မန္တလေးတိုင်း မြို့နယ် ၂၄ မြို့နယ်တွင် တာဝန်ထမ်း ဆောင်နေသော အစိုးရဝန်ထမ်း များအနေဖြင့် လာမည့် ၂၀၁၅ ဖေဖော်ဝါရီမှစ၍ ဝန်ထမ်းအိမ်ရာများလျှောက်ထားနိုင်ကြောင်း သတင်းရရှိသည်။
တိုင်းဒေသကြီးအတွင်းရှိ မန္တလေးမြို့မှအပ ကျန်မြို့နယ် ၂၄ မြို့နယ်တွင် အစိုးရဝန်ထမ်း အဖြစ်တာဝန်ထမ်းဆောင်နေပြီး အိမ်ခန်းမရရှိသေးသူဝန်ထမ်းများ အနေဖြင့် သက်ဆိုင်ရာဌာနတာ ဝန်ရှိသူ၏ ထောက်ခံချက်နှင့် အတူ မြို့နယ်အင်ဂျင်နီယာရုံးများ တွင် လျှောက်ထားနိုင်ပြီဖြစ် ကြောင်း မန္တလေးတိုင်းဒေသကြီး မြို့ရွာနှင့် အိုးအိမ်ဖွံ့ဖြိုးမှုဦးစီး ဌာန ဦးစီးမှူးဦးကျော်ကျော်လင်း ကပြောသည်။
‘‘မြို့နယ်အင်ဂျင်နီယာရုံး တွေကတစ်ဆင့် တိုင်းရုံးကိုတင် ပြပြီး အခန်းတွေချပေးမယ်။ အခန်းခအနေနဲ့ကတော့ လစာရဲ့ ၅ ရာခိုင်နှုန်း(သို့မဟုတ်) ၁၀ ရာခိုင်နှုန်းဖြစ်သွားလိမ့်မယ်’’ဟု ဦးကျော်ကျော်လင်းကပြောသည်။
အိမ်ထောင်မရှိသေးသည့် အစိုးရဝန်ထမ်းများထက် အိမ် ထောင်ရှိပြီးမိသားစုဦးရေများ ပြားသည့် အစိုးရဝန်ထမ်းများကိုပိုမိုဦးစားပေးကာ အခန်းများချ ထားပေးမည်ဖြစ်၍ အစိုးရတာ ဝန်ထမ်းဆောင်ခဲ့သည့်လုပ်သက် နှင့် ချိန်ဆပြီး အခန်းများချထား ပေးသွားမည်ဖြစ်ကြောင်း ၎င်းက ပြောသည်။
တိုင်းဒေသကြီးအတွင်းရှိ မြို့နယ်များတွင် တာဝန်ထမ်း ဆောင်နေရသည့် အစိုးရဌာန တာဝန်ရှိသူများအနက် အချို့မှာ သက်ဆိုင်ရာဌာနမှနေရာချပေး ထားသည့်အိမ်ခန်းချားရှိနေသော် လည်း အချို့ဌာနများမှာမူ နေ စရာအိမ်ခန်းမပေးနိုင်၍ ပြင်ပ တွင်ငှားရမ်းနေထိုင်နေကြရသည်။ တိုင်းဒေသကြီးမြို့ရွာနှင့် အိုးအိမ် ဖွံ့ဖြိုးမှုဦးစီးဌာနအနေဖြင့် ယခု ကဲ့သို့ စုပေါင်းဝန်ထမ်းအိမ်ရာများ ကို မန္တလေးမြို့ပေါ်တွင်သာတည် ဆောက်ပေးခဲ့ရာ ယခုအခါအခန်း ပေါင်း၆၀၀ ကျော်ပါဝင်သည့် ဝန်ထမ်းအိမ်ရာ ၄၈ လုံးကို မြို့နယ် ၂၄ မြို့နယ်တွင် စတင် တည်ဆောက်ခြင်းဖြစ်ကြောင်း တိုင်းဒေသကြီးမြို့ရွာနှင့် အိုးအိမ်ဖွံ့ဖြိုးမှုဦးစီးဌာနမှ စုံစမ်းသိရှိရ သည်။
အစိုးရဝန်ထမ်းအဖြစ် တာ ဝန်ထမ်းဆောင်နေသူများထဲတွင် စည်ပင်ဝန်ထမ်းမှာ အရေအတွက် အများဆုံးဖြစ်ပြီး ပညာရေးဝန် ထမ်းနှင့် ကျန်းမာရေးဝန်ထမ်းများ မှာ ဒုတိယနှင့် တတိယအများဆုံး ဖြစ်သည်။
Credit: 7 day daily
