ထားဝယ်မြို့ပြစီမံကိန်း မြေနေရာအတွက် မြေသိမ်းခံသူများအား နစ်နာကြေးပေးမည်ဟု ကန်ထရိုက်များ ကမ်းလှမ်း

ထားဝယ်- ထားဝယ်မြို့ပြစီမံကိန်း ဧရိယာအတွင်း အဆောက်အအုံ ဆောက်လုပ်မည့် မြေနေရာများ အတွက် နစ်နာကြေး ပေးမည်ဟု ကန်ထရိုက် လုပ်ငန်းရှင်များက ကမ်းလှမ်းကြောင်း လယ်သမား များထံမှ သိရသည်။

ထားဝယ်မြို့ပြ စီမံကိန်းအ ဖြစ် ဆန်းချီရပ်ကွက်အနီး အိမ် နောက်ကွင်း လယ်မြေဧက ၃၀၀ ၌ အကောင်အထည်ဖော်လျက်ရှိရာ အုပ်ချုပ်ရေးဆိုင်ရာ တာဝန်ရှိသူများနှင့် သိမ်းဆည်းခံ လယ်သမားများအကြား မြေယာလျော်ကြေးများနှင့် ပတ်သက်၍ မပြေလည်မှုများ ရှိနေသည်။

စီမံကိန်းများ အကောင်အ ထည်ဖော်ရာတွင် လယ်သမား များက ကန့်ကွက်နေသဖြင့် သိမ်းဆည်းခံ လယ်မြေများ၌ အဆောက်အအုံဆောက်လုပ်ရန် ကန်ထရိုက်အောင်မြင်ထားသော လုပ်ငန်းရှင်များက လယ်သမား များအား တည်ဆောက်မည့် ဧရိ ယာအပေါ် မူတည်၍နစ်နာကြေး ပေးအပ်ရန် ကမ်းလှမ်းမှုများ ရှိနေကြောင်း သတင်းရရှိသည်။

‘‘သူတို့အဆောက်အအုံ ဆောက်မယ့် နေရာအတွက် ကျွန်မကို နစ်နာကြေးပေးမယ် ပြောတယ်။ ဒါပေမဲ့ ကျွန်မအနေ နဲ့ ဒီမြေယာပြဿနာတွေဟာ အာ ဏာပိုင်တွေနဲ့ လယ်သမားတွေနဲ့ ပဲ သက်ဆိုင်တယ်ထင်တယ်။ သူတို့ပေးတဲ့ နစ်နာကြေးတွေကို လက်ခံလိုက်ရင် တိုင်းဒေသကြီး အစိုးရအဖွဲ့က ပြောစရာတွေ ဖြစ် လာမှာကိုလည်း မလိုချင်ဘူး။ နောက်ပြီး ဧကအများကြီး အသိမ်းခံထားရပြီး ဒီတစ်ကွက်အတွက်မှ ပေးတာလည်း မလိုချင်ဘူး။ ဒါ ကြောင့် လက်မခံဖြစ်ဘူး’’ဟု နစ် နာကြေးပေးရန် ကမ်းလှမ်းခံရသူ ဒေါ်မူမူစန်းက ပြောသည်။ ၎င်းတို့ မိသားစုအနေဖြင့် အဆိုပါ ဧရိယာအတွင်း ယခင်က လယ်မြေ ၂၃ ဧကရှိခဲ့ပြီး စီမံကိန်း အ ဆောက်အအုံများ တည်ဆောက် ခဲ့ခြင်းကြောင့် ယခုအခါ လယ်မြေလေးဧကခန့်သာ ကျန်တော့သည်ဟုဆိုသည်။

ကန်ထရိုက်လုပ်ငန်းရှင်က အဆိုပါ လယ်မြေများကို တစ် ဧကလျှင် ကျပ်သိန်းတစ်ရာနှုန်းဖြင့် ၎င်းတို့ အသုံးပြုမည့် မြေနေရာ ဧရိယာအတိုင်း နစ်နာကြေးပေး သွားမည်ဟု ကမ်းလှမ်းခဲ့ခြင်းဖြစ် ကြောင်း တောင်သူလယ်သမား များ သမဂ္ဂ(ထားဝယ်ခရိုင်) တာ ၀န်ရှိသူတစ်ဦးက ပြောသည်။

အဆောက်အအုံ တည် ဆောက်မည့်နေရာကို ဒီဇင်ဘာ ၁၆ ရက်က ကန်ထရိုက်လုပ်ငန်း ရှင်နှင့် အလုပ်သမားများ လာရောက်သတ်မှတ်ခဲ့ရာ လျော်ကြေးမယူသေးသော တောင်သူများက ကန့်ကွက်ခဲ့ကြောင်း သတင်းရရှိသည်။

လက်ရှိအချိန်တွင် ဒေသခံ များနှင့် အာဏာပိုင်များအကြား မြေယာကိစ္စများနှင့် ပတ်သက်၍ ပြေလည်မှု မရသေးသဖြင့် စီမံ ကိန်းများ ဆောင်ရွက်ရာတွင် ကြန့်ကြာနေပြီး ကန်ထရိုက် လုပ်ငန်း ရှင်များအနေဖြင့် ၎င်းတို့၏ လုပ် ငန်းများ သတ်မှတ်ချိန်အတွင်း ပြီးစီးစေရန် ဒေသခံများနှင့် ညှိ နှိုင်းနေရကြောင်း ကန်ထရိုက် လုပ်ငန်းရှင်တစ်ဦးက ပြောသည်။

မြို့ပြစီမံကိန်း ဧရိယာအတွင်း သိမ်းဆည်းခံလယ်မြေများ အတွက် သက်ဆိုင်ရာတာဝန်ရှိသူ များက လယ်သမားများအား လယ်မြေ သုံးဧကလျှင် ပေ ၄၀-၆၀တစ်ကွက် ပြန်လည်ပေးအပ်ရာ အဆိုပါ လျော်ကြေးကို လက်ခံ ခြင်း မရှိသေးဘဲ တစ်ဧကလျှင် တစ်ကွက်နှုန်း ပေးအပ်ရန် တောင်းဆိုနေကြောင်း သိရသည်။

စီမံကိန်း နယ်မြေအတွက် နစ်နာကြေး ပေးအပ်ရာတွင် တောင်သူ ၅၀ ကျော်က လက်ခံ ထားပြီး ၁၁ ဦးသာ လက်မခံသေး ကြောင်း အုပ်ချုပ်ရေးဆိုင်ရာ တာ ၀န်ရှိသူများက ပြောကြားထား သည်။ အဆိုပါ လျော်ကြေး လက်ခံထားသူ အများစုမှာ ယင်းလယ် မြေများကို လွှဲပြောင်းထားပြီးသူများနှင့် လယ်မြေများအတွင်း လက်ရှိလုပ်ကိုင်နေပြီး လျော်ကြေးလက်မခံသေးသော တောင်သူ ၂၀ ဦးကျော် ကျန်ရှိသေးကြောင်း လယ်သမားများက ဆိုသည်။

မြို့ပြစီမံကိန်း ဧရိယာအ တွင်း တိုင်းဒေသကြီး အစိုးရအဖွဲ့ ၀န်ကြီးအိမ်ရာများ၊ အစိုးရဌာန များနှင့် ပုဂ္ဂလိကဆေးရုံအပါအ ၀င် အခြားအခြေခံအဆောက် အအုံများ တည်ဆောက်ထားပြီး ၀န်ထမ်းအိမ်ရာများ တည်ဆောက် သွားမည် ဖြစ်သည်။

Credit: 7 day daily