ရန်ကုန်မဟာဗျူဟာစီမံကိန်းတွင်ပါဝင်သည့်မှော်ဘီ၌ အိမ်ခြံမြေဈေးကွက်အေးနေသေး

ရန်ကုန်မြို့ မဟာဗျူဟာစီမံကိန်း ၂၀၄၀ အရ တိုးချဲ့သွားမည့် ဦးစားပေးမြို့နယ်များအနက် ခြောက်ခုမြောက်မြို့နယ်ဖြစ်သောမှော်ဘီမြို့နယ်၏ အိမ်ခြံမြေဈေးကွက်မှာ လက်ရှိအချိန်တွင် အေးနေသေးကြောင်း အိမ်ခြံမြေအကျိုးဆောင်များက ပြောသည်။

“မှော်ဘီမြို့နယ်မှာ မြို့သစ်စီမံကိန်းကို အကောင်အထည်ဖော်မယ်လို့ ကြားပေမယ့် မြေအရောင်းအ၀ယ်ကတော့ မရှိပါဘူး။
မှော်ဘီမြို့က မြေဈေးကွက်က ၀ယ်ရောင်းလုပ်သူတွေ မျက်စိကျတဲ့ ဈေးကွက်တစ်ခု မဟုတ်ဘူး။ မှော်ဘီမှာ မြေတွေကို
တခြားမြို့တွေလို ၀ယ်လိုက်၊ ရောင်းလိုက်လုပ်တာမျိုး တွေရှားတယ်”ဟု မှော်ဘီမြို့ဒေသခံတစ်ဦးဖြစ်သူ ဦးသီဟက ပြောသည်။

မှော်ဘီမြို့နယ်တွင် မြို့သစ်စီမံကိန်းအတွက် လူဦးရေ လေးသိန်းခန့် ထပ်တိုးနေထိုင်နိုင်စေရန် မြေ ၁၁,၅၉၄ ဧက ခန့်ကိုတိုးချဲ့မည်ဖြစ်ပြီး ကျပ် ၂၇၁ ဒသမ ၉၇ ဘီလျံ အသုံး ပြုမည်ဖြစ်သည်။ သို့သော် မှော်ဘီမြို့နယ်တွင် အခြေခံအဆောက်အအုံများ
တည်ဆောက်ပေးမည့် မြို့သစ်စီမံကိန်းပြုလုပ်မည်ဟု ကြားသိရသော်လည်း ယခုအချိန်ထိ မည်သည့်နေရာတွင် အကောင်အထည်ဖော်မည်ကို အသေးစိတ် မသိရှိသေးကြောင်း ဒေသခံများက ပြောသည်။

“မြို့သစ် အကောင်အထည်ဖော်မယ်လို့ ကြားနေပေမယ့် အခုချိန်ထိဘယ်နေရာမှာအကောင်အထည်ဖော်မယ်ကို သေချာမသိရသေးဘူး။ ၀ါးနက်ချောင်းဘက်မှာ အကောင်အထည်ဖော်မယ်လို့ ကြားနေရတယ်။ ဘယ်နေရာမှာ အကောင်အထည်ဖော်မယ်ဆိုတာကို
တစ်ယောက်တစ်မျိုးတွေ ပြောနေကြတယ်။ သက်ဆိုင်ရာအစိုးရအဖွဲ့က နေရာကို အတိအကျ မကြေညာသေးပါဘူး။
မြို့ထဲမှာလည်း ဘယ်နေရာမှာမှ လမ်းပြင်တာတွေ၊ အခြေခံအဆောက်အအုံဆောက်တာတွေလည်း မတွေ့မိသေးပါဘူး”ဟု
ဒေသခံတစ်ဦး က ပြောသည်။

မြို့သစ်စီမံကိန်း အကောင်အထည်မဖော်မီ မည်သည့်နေရာတွင် အကောင်အထည်ဖော်မည်ကို
ကြိုတင်မသိရှိရခြင်းက မြေဈေးတစ်ဟုန်ထိုးတက်ခြင်းများကို ကာကွယ်ပေးနိုင်ပြီးဝယ်ရောင်းလုပ်သူများ ဈေးကစားခြင်းကိုလည်းကာကွယ်ပေးနိုင်ကြောင်း အိမ်ခြံမြေအကျိုးဆောင်များက ပြောသည်။

“မှော်ဘီမြို့မှာ မြို့သစ်စီမံကိန်းအရ တိုးချဲ့မယ့်မြေနေရာကို
အခုလို ကြိုမသိနိုင်တာက ဈေးကစားမှုတွေကို မဖြစ်နိုင်အောင် ကာကွယ်ပေးနိုင်ပါတယ်။ တကယ်လို့ မြေနေရာကိုသာအတိအကျကြိုသိနေရရင် အဲဒီနေရာမှာစီမံကိန်းအကောင်အထည်မဖော်မီ မြေဈေးကစားတာတွေပဲ ဖြစ်လာလိမ့်မယ်။ဈေးကစားတာတွေ မဖြစ်အောင်လို့ စီမံကိန်းလုပ်မယ့်နေရာကို ကြိုမသိရတာ ကောင်းပါတယ်။
ဒါပေမဲ့ စီမံကိန်းကိုအကောင်အထည်ဖော်ဖို့ပဲ လိုအပ်ပါတယ်” ဟု မြို့ခံအိမ်ခြံမြေအကျိုးဆောင် ဦးစိန်အေး က ပြောသည်။

မှော်ဘီမြို့၏ မြို့ပြ ဖွဲ့စည်းပုံအရ မြို့တွင်း၌ မြေကွက်ကျယ်များသာ အများဆုံးရှိခဲ့ပြီး မြေကွက်သေးများမှာ လူနေထူထပ်သည့်
မှော်ဘီမြို့လယ်တွင်သာ ရှိသည်။ သို့သော် လူနေထူထပ်လာသည့် နောက်ပိုင်းတွင် မှော်ဘီမြို့စွန်နေရာများ၌ အသေးစား၊အလတ်စား စီးပွားရေးနှင့် စက်မှုလုပ်ငန်းများ လုပ်ကိုင်လာကြသည့် ၂၀၁၀ ပြည့်နှစ် နောက်ပိုင်း မြေကွက်ကျယ်များကို
စိတ်ပိုင်းရောင်းချလာကြောင်း မှော်ဘီမြို့တွင် နေထိုင်သူ ဒေသခံတစ်ဦးက ပြောသည်။

“နောက်ပိုင်းမှာ ဓာတ်ဆီဆိုင်တို့၊
အထည်ချုပ်လုပ်ငန်းတို့ ကျွန်တော်တို့ မှော်ဘီဘက်မှာ လုပ်လာကြတော့ ကားလမ်းမဘေးကမြေတွေက အရောင်းအ၀ယ်ဖြစ်လာတယ်။ ဒီကမြေတော်တော်များများက မြေဧကကျယ်တွေဆိုတော့ ပိုင်ရှင်တွေကပိုင်းပြီး ရောင်းကြတာ တဖြည်းဖြည်းနဲ့ မြေကွက်တွေက
ကျဉ်းလာတယ်။ အခု မြေဧကကျယ်ဆိုလို့ လက်ချိုးရေလို့ရသလောက်ပဲ ကျန်တော့တယ်။ အဲဒါတွေလည်း ရောင်းကြတော့မှာ” ဟု မှော်ဘီမြို့နယ် ပြည်လမ်းမပေါ်တွင် နေထိုင်သည့် ဒေသခံတစ်ဦးဖြစ်သူ ဒေါ်ဆွေခင်က ပြောသည်။

ထို့ပြင် မှော်ဘီမြို့ရှိ မြေအများစုသည် ဥယျာဉ်ခြံမြေများသာဖြစ်ပြီး ပါမစ်မြေများမှာမူ မြို့တွင်းရပ်ကွက်များ၌သာရှိပြီး မြေဧကကျယ်များတွင် လုပ်ငန်းလုပ်ကိုင်လိုသူများမှာ ပါမစ်မြေသို့ ပြောင်းလဲရကြောင်း ၎င်းက ပြောသည်။

မှော်ဘီမြို့၏ အိမ်ခြံမြေ ဈေးနှုန်းများမှာလည်း ပါမစ်မြေနှင့် ဥယျာဉ်ခြံမြေပေါ်မူတည်ကာ ဈေးနှုန်းများကွာခြားကြောင်း အိမ်ခြံမြေ အကျိုးဆောင်များက ပြောသည်။ ပါမစ်ရှိသည့် မြေမှာပါမစ်မရှိသည့် မြေထက် ခြောက်ဆခန့် ပိုမြင့်မားကြောင်း ရွှေကံမြေ အိမ်ခြံမြေအကျိုးဆောင်
ဦးခင်မောင်အေးက ပြောသည်။

“မှော်ဘီမှာက မြို့တည်ကတည်းက ဥယျာဉ်မြေတွေက ပိုများတော့ အိမ်ခြံမြေ ဈေးကလည်း
အဲဒီအပေါ်မှာ သွားကွာသွားတယ်။ ပါမစ်ရှိတဲ့ မြေတွေလည်း မြို့ထဲမှာရှိပေမယ့် မြို့စွန်ဘက်မှာအများစုက ဥယျာဉ်ခြံ မြေတွေဖြစ်တော့
တကယ်လို့ပါမစ်ရပြီးသား မြေဆိုရင် ဈေးပိုတောင်းကြတယ်။ ပါမစ်မရှိတဲ့ မြေက တစ်ဧကကို ကျပ်သိန်း ၅၀၀ လောက်ပေါက်တဲ့အချိန်မှာ
ပါမစ်မြေက တစ်ဧကကို ကျပ်သိန်း ၃,၀၀၀ လောက်ဈေးခေါ်ကြတယ်” ဟု ၎င်းကပြောသည်။

လက်ရှိတွင် မှော်ဘီမြို့၏ အိမ်ခြံမြေ
ဈေးကွက်သည်လည်း ရန်ကုန်မြို့၏ ဈေးကွက် ငြိမ်သက်မှုကြောင့် ဈေးကွက်အေးလျက်ရှိပြီး ဈေးနှုန်းများမှာမူ လွန်ခဲ့သည့် နှစ်နှစ်ကျော်ခန့်က
မြင့်တက်ခဲ့သည့် အမြင့်ဆုံးဈေးများဖြင့်သာ ဆက်လက်ရှိနေကြောင်း အကျိုးဆောင်များက ပြောသည်။

ရန်ကုန်မြို့၏ အနောက်မြောက်ဘက်
အစွန်းတွင် တည်ရှိသော မှော်ဘီမြို့နယ်သည် လမ်းပန်းဆက်သွယ်ရေး ကောင်းမွန်နေသော်လည်း ဖွံ့ဖြိုးတိုးတက်မှုနိမ့်ကျနေသေးသည်။
မှော်ဘီမြို့နယ်တွင် ရန်ကုန်မြို့၏ အငွေ့အသက်နည်းပါးကာအထပ်မြင့်အဆောက်အအုံများ
လည်း မရှိသေးပေ။

“မှော်ဘီမြို့မှာအထပ်မြင့်အဆောက်အအုံဆိုလို့ မှော်
ဘီဈေးရှေ့က ခြောက်ထပ်တိုက်နှစ်လုံးက အမြင့်ဆုံးပဲ။
နောက်ထပ် ဒီထက်မြင့်တဲ့ တိုက်ရော၊ ဒီလောက်မြင့်တဲ့ တိုက်ရော မရှိသေးဘူး။ အများစုက တစ်ထပ်အိမ်လေးတွေပါပဲ။
အဆင့်မြင့်မြင့် ဆောက်ထားတဲ့ အိမ်တွေလည်း ရှိတော့ရှိပါတယ်”ဟု ဦးသီဟက ပြောသည်။

မှော်ဘီမြို့သည် အခြားသောမြို့သစ်များထက်
ဆောလျင်စွာ တည်ထောင်ခဲ့သော မြို့တစ်မြို့ဖြစ်သော်လည်း ဖွံ့ဖြိုးတိုးတက်မှု၊ အလုပ်အကိုင်အခွင့်အလမ်းပေါမှု၊ စည်ကားမှုနှင့်
မြေဈေးများမှာ မြို့သစ်များ ဖြစ်သော ဒဂုံမြို့သစ်လေးမြို့နယ်သာမက သန်လျင်မြို့နယ်ထက်ပင် နိမ့်ကျနေသေးကြောင်း ၀ါရင့်အိမ်ခြံမြေ အကျိုးဆောင်များက ပြောသည်။

”မှော်ဘီမြို့က တည်ထောင်တာ ကြာနေပေမယ့် ရန်ကုန်ဧရိယာနဲ့ ဝေးကွာလွန်းနေတဲ့အတွက်
မတိုးတက်ဘူး။ မှော်ဘီပတ်ဝန်းကျင်မှာ အောင်မြင်နေတဲ့ စက်မှုဇုန်စီမံကိန်းတွေမျိုးလည်း မရှိဘူး။ မှော်ဘီမှာ လူသိများတာဆိုလို့နည်းပညာတက္ကသိုလ် တစ်ခုပဲ ရှိတယ်။

တက္ကသိုလ်ကလည်း ကျောင်းသားတွေအလာများပြီး စည်နေပေမယ့် စက်မှုဇုန်
စီမံကိန်းတွေလို အလုပ်အကိုင်အခွင့်အလမ်း မကောင်းဘူး” ဟု ဦးစိန်အေးက ပြောသည်။ ရန်ကုန်မြို့နှင့် ကီလိုမီတာ ၄၀ ကျော်အကွာတွင်ရှိသည့် မှော်ဘီမြို့၏အိမ်ခြံမြေ ဈေးကွက်သည် ရန်ကုန်တွင်းရှိ အခြားမြို့နယ်များကဲ့သို့ အိမ်ခြံမြေလုပ်ငန်းခေတ်ကောင်းနေသည့်
အချိန်တွင်မူ သိသာထင်ရှားစွာ လှုပ်ခတ်မှုမရှိခဲ့သော်လည်း ဈေးနှုန်းများမှာ ကာလပေါက်ဈေးများ မြင့်တက်ခဲ့သလို အမြင့်ဘက်သို့
အနည်းငယ် ပြောင်းလဲခဲ့သည်။

၂၀၀၄ ခုနှစ်တွင် လျှပ်စစ်မီးစတင်ရရှိခဲ့ပြီး ရေတွင်းတူးလျှင်ပင် ရေကြည်ရေသန့်ရသော မှော်ဘီမြို့နယ်တွင် အခြေချနေထိုင်သူများ ပိုမိုများပြားလာသော်လည်း မှော်ဘီမြို့၏ မြေဈေးများမှာ ခိုင်မာမှုအားနည်းနေသေးသည်။ “မှော်ဘီမှာ မြေဈေးတွေက ပါးစပ်ခေါ် ဈေးတွေဖြစ်နေတယ်။

ဘယ်လောက်ပေါက်ဈေးရှိတယ်ဆိုတာ မသိကြဘဲ ဘိုးဘွားပိုင်မြေတွေဆိုတော့ ရောင်းချင်တဲ့ ဈေးနဲ့ အဆင်ပြေသလို ရောင်းနေကြတယ်။ တက္ကသိုလ်နားမှာ တစ်ဧကအကျယ်ရှိတဲ့ ခြံတစ်ခြံကို ကျပ်သိန်း ၁,၅၀၀ လို့ ဈေးခေါ်နေပေမယ့်သူနဲ့ငါးမိနစ်လောက်ကားမောင်းရင်
ရောက်တဲ့နေရာက ခြံကသိန်းတစ်သောင်းကျော်လောက်ဈေးခေါ်တယ်။ ပါးစပ်ထဲရှိတဲ့ဈေးတွေ
ဖြစ်နေတယ်။ မှော်ဘီဈေးနားက လူစည်ကားတဲ့နေရာမှာ စတုရန်းပေ ၂,၄၀၀ ရှိတဲ့ ခြံတွေကတော့ သိန်း ၃၀၀ ကနေ ၅၀၀ ကြားဈေးရှိတယ်”ဟု အိမ်ခြံမြေအကျိုးဆောင် တစ်ဦးက ပြောသည်။

မှော်ဘီမြို့နယ်သည် ရန်ကုန်မြို့၌ အိမ်ခြံမြေဈေးကွက် ခေတ်ကောင်သည့် အချိန်တွင် အခြားရန်ကုန်မြို့၏ မြို့စွန်များဖြစ်သည့်
ဒဂုံမြို့သစ် လေးမြို့နှင့် သန်လျင်၊ သာကေတတို့နှင့်ယှဉ်ပါက ၀ယ်ယူရင်းနှီးမြှုပ်နှံမှုကိုနည်းပါးပြီး စီးပွားရေးလုပ်ငန်းနှင့်
ပြောင်းရွှေ့နေထိုင်သူများ၏ ဈေးကွက်က ပိုများလျက်ရှိကြောင်းအိမ်ခြံမြေအကျိုးဆောင်များက
ပြောသည်။

“အခုကရန်ကုန်တစ်မြို့လုံးက ဈေးကွက်အေးနေတဲ့အချိန်မှာ မြို့သစ်တွေ၊ စီမံကိန်းနေရာတွေကလည်း အများကြီး ပေါ်လာတော့ရင်းနှီးမြှုပ်နှံတဲ့သူတွေ၊ အရောင်းအ၀ယ်လုပ်တဲ့သူတွေကလည်း မလိုက်နိုင်ကြတော့ဘူး။ ပြီးတော့ ဈေးတွေကလည်း အမြင့်ဆုံးဈေးတွေရောက်ပြီး ပြန်မကျဘဲ ဒီအတိုင်းရောင်းကြတော့ အရောင်းအ၀ယ်ဖြစ်ဖို့ဆိုတာ အရင်လောက်မလွယ်တော့ဘူး။ ရင်းနှီးမြှုပ်နှံမယ့်
သူတွေကလည်း လိုသလောက်မစိုက်ထုတ်နိုင်တော့ဘူး” ဟု ဦးခင်မောင်အေးက ပြောသည်။

Credit: The Myanmar Times