မန္တလေးတွင် နိုင်ငံခြား ရင်းနှီးမြှုပ်နှံမှုဖြင့် ဟိုတယ်အလုံး ၂၀ ကျော် ထပ်မံခွင့်ပြုမည်

မန္တလေးတိုင်းဒေသကြီး အတွင်း နိုင်ငံခြား ရင်းနှီးမြှုပ်နှံမှု ဖြင့် ဟိုတယ်အလုံးနှစ်ဆယ်ကျော် ထပ်မံခွင့်ပြုရန်ရှိကြောင်း ဟိုတယ် နှင့် ခရီးသွားလာရေးဝန်ကြီးဌာနမှသတင်းရရှိသည်။

ဒီဇင်ဘာအတွင်း တစ်နိုင်ငံ လုံးတွင် နိုင်ငံခြား ရင်းနှီးမြှုပ်နှံမှု ဟိုတယ်ပေါင်း ၃၂ လုံးကို ခွင့်ပြု ခဲ့ပြီးဖြစ်သည်။

‘‘ကျွန်တော်တို့ကအမြဲတမ်းဖိတ်ခေါ်ထားတာပါ။အခုမန္တလေးဘက်မှာ နိုင်ငံခြားရင်းနှီးမြှုပ်နှံမှု အနေနဲ့ဆောက်ဖို့ တင်ပြထားတာ ပါ။ ဒီလိုခွင့်ပြုပေမယ့် စည်းကမ်း နဲ့မညီတဲ့ ဟိုတယ်တွေကို ခွင့်ပြု မှာမဟုတ်ဘူး။ စည်းကမ်းနဲ့မညီ ဘူးလို့ ဒေသဆိုင်ရာအစိုးရက တင်ပြလာရင်လည်း ခွင့်ပြုမှာ မဟုတ်ဘူး’’ဟု ဟိုတယ်နှင့် ခရီး သွားလာရေးဝန်ကြီးဌာန ဒုတိယ ဝန်ကြီး ဦးစိုင်းကျော်အုန်းက ပြောကြားသည်။

ဟိုတယ်တည်ဆောက်ရန်ယဉ်ကျေးမှုဝန်ကြီးဌာန၊တိုင်း ဒေသကြီး၊ ပြည်နယ်အစိုးရတို့ ထောက်ခံချက်ပေးပါက ခွင့်ပြု ဖြစ်ကြောင်း ၎င်းက ပြောသည်။

ဒီဇင်ဘာအတွင်း ခွင့်ပြုခဲ့ သော ဟိုတယ်များတွင် ရန်ကုန်၌ အခန်းပေါင်း သုံးထောင်ကျော် ပါဝင်မည့် ဟိုတယ်အလုံး ၂၀၊ မန္တလေးတွင် အခန်း ၇၀၀ ခန့်ဖြင့် ဟိုတယ်လေးလုံး၊ ပုဂံတွင် အခန်းတစ်ရာကျော်ပါသည့်ဟိုတယ်တစ်လုံး၊ ကော့သောင်းတွင် နှစ်လုံး၊ တာချီလိတ်တွင်သုံးလုံးနှင့် မြိတ်မြို့တွင် တစ်လုံးတို့ဖြစ်သည်။

‘‘ပုဂံ၊ ညောင်ဦးဘက်မှာဟိုတယ်ကအများကြီးလိုသေးတယ်။ နိုင်ငံခြားသားတွေက အခုမှ နှစ်သိန်းလောက်ပဲ လာသေးတာ။ နောက်ထပ်ငါးသိန်းတို့၊ နှစ်သန်းတို့ဖြစ်လာရင်ဘယ်လိုလုပ်မတုံး။အခုကဒီဘက်မှာကဟိုတယ်အမည်ခံထားပြီး တည်းခို ခန်းသာသာပဲရှိတာတွေရှိတယ်’’ ဟု ပုဂံဟိုတယ်လုပ်ငန်းရှင်များအသင်းအတွင်းရေးမှူးဦးဇော်ဝိတ်က ပြောကြားသည်။

လက်ရှိပုဂံတွင်ရှိသည့်ဟိုတယ်အခန်းပေါင်း၂,၅၀၀ ကျော်မှာ အဆင့်မီဟိုတယ်တစ်ခုစာသာရှိပြီးဟိုတယ်အရေအတွက်အများအပြား ဆောက်လုပ်ခြင်းထက်အခန်းအများအပြားပါသည့်ဟိုတယ်များ ဆောက်လုပ်သင့်ကြောင်း ၎င်းက ပြောကြားသည်။

ရန်ကုန်တွင် လိုင်စင်ရ ဟိုတယ် ၂၇၉ လုံး၊ မန္တလေးတွင် ၃၂၉ လုံး၊ ရှမ်းပြည်နယ်တွင် အလုံး ၂၀၀ ရှိပြီး တစ်နိုင်ငံလုံး တွင် ၂၀၁၄ အောက်တိုဘာအထိ ဟိုတယ်ပေါင်း ၁,၀၇၆ လုံးအထိရှိသည်။

ဟိုတယ်နှင့် ခရီးသွားလာရေး ဝန်ကြီးဌာနမှ စာရင်းအရ ၂၀၁၃ အတွင်း နိုင်ငံခြားခရီးသွား နှစ်သန်းကျော် ဝင်ရောက်ခဲ့ပြီး ယခုနှစ်တွင် သုံးသန်းခန့် ဝင် ရောက်ရန် ခန့်မှန်းထားသည်။

Credit : 7Day Daily