နိုင်ငံခြားသားများအား အိမ်ငှားသူများကို လာမည့်ဘဏ္ဍာနှစ်မှစ၍ အခွန်ကောက်တော့မည်ဟု ဆို

နိုင်ငံခြားသားများအား အိမ်ငှားသူများကို လာမည့် ဘဏ္ဍာနှစ်မှစ၍ သီးသန့်စနစ်ဖြင့် အခွန်ကောက်ခံတော့မည် ဖြစ်ကြောင်း သတင်းရရှိသည်။

အခွန်ဌာနတွင် အိမ်ငှားခနှင့် ပတ်သက်၍ အခွန်ငွေရရှိမှုနည်း ပါးသောကြောင့် လာမည့်ဘဏ္ဍာ နှစ်၌ အားစိုက်လုပ်ဆောင်ရန် ယခုကဲ့သို့ သတ်မှတ်ရခြင်း ဖြစ်သည်ဟု ရန်ကုန်တိုင်းဒေသကြီး အခွန်ညွှန်ကြားရေးမှူး ဦးကျော်သန့်လွင်က ပြောသည်။ ထိုသို့ လုပ်ဆောင်ရာတွင် လွန်ခဲ့သော သုံးနှစ်အတွင်း ငှားရမ်းမှုအတွက်ပါ ပြန်လည်စည်းကြပ်သွားမည်ဟု ၎င်းက ဆိုသည်။

‘‘နိုင်ငံခြားသားတင်မကဘူး။ပြည်တွင်းကပါ အိမ်ငှားခ အခွန် ဆောင်တာ ထိထိရောက်ရောက် အခွန်ငွေတွေရတာမရှိသေးဘူး။ ထိထိရောက်ရောက်ရအောင် ဆောင်ရွက်တာ’’ဟု ၎င်းက ဆိုသည်။

နိုင်ငံရေးပြောင်းလဲမှုအရ နိုင်ငံခြားသားများသည် မြန်မာနိုင်ငံအတွင်း အများအပြားဝင်ရောက်လာသဖြင့် ၎င်းတို့ကို အိမ်ငှားရမ်းခပမာဏသည်လည်း များလာနိုင်၍ အခွန်အခများ ထိထိ ရောက်ရောက်ကောက်ခံရန် လို နေပြီဖြစ်ကြောင်း ရန်ကုန်တိုင်း အခွန်ဦးစီးဌာန လက်ထောက်ညွှန်ကြားရေးမှူး ဦးမျိုးမင်းဇော်က ပြောသည်။

လာမည့်ဘဏ္ဍာနှစ်၌ အခွန် စည်းကြပ်ရာတွင် ၂၀၁၂-၁၃ ဘဏ္ဍာနှစ်အထိပါ ပြန်လည် ကောက်ခံမည်ဖြစ်ပြီး ယင်းထက် အချိန်ပိုမိုငှားရမ်းထားပါက အခွန်ဥပဒေပါအရ ပြည်ထောင်စုဝန် ကြီးဌာန၏ ခွင့်ပြုချက်ဖြင့် ကောက်ခံမည်ဖြစ်ကြောင်း ဦးကျော်သန့် လွင်က ပြောသည်။

နိုင်ငံခြားသားများကို အိမ် ငှားရမ်းပါက သက်ဆိုင်ရာမြို့နယ်လူဝင်မှုကြီးကြပ်ရေးဦးစီးဌာန၊ မြို့နယ်အုပ်ချုပ်ရေးဦးစီးဌာန တွင် နိုင်ငံကူးလက်မှတ်၊ ပြည်ဝင် ခွင့်လက်မှတ်၊ သက်ဆိုင်ရာကုမ္ပ ဏီမှ ခန့်အပ်လွှာနှင့် ထောက်ခံ ပေးမည့် ပုဂ္ဂိုလ်တစ်ဦးက အိမ်ငှား စာချုပ်ကို တင်ပြပေးရမည်ဖြစ် ကြောင်းနှင့် ရပ်ကွက်အတွင်း ဧည့်စာရင်းတိုင်ရုံဖြင့် နေထိုင်၍မရ ကြောင်း အိမ်ခြံမြေ၀န်ဆောင်မှု အသင်း ဒုဥက္ကဋ္ဌ ဦးသန်းဦးက ပြောသည်။

‘‘အိမ်ငှားစာချုပ်ကို ရပ်ကွက်ရုံးတင်ပြတယ်။ ရပ်ကွက်ရုံးက မြို့နယ်ရောက်မယ်။ လ၀ကရောက် မယ်။ အခွန်ဌာနရောက်မယ်။ ဒါ ဆိုအခွန်ကောက်လို့ရပြီ။ အခွန် ကောက်လို့မရဘူးဆိုတာ သေချာမလုပ်လို့ပါ’’ဟု ၎င်းက ဆက်လက်ပြောသည်။

Credit: 7 day daily