စီးပွားရေးမြို့တော် ဖြစ်သည့်ရန်ကုန်မြို့တွင် နှစ်စဉ် အိမ်ရာလိုအပ်ချက်ရှိနေသည့်အတွက် နိုင်ငံတော် အစိုးရက တန်ဖိုးမျှတအိမ်ရာ စီမံကိန်းများ ဆောက်လုပ်ပေးသောနည်းလမ်းအသုံးပြုကာ ဖြေရှင်းပေး နေသော်လည်း လုံလောက်မှု မရှိသဖြင့် ယင်းအိမ်ရာစီမံကိန်းများ၏တည်ဆောက်မှု၊ မြေနေရာရှာဖွေမှုနှင့် ဈေးနှုန်းများကိုပါ ပြန်လည်ပြင်ဆင်သုံးသပ်ရန် လိုအပ်သည်ဟုလွှတ်တော်ကိုယ်စားလှယ်များနှင့် ပြည်တွင်း စီးပွားရေးလုပ်ငန်းရှင်များထံမှ သိရသည်။
”အခု သူတို့ တန်ဖိုးမျှတအိမ်ရာတွေ ဆောက်နေတယ် ဆိုတာကလည်း လက်ရှိ ရန်ကုန်အိမ်ရာ လိုအပ် ချက်ကို ဆင့်ပါးစပ် နှမ်းပက်သလိုဖြစ်နေတယ်။ မြို့ပြင်တွေမှာလည်းနေရာတွေအများကြီး ရှိနေတဲ့အပြင် အင်တိုက်အားတိုက် လုပ်ဖို့လည်းလိုတယ်။ ပြီးတော့ အခု ရောင်းနေတဲ့ဈေးနှုန်းတွေရဲ့ ထက်ဝက်လောက် အထိ ထပ်လျှော့ရောင်းနိုင်ဖို့ လိုတယ်”ဟု ဗဟန်းမြို့နယ် မဲဆန္ဒနယ်အမှတ် (၂) မှ တိုင်းဒေသကြီး လွှတ်တော် ကိုယ်စားလှယ် ဒေါက်တာညိုညိုသင်းက ပြောသည်။
ရန်ကုန်တိုင်းဒေသကြီးတွင်လူဦးရေ ခုနစ်သန်းနီးပါးခန့် နေထိုင်လျက်ရှိပြီး ထိုသို့ လူနေထူထပ်များ ပြားလာသော်လည်း ဈေးကွက်မှလိုအပ်သည့် အိမ်ခြံမြေ၊ တိုက်ခန်းများကို ဖြည့်ဆည်းပေးနိုင်ခြင်းမရှိသဖြင့် အိမ်ခြံမြေဈေးနှုန်းများ မြင့်တက်လာသည့်အပြင် ငှားရမ်းခနှုန်းထားများပါ လိုက်ပါ မြင့်တက်နေသည့်အတွက် အခြေခံ လူတန်းစားများနှင့် ဝင်ငွေနည်း ဝန်ထမ်းများမှာနေမှုအတွက် ဒုက္ခခံစားနေရသည့်အပြင် နေစရာရှားပါး သူများအနေဖြင့် ကျုးကျော်နေထိုင်သူများအဖြစ်အသွင်ပြောင်းတိုးပွားလာလျက်ရှိသည်။
”မြို့ပြင်မှာ မြေတွေအများကြီးရှိတယ်။ အဲဒီနေရာတွေမှာ တန်ဖိုးမျှတ အိမ်ရာတွေ များများဆောက် လိုက်မယ်၊ အိမ်ရာသစ်တွေဖော်ထုတ်လိုက်မယ်ဆိုရင် အိမ်ခြံမြေဈေးတွေလည်း အထိုက်အလျောက် လျော့ သွားမှာဖြစ်တယ်။ သွားရေးလာရေးကတော့ အဆင်ပြေအောင်လုပ်ထားပေးဖို့ လိုတယ်”ဟု ဂျပန်-မြန်မာ လူမှုစီးပွားဖွံ့ဖြိုးရေးအသင်း ဥက္ကဋ္ဌဒေါက်တာမြင့်ဆန်းက ပြောသည်။
တန်ဖိုးမျှတ အိမ်ရာ စီမံကိန်းများကို ရန်ကုန်မြို့တော်တွင် ရန်ကုန်မြို့တော်စည်ပင်သာယာရေး ကော် မတီနှင့် မြို့ရွာနှင့် အိုးအိမ်ဖွံ့ဖြိုးရေးဦးစီးဌာနတို့က ကုမ္ပဏီများနှင့် ပူးပေါင်း၍ သီးခြားအစီအစဉ်များဖြင့် တည်ဆောက်နေလျက်ရှိပြီး တိုင်းဒေသကြီး အစိုးရအဖွဲ့၏ အစီအစဉ်ဖြင့် ရောင်းနေကြောင်း သိရသည်။
”တန်ဖိုးမျှတ အိမ်ရာစီမံကိန်းတွေ အများကြီးဆောက်ဖို့ တင်ပြထားပါတယ်။ မြေနေရာသာ ပေး၊ ကျွန်တော်တို့က ဆောက်ပြီး တိုင်းဒေသကြီးအစိုးရရဲ့ အစီအစဉ်နဲ့ ရောင်းဖို့ အစီအစဉ်ဆွဲနေပါတယ်” ဟု မြန်မာနိုင်ငံ တောင်သူလယ်သမားအများပိုင်လီမိတက်မှ ဒုတိယဥက္ကဋ္ဌဦးသက်ဇော်က ပြောသည်။
တန်ဖိုးမျှတ အိမ်ရာ စီမံကိန်းများအတွက် မြေကို အစိုးရပိုင်မြေများပေါ်တွင် ကုမ္ပဏီများကဆောက်လုပ် သည့်စနစ်ဖြစ်သော်လည်း တိုက်ခန်းတန်ဖိုးမှာ အနည်းဆုံး သိန်း ၁၂ဝ မှသိန်း ၄ဝဝ ကျော်အထိ အရစ်ကျ ပေးချေရသဖြင့် အများပြည်သူ လက်လှမ်းမီနိုင်သည့် ဈေးနှုန်းတစ်ခုသတ်မှတ်ရောင်းချရန် လိုအပ်လျက် ရှိနေသည်။
”နောက်ထပ် လေး၊ ငါးနေရာလောက်ကိုလည်း မြေနေရာရှာနေပါတယ်။ တန်ဖိုးမျှတအိမ်ရာစီမံကိန်း တွေကိုလည်း ဆက်ပြီးဆောက်ဖို့ ရှိပါတယ်။ ရောင်းတဲ့အခန်းတန်ဖိုးတွေလျှော့ချနိုင်ဖို့လည်း နည်းပညာ ရှာ ဖွေနေပြီး တိုင်းဒေသကြီး အစိုးရအဖွဲ့ရဲ့ အစီအစဉ်နဲ့ ရောင်းချပေးနေပါတယ်”ဟု မြို့ရွာနှင့် အိုးအိမ်ဖွံ့ဖြိုး ရေး ဦးစီးဌာနမှ ညွှန်ကြားရေးမှူးချုပ်ဦးမင်းထိန်က ပြောသည်။
Credit : The Trade Times
