တန်ဖိုးနည်း တိုက်ခန်း များကို အရစ်ကျ ငှားဝယ်စနစ်ဖြင့် ရောင်းမည်

မြရည်နန္ဒာ တန်ဖိုးနည်း အိမ်ရာစီမံကိန်းရှိ တိုက်ခန်းများကို ကြိုပွိုင့်စနစ်ဖြင့် မဟုတ်ဘဲ အရစ်ကျငှားဝယ် စနစ်ဖြင့် ရောင်းချသွားမည်ဖြစ်ကြောင်း မန္တလေးမြို့တော် စည်ပင်သာယာရေးကော်မတီမှ အတွင်းရေးမှူး ဦးခင်မောင်တင်က ပြောသည်။

နိုဝင်ဘာ ၁၃ ရက်က မန္တလေးခရိုင် အတွင်းရှိကံကြီးကုန်း၊ ဇီးအုပ်ကျေးရွာ အုပ်စုတို့မှ မြေရောင်းမှား၊ ဝယ်မှားဖြစ် သူများကို ဘဏ်နှင့်ချိတ်ဆက်၍ အဆိုပါ စီမံကိန်းမှတိုက်ခန်းများ ရောင်းချပေးမည့် ပုံစံကို မန်းစည် ပင်ကော်မတီက ရှင်းလင်း ကြေညာခဲ့သည်။

အဆိုပါ ရောင်းချမှုစနစ်တွင် ကြိုပွိုင့် စနစ်မဟုတ်ဘဲ ငှားဝယ် Hire Purchase စနစ်ကို ငါးနှစ်အတွင်းဘဏ် အတိုးဖြင့် ၀ယ်ယူနိုင်မည်ဖြစ်ပြီး တိုက်ခန်းတန်ဖိုး ၃၀ ရာခိုင်နှုန်းကို ကနဦးပေးသွင်း၍ လပေါင်း ၆၀ အတွင်း ကျန်သည့်တိုက်ခန်းငွေ ပမာဏ၊ ဘဏ်အတိုး ရှစ်ရာခိုင်နှုန်း၊ ကော်မရှင်ခ တစ်ရာခိုင်နှုန်းတို့ကို ဆက်လက်ပေးသွင်းသွားရမည်ဟု ဆိုသည်။

တိုက်ခန်းများ ဝယ်ယူရာတွင် ချိတ်ဆက်ဆောင်ရွက်နိုင်မည့် ဘဏ်များမှာ မန္တလေးမြို့ရှိ ရတနာပုံဘဏ်နှင့် ရန်ကုန် အခြေစိုက် မြန်မာအရှေ့တိုင်းဘဏ်တို့ဖြစ် ပြီး ရတနာပုံဘဏ်နှင့် ချိတ်ဆက်ဝယ်ယူမည် ဆိုပါက ငါးနှစ်၊ မြန်မာအရှေ့တိုင်းဘဏ်နှင့် ဆိုပါက ငါးနှစ်မှ ရှစ်နှစ်အထိ အရစ်ကျ ငှားဝယ်စနစ်ဖြင့် ဝယ်ယူနိုင်မည်ဟု မန်းစည်ပင်ကော်မတီမှ ကော်မတီဝင် (၃) ဦးဟန်စိုးက ပြောသည်။

ထိုသို့ဘဏ်ဖြင့် ချိတ်ဆက်ဝယ်ယူရာတွင် ဘဏ်များက သတ်မှတ်ထားသည့် စည်းကမ်းချက်များကို သေချာ သိရှိ နားလည်ပြီးမှသာ စာချုပ်ရန်နှင့် ငွေမကျေသေးသည့်ကာလအတွင်း ဘဏ်က တိုက်ခန်းကို မီးအာမခံ ထားရှိရမည်ဟု သတ်မှတ်ထားကြောင်း မြန်မာ့ အရှေ့တိုင်းဘဏ်မှ တာဝန်ရှိသူတစ်ဦးက ရှင်းလင်းပြောဆို သည်။

“အတိုးနှုန်းက လအလိုက်ပဲ ထပ်ပေါင်းထားတာဖြစ်တဲ့အတွက် ငါးနှစ်မဟုတ်ဘဲ တစ်နှစ်အတွင်း အကျေ သွင်းချင်လည်း ရပါတယ်။ တိုက်ခန်းတွေ မဲနှိုက်တာလည်း ၀ယ်မယ့်သူတွေ ကိုယ်တိုင်နှိုက်ရမှာ ဖြစ်ပြီး မြေညီထပ်ကနေစပြီး အထပ်လိုက် မဲပုံးတွေထားရှိမှာ ဖြစ်ပါတယ်”ဟု ၎င်း ကော်မတီက ကော်မတီဝင် တစ်ဦးက ပြောသည်။

တက်ရောက်လာသူများအနက် ကံကြီးကုန်းရပ်ကွက်မှ ဦးမင်းမောင်က လက်ရှိ တိုက်ခန်းဝယ်ယူ လိုသူများ သည် မြေရောင်းမှား၊ ၀ယ်မှားဖြစ်ထားသူများဖြစ်သည့်အပြင် အခြေခံလူတန်းစားများ ဖြစ်သောကြောင့် ကနဦးပေးသွင်းငွေကို ၁၀ ရာခိုင် နှုန်းပေးသွင်းကာ ငှားဝယ်စနစ်ကို ဆယ်နှစ် အထိ တိုးပေးစေလိုသည်ဟု ၎င်းက ဆိုသည်။

မြရည်နန္ဒာ တန်ဖိုးနည်းအိမ်ရာစီမံကိန်းကို ယခုနှစ် ဒီဇင်ဘာတွင် တိုက်ခန်း ပေါင်း ၁,၃၀၀ ကျော်ရောင်းချ မည်ဖြစ်ပြီး ၎င်းအနက် ကံကြီးကုန်းနှင့် ဇီးအုပ်မှ ရောင်းမှား၊ ဝယ်မှားဖြစ်ခဲ့သူ သုံးရာနီးပါးကို ရောင်းချပေး မည်ဖြစ်သည်။

အဆိုပါ တိုက်ခန်းများကို လေးခန်းတွဲ လေးထပ်၊ ရှစ်ခန်းတွဲလေးထပ်တို့ တည်ဆောက်ထားပြီး မန်းစည်ပင် ကော်မတီက တန်ဖိုးအားဖြင့် မြေညီထပ်သိန်း ၁၃၀ သတ်မှတ်ထားပြီး အပေါ်ဆုံးထပ်ကို သိန်း ၆၀ သတ် မှတ်ထားသည်ဟု ဆိုသည်။

Credit : mizzima