အထပ်မြင့် ကန်ထရိုက်တိုက်များ တည်ဆောက်ရန်အတွက် သတ်မှတ်စည်းကမ်းမျာနှင့်အညီ ငလျင် ဒဏ်ခံနိုင်ရန် ဆောက်လုပ်ပါကသာမန်ထက် ကုန်ကျစရိတ် နှစ်ဆနီးပါးခန့် ရှိသည့်အပြင် ဝယ်ယူသူများ အနေဖြင့်လည်း အဆောက်အအုံများကို သတ်မှတ် စံချိန်စံညွန်းများနှင့်အညီ ဆောက်လုပ်ထားခြင်း ရှိမရှိကို သိရှိနိုင်ရန် မလွယ်ကူကြောင်းဆောက်လုပ်ရေးကုမ္ပဏီများနှင့်အင်ဂျင်နီယာများက ပြောသည်။
”ဖောင်ဒေးရှင်းတစ်ခုတည်းတင်စည်ပင်က သတ်မှတ်ထားတဲ့အတိုင်းအရည်အသွေးမီ ဆောက်မယ် ဆိုရင်သာမန်ထက် ကုန်ကျစရိတ် နှစ်ဆလောက် ကုန်မှာဖြစ်တယ်။ တိုက်တစ်တိုက်ကို ဝယ်သူတွေက အရည် အသွေးမီ ဆောက်ထားတာ ဟုတ်မဟုတ်ဆိုတာလည်း သိဖို့ မလွယ်နိုင်ဘူး”ဟု မြန်မာဇာတိမြေ ဆောက် လုပ်ရေးမှ အင်ဂျင်နီယာ ဦးမေအောင်က ကန်ထရိုက်တိုက်များ၏ အရည်အသွေးနှင့် လုံခြုံစိတ်ချရမှု အခြေ အနေနှင့် ပတ်သက်၍ ပြောသည်။
ပုံမှန် လေးထပ်ခွဲတိုက်များအတွက် အောက်ခံဖောင်ဒေးရှင်းနှင့်တိုက်၏ အရည်အသွေးကို ငလျင်ဒဏ် ၆ ဒသမ ၅ ရစ်ခ်ျတာစကေးအထိ ခံနိုင်ရည်ရှိရန်နှင့် အထပ်မြင့်တိုက်များအတွက် ငလျင်ဒဏ် ၈ ဒသမ ၅ ရစ်ခ်ျတာစကေးအထိ ခံနိုင်ရည်ရှိရန် လိုအပ်သည့် သံချောင်း၊ ဘိလပ်မြေပမာဏ၊ ရောစပ်ရမည့်အချိုးအစား များကို ရန်ကုန်မြို့တော်စည်ပင်သာယာရေး ကော်မတီကအတိအကျ ပြဋ္ဌာန်းထားသည်ကိုလိုက်နာသည့် ဆောက်လုပ်ရေးကုမ္ပဏီများ၊ ကန်ထရိုက်တာများရှိသော်လည်း သတ်မှတ်စည်းကမ်းများအတိုင်း လိုက်နာတည် ဆောက်မှုမရှိသည့် ကုမ္ပဏီများလည်း ရှိနိုင်သည်ဟု ပြည်တွင်းဆောက်လုပ်ရေးလုပ်ငန်းရှင်များက ပြောသည်။
သြဂုတ်လ ၄ ရက် ညနေ ၃ နာရီ မိနစ် ၄ဝ တွင် ရန်ကုန်မြို့ ကမ္ဘာအေးမြေငလျင်စခန်း၏ တစ်မိုင်ကျော် အကွာကို ဗဟိုပြုကာ အင်အား ရစ်ခ်ျတာစကေး ၄ အဆင့်ရှိ ငလျင်တစ်ခုလှုပ်ခတ်သွားသည့်ဒဏ်ကို ရန်ကုန် မြို့ရှိ မြို့နယ်အားလုံး လိုလိုတွင် ခံစားခဲ့ရပြီး သင်္ဃန်းကျွန်းမြို့နယ်၌ တိုက်သစ်နှစ်လုံး အနည်းငယ်တိမ်းစောင်း မှုဖြစ်ပွားခဲ့သဖြင့် တိုက်ခန်းနေများကြား စိုးရိမ်ကြောင့်ကြမှုများ ဖြစ်ပွားနေသဖြင့် ဆောက်လုပ်ပြီး ဆောက်လုပ် ဆဲ ကန်ထရိုက်တိုက်များ၏အရည်အသွေးအပေါ် နေထိုင်သူများကြား မေးခွန်းထုတ်လျက်ရှိသည်။
”ဆောက်မယ့် မြေနေရာပေါ်မူတည်တယ်။ မြေတိုင်း မြေကြီးတူးပြီး ဖောင်ဒေးရှင်းချဆောက်လို့ မရပါ ဘူး။ မြေစမ်းသပ်မှုတွေ လုပ်ရမယ့်အပြင် မြေပျော့တဲ့ နေရာမှာဆို soil test တွေပါ လုပ်ရမယ်။ ဈေးချုပ်ချုပ် ရင်တော့ နည်းနည်း ငလျင်လှုပ်တာနဲ့ သိလာတာပဲ။ ဝယ်တဲ့ သူတွေက ဒီတိုက် ဘယ်လို ဆောက်ထားတယ် ဆိုတာ မသိနိုင်ဘူး”ဟု မြို့ပြအင်ဂျင်နီယာတစ်ဦးဖြစ်သူ ဦးဝေဖြိုးပိုင်က ပြောသည်။
ဖွံ့ဖြိုးပြီး နိုင်ငံတစ်ခုဖြစ်သည့်စင်ကာပူနိုင်ငံတွင် အဆောက်အအုံတစ်ခု ဆောက်လုပ်ရန်အတွက် ဦးစွာ မြေသားစမ်းသပ်ခြင်း၊ ပိုင်တိုင်ရိုက်ကာ ယင်းပိုင်များပေါ်တွင် အလေးတုံးများဖိ၍ အချိန်ကာလ သတ်မှတ်ပြီး နစ်ဝင်သွားမည့် ပိ်ုင်တိုင်၏ပမာဏကို တွက်ချက်ခြင်းတို့အပြင်အခင်းပြားများနှင့် ကွန်ကရစ် ရက်မတန်းများကြား ဘိလပ်မြေ၊ သံချောင်းတို့အပြင် သံမဏိကြိုးများပါ ထည့်သွင်း ဆောက်လုပ်ထားသည့်အတွက် ငလျင်ဒဏ် ခံနိုင်ရည် ရှိသည့်အပြင် အဆောက်အအုံ၏ သက်တမ်းကို ပိုမိုကြာရှည်စေသော်လည်းကုန်ကျစရိတ် ပိုမို များပြားသည်ဟုပြည်ပရောက် မြန်မာအင်ဂျင်နီယာများထံမှ သိရသည်။
”လေးထပ်လောက် ဆောက်မယ်ဆိုရင်ပဲ ပိုင်ရိုက်ရတယ်။ ပိုင်မရိုက်ဘူးဆိုရင်လည်း မြေတူးပြီးထည့်တဲ့ ဘိုးပိုင်စနစ်ကို သုံးတယ်။ မြေကြီးတူးပြီး ဖောင်ဒေးရှင်း အုတ်မြစ်စီတာကတော့ နှစ်ထပ်၊ သုံးထပ်က အများဆုံး ပဲ။ စစ်တဲ့လူတွေကလည်း သေသေချာချာစစ်ပြီး အရည်အသွေးမမီရင်လူနေခွင့် ချမပေးဘူး” ဟု စင်ကာပူ နိုင်ငံရှိ Sembcorp ဆောက်လုပ်ရေး ကုမ္ပဏီမှ အင်ဂျင်နီယာ ဦးလှမြင့်က ပြောသည်။
Credit : The Trade Times
