ရန်ကုန်မြို့တော်၏ အိမ်ရာ လိုအပ်ချက်ကို ဖြေရှင်းနိုင်ရန် အတွက် ရန်ကုန် နယ်နိမိတ်အတွင်း တန်ဖိုးမျှတ အိမ်ရာများ စဉ်ဆက်မပြတ် ဆောက်လုပ်ပေးလျက် ရှိရာ ရွှေပြ့ည်သာ မြို့နယ်အတွင်း၌လည်း တန်ဖိုးမျှတ အိမ်ရာ စီမံကိန်းများကို ဆက်လက် တည်ဆောက်သွားမည် ဖြစ်ကာ တိုက်ခန်း တစ်ခန်းလျှင် ကျပ်သိန်း ၁၀၀ ဝန်းကျင်ဖြင့် ရောင်းချနိုင်ရန် လုပ်ဆောင်သွားမည် ဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီ တွဲဖက်အထွေထွေ အတွင်းရေးမှူး ဦးညီညီက The Trade Times ကို ပြောသည်။ "ရရှိတဲ့ ဘတ်ဂျက်ပေါ် မူတည်ပြီး ရွှေပြည်သာမြို့နယ်ထဲမှာ ဆက်ဆောက်ဖို့ ရှိတယ်။ မှန်းထားတာကတော့ တစ်ခန်းကို သိန်း ၁၁၀၊ သိန်း ၁၂၀ လောက်ပေါ့" ဟု ၎င်းက ဆက်လက်ပြောသည်။
၎င်းစီမံကိန်းသစ်ကို ရွှေပြည်သာမြို့နယ် စက်မှုလမ်းမကြီးပေါ်တွင် ရှစ်ခန်းတွဲ ခြောက်ထပ်တိုက်များအဖြစ် တည်ဆောက်သွားမည် ဖြစ်သည့်အတွက် လုပ်ငန်းများ စတင် လုပ်ကိုင်နိုင်ရန် ပြင်ဆင်နေသည့်အပြင် ဘဏ္ဍာငွေနှင့် မြေအကျယ်အဝန်းပေါ် မူတည်၍ စီမံကိန်းလုပ်ငန်းများ လုပ်ကိုင်သွားမည် ဖြစ်သည်။ ရန်ကုန်မြို့တော် စည်ပင်သာယာရေး ကော်မတီ အနေဖြင့် ဆောက်လုပ်ရေး ကုမ္ပဏီများနှင့် အကျိုးတူ ပူးပေါင်းကာ ဒဂုံမြို့သစ် မြောက်ပိုင်း မြို့နယ်ရှိ ဗိုလ်မှူးဗထူးလမ်းမကြီးပေါ်တွင် ဗိုလ်ဗထူး တန်ဖိုးမျှတ အိမ်ရာစီမံကိန်း ဆောက်လုပ်နေသကဲ့သို့ မြောက်ဒဂုံ စက်မှုဇုန်အနီး ဦးဝိစာရလမ်းမကြီးပေါ်တွင် ဗိုလ်မင်းရောင် တန်ဖိုးမျှတ အိမ်ရာစီမံကိန်း တည်ဆောက်ကာ အများပြည်သူသို့ ရောင်းချပေးခဲ့သော်လည်း တိုက်ခန်းတန်ဖိုးများ မြင့်မားနေခြင်းကြောင့် အများပြည်သူကြား ဝေဖန်မှုများ ဖြစ်ပေါ်လျက် ရှိနေသည်။
အိမ်ခြံမြေ ကျွမ်းကျင်သူများ၏ ခန့်မှန်းချက်များနှင့် ဌာနဆိုင်ရာ အသီးသီးမှ ပြုလုပ်ထားသည့် စစ်တမ်းများအရ ရန်ကုန်မြို့တော်တွင် နှစ်စဉ် တိုက်ခန်းအိမ်ရာ လိုအပ်ချက် ၉၀၀၀၀ နီးပါးခန့် ရှိနေပြီး ဈေးကွက် လိုအပ်ချက်ကို ပြည့်မီအောင် ဆောက်လုပ်နိုင်ခြင်း မရှိသဖြင့် ရှိရင်းစွဲ အိမ်ခြံမြေ တိုက်ခန်းများ ဈေးနှုန်းမြင့်တက်လာသည့် အပြင် အိမ်ခန်း ငှားရမ်းခနှုန်းထားများပါ မြင့်တက်လာသည့်အတွက် ယင်းပြဿနာများကို ဖြေရှင်းနိုင်ရန် ရန်ကုန်တိ်ုင်းဒေသကြီး အစိုးရအဖွဲ့နှင့် ဌာနဆိုင်ရာတို့ ပူးပေါင်းကာ တန်ဖိုးမျှတ အိမ်ရာစီမံကိန်းများ တည်ဆောက်ကာ အများပြည်သူသို့ ရောင်းချပေးနေသော်လည်း တိုက်ခန်းဈေးနှုန်းများမှာ မြင့်မားနေဆဲ ဖြစ်သည်။ "တန်ဖိုးနည်း အိမ်ရာစီမံကိန်းတွေကိုလည်း ဆက်ပြီး လုပ်သွားဖို့ ရှိပါတယ်" ဟု မြို့ရွာနှင့် အိုးအိမ်ဖွံ့ဖြိုးရေး ဦးစီးဌာန ညွှန်ကြားရေမှူးချုပ် ဦးမင်းထိန်က ပြောသည်။
တန်ဖိုးမျှတ အိမ်ရာ စီမံကိန်းများ တည်ဆောက်ရန်အတွက် လိုအပ်သည့် မြေနေရာများ ရွေးချယ်သတ်မှတ်ရာတွင် နိုင်ငံတော်ပိုင် မြေများနှင့် ဌာနပိုင်မြေများပေါ်၌ ဆောက်လုပ်ရန် သတ်မှတ်ခဲ့ပြီး သက်ဆိုင်ရာ ဌာနအသီးသီးနှင့် တည်ဆောက်မည့် ဆောက်လုပ်ရေး ကုမ္ပဏီများကြား သဘောတူညီချက် ပုံစံအမျိုးမျိုးဖြင့် တည်ဆောက်ပေးနေသော်လည်း မြင့်တက်လျက်ရှိသည့် ဆောက်လုပ်ရေး လုပ်ငန်းသုံး ပစ္စည်းများ၏ ဈေးနှုန်းနှင့် လုပ်အားခ နှုန်းထားများကြောင့် တိုက်ခန်းတစ်ခန်းလျှင် ကျပ်သိန်း ၁၀၀ အောက် ရောင်းချနိုင်ရန်မှာ ဖြစ်နိုင်ချေ မရှိကြောင်း စီးပွားရေး ပညာရှင်များက ပြောသည်။ "အခု ဆောက်လုပ်ရေးဈေးနဲ့ ကုန်ကျစရိတ်တွေကြောင့် ကျပ်သိန်း ၁၀၀ အောက်ဆိုရင် တန်ဖိုးနည်း တိုက်ခန်းထက် တန်ဖိုးနည်းတဲပဲ ဖြစ်လိမ့်မယ်" ဟု စီးပွားရေး ပညာရှင် ဒေါက်တာ ခင်မောင်ညို (ဘောဂဗေဒ) က ပြောသည်။
စီးပွားရေး မြို့တော်ဖြစ်သည့် ရန်ကုန်မြို့တော် အနေဖြင့် ၂၀၀၈ ခုနှစ်တွင် အကျယ်အဝန်း ၅၉၈ ဒဿမ ၇၅ စတုရန်း ကီလိုမီတာ ရှိသော်လည်း သန်းခေါင်စာရင်း ကောက်ယူမှုမှ ရရှိသည့် စစ်တမ်းများအရ နေထိုင်သူ ၅ ဒဿမ ၅ သန်းခန့်အထိ ရှိလာနေသည့်အပြင် နယ်မြို့များမှ ရန်ကုန်မြို့တော်သို့ ပြောင်းရွှေ့အခြေချ နေထိုင်သူများ တဖြည်းဖြည်း များပြားလာနေသည့်အတွက် ရန်ကုန်မြို့တော်မှာ အခြားတိုင်းဒေသကြီးများရှိ မြို့ကြီးများနှင့်မတူဘဲ မြို့ပြ၌ နေထိုင်သူ ၇၂ ရာခိုင်နှုန်းနှင့် ကျေးလက်၌ နေထိုင်သူ ၂၈ ရာခိုင်နှုန်း ရှိကြောင်း ကျေးလက်ဒေသဖွံ့ဖြိုးရေး ဆွေးနွေးပွဲတွင် ရန်ကုန်တိုင်းဒေသကြီး အစိုးရအဖွဲ့မှ ဝန်ကြီးချုပ် ဦးမြင့်ဆွေက ပြောကြားသည်။
Credit: The Trade Times
