာဘက်နဲ့ ကမ္ဘာ့ရွှေဈေးဘက်ကိုလှည့်ပြီး ဈေးကစားတာမျိုးရှိတယ်လို့ သိရပါတယ်။ ဥပဒေစံနှုန်း သတ်မှတ်ချက်တွေကလည်း ဈေးကွက်အပေါ် အကျိုးသက်ရောက်မှု ရှိလာနိုင်ပါတယ်။

မထွက်သေးတဲ့ ကွန်ဒိုဥပဒေနဲ့ ပြဌာန်းဖို့ရှိတဲ့ ဥပဒေထွက်ရှိလာဖို့ကို မျှော်လင့်နေကြတာလည်း ရှိပါတယ်။ ဥပဒေ အပြောင်းအလဲတွေလည်း ရှိနိုင်တာကြောင့် အခုအချိန်မှာ ရင်းနှီးမြှုပ်နှံဖို့ မ၀င်ရဲကြတာလို့ ဆိုတယ်။

ကွန်ဒိုဥပဒေအတည်တကျထွက်လာခဲ့ပြီး ရွေးကောက်
ပွဲနောက်ပိုင်း ရွေးကောက်ပွဲနောက်ပိုင်း ရင်းနှီးမြှုပ်နှံမှု ၀င်ရောက်လာမယ့် အချိန်မှာ အိမ်ခြံမြေဈေးကွက်အတွက် အခြေအနေကောင်းတစ်ခု ပြန်ဖြစ်လာနိုင်တယ်လို့ သိရပါတယ်။

ဝယ်ရောင်းအကျိုးဆောင် ဦးကျော်နိုင်က "အခုအချိန်မှာ maybe နဲ့ပဲ ၀ယ်နေကြတာ၊ ဈေးတန်တာရှိရင် ၀ယ်မယ်၊ ဈေးကို မပြတ် စုံစမ်းနေတယ်၊ ၀ယ်ချင်တဲ့သူတွေဆို ကိုယ့်စိတ်ကြိုက်နေရာနဲ့ ဈေးတန်းကို သိအောင်တော့လုပ်ထားပေါ့၊ ငွေနိုင်တဲ့သူကတော့ နိုင်မှာပဲလေ၊ ငွေပိုမရှိရင်တော့ မြန်မြန်ဝယ်၊
မြန်မြန်ရောင်းပဲ၊ မဟုတ်ရင်တော့ ဈေးကွက်ထဲ ၀င်မကစားတာ အကောင်းဆုံးပဲ"လို့ ပြောပါတယ်။

Credit: Aye Mon (KMD)