သီလ၀ါစီးပွားရေးဇုန် ပထမအဆင့်တွင် နိုင်ငံကိုးခုမှ ကုမ္ပဏီ ၂၈ ခု နေရာချထားပေးပြီး ဒီဇင်ဘာတွင် ကုမ္ပဏီအချို့မှ တည်ဆောက်ရေးလုပ်ငန်းများ စတင်မည်

သီလဝါအထူးစီးပွားရေးဇုန် ပထမအဆင့် မြေဧရိယာအတွင်း နိုင်ငံကိုးနိုင်ငံမှ ကုမ္ပဏီ ၂၈ ခုအထိ နေရာချထားပေးပြီး ဒီဇင်ဘာလအတွင်း ကုမ္ပဏီအချို့မှ တည်ဆောက်ရေးလုပ်ငန်းများ စတင်ဆောင်ရွက်သွားမည်ဖြစ်ကြောင်း သိရသည်။

သီလဝါအထူးစီးပွားရေးဇုန် စီမံကိန်းတွင်း ရင်းနှီးတည်ဆောက်မှုများနှင့် ပတ်သက်၍ လာဘ်ပေးလာဘ်ယူမှုမျိုးနှင့်မျှ ပါဝင်ပတ်သက်ခြင်း ပြုမည်မဟုတ်ကြောင်း ကတိပြုဝန်ခံချက်အား သီလဝါအထူးစီးပွားရေးဇုန် စီမံခန့်ခွဲမှုကော်မတီနှင့် မြန်မာ-ဂျပန် သီလဝါဒီဗလော့မန့် လီမိတက်တို့သည် ၂ဝ၁၄ ခုနှစ် နိုဝင်ဘာ ၁၂ ရက်က လက်မှတ်ရေးထိုးခဲ့ပြီး ရင်းနှီးမြှုပ်နှံသည့် ကုမ္ပဏီများအနေဖြင့် မည်သည့်လာဘ်ပေးလာဘတ်ယူမူများတွင် ပါဝင်ပတ်သက်ခြင်း ပြုမည်မဟုတ်ကြောင်း ကတိပြုရန်အတွက် မြန်မာ-ဂျပန် သီလဝါဒီဗလော့မန့်မှ ဆောင်ရွက်သွားမည်ဖြစ်ကြောင်း သိရသည်။

ထို့ပြင် သီလဝါအထူးစီးပွားရေးဇုန်တွင် ရင်းနှီးမြှုပ်နှံသူများ ယုံကြည်စိတ်ချမှုရှိစေရန်အတွက် လာဘ်ပေးလာဘ်ယူမှုနှင့် အဂတိလိုက်စားမှုကင်းစင်သော အထူးစီးပွားရေးဇုန်တစ်ခုဖြစ်ရန် ဆောင်ရွက်သွားမည်ဖြစ်ကြောင်း သိရသည်။

သီလဝါအထူးစီးပွားရေးဇုန်တွင် ဟတ်တာ ၄ဝဝ ရှိသည့် အပိုင်း(က) စီမံကိန်းတွင် ၁၈၉ ဟတ်တာအား ပထမအဆင့်အနေဖြင့် အကောင်အထည်ဖော်ခဲ့ခြင်းဖြစ်ပြီး အဆိုပါစီမံကိန်း၏ တည်ဆောက်ရေးလုပ်ငန်းများမှာ လက်ရှိအချိန်တွင် ၄၄ ရာခိုင်နှုန်း ပြီးစီးနေပြီဖြစ်ကြောင်း သိရသည်။

သီလဝါအထူးစီးပွားရေးဇုန်ကို ရင်းနှီးတည်ဆောက်ရန် မြန်မာနှင့်ဂျပန်အစိုးရတို့ ပူးပေါင်းဆောင်ရွက်ရေး စာချွန်လွှာအရ Myanmar Thilawa SEZ Holdings Public Limited၊ ဂျပန်ကုမ္ပဏီများဖြစ်သည့် Mitsubishi Corporation၊ Marubemi Corporation နှင့် Sumitomo Corporation တို့အကြား ၂ဝ၁၃ ခုနှစ် မေ ၂၅ ရက်တွင် နားလည်မှုမှတ်တမ်းလွှာကို လက်မှတ်ရေးထိုးခဲ့ကြကြောင်း၊ အဆိုပါ နားလည်မှုစာချွန်လွှာအရ သီလဝါအထူးစီးပွားရေးဇုန်၏ ဟတ်တာ ၄ဝဝ ခန့်ကျယ်ဝန်းသည့် စီမံကိန်းအပိုင်း(က)ကို ရင်းနှီးတည်ဆောက်ခြင်း၊ စီမံခန့်ခွဲခြင်း၊ ဈေးကွက်တင်ရောင်းချခြင်းနှင့် စီမံကိန်းအပိုင်း (က)အပြင် သီလဝါအထူးစီးပွားရေးဇုန်အတွင်း မည်သည့်နေရာတွင်မဆို လုပ်ကိုင်ဆောင်ရွက်ရန် Myanmar Thilawa SEZ Holdings Public Limited၊ Thilawa SEZ Management Committee နှင့် Mitsubishi Corporation၊ Marubemi Corporation နှင့် Sumitomo Thilawa Development L.td တို့သည် ၂ဝ၁၃ ခုနှစ် အောက်တိုဘာ ၂၉ ရက်တွင် JV လက်မှတ်ရေးထိုးခဲ့ကြောင်း၊ အဆိုပါ JV အရ ဖွဲ့စည်းခဲ့သည့် Myanmar Japan Thilawa Development Ltd တွင် Myanmar Consortium ဘက်တွင် မြန်မာအစိုးရမှ ၁ဝ ရာခိုင်နှုန်း အပါအဝင် ၅၁ ရာခိုင်နှုန်းနှင့် ဂျပန် Consortium ဘက်တွင် ဂျပန်အစိုးရမှ ၁ဝ ရာခိုင်နှုန်းအပါအဝင် ၄၉ ရာခိုင်နှုန်း အစုရှယ်ယာ ထည့်ဝင်ထားကြောင်း သိရသည်။

Credit: eleven media group