ပါမစ်မြေအကြောင်း ဥပဒေဗဟုသုတအနေဖြင့် ရေးသားဖော်ပြပေးလိုက်ပါသည်။

ပါမစ်မြေဆိုသည်မှာ လူနေထိုင်ရန်အတွက် မြို့ကွက်သစ်များ ဖော်ဆောင်သည့် မြေအမျိုးအစားများဖြစ်ပြီး ယခင်ကမြို့ပြနှင့် အိုးရာဖွံဖြိုးရေးဦးစီးဌာန ဒုတိယညွှန်ကြားရေးမှူးမှ စည်းတံဆိပ်ရိုက်နှိပ်၍ ထုတ်ပေးပါသည်။ ယခု နောက်ပိုင်းတွင် စည်ပင်သာယာရေးကော်မတီမှသာ မြေချပါမစ်များ ချထားပေးပါသည်။ ပါမစ်မြေမှာ (၁)လအတွင်း လူနေအိမ်ဆောက်လုပ်နေထိုင်ရမည်ဖြစ်ကာ မူလခွင့်ပြုချက် ချပေးထားသည့် မိသားစုသာ နေထိုင်ခွင့်ရှိပါသည်။

ပါမစ်မြေအမျိုးအစားမှာ လူနေထိုင်ရန်အတွက် ခွင့်ပြုမြေဖြစ်ပြီး မဝယ်ယူခင် မှတ်တမ်းဓာတ်ပုံများနှင့် လူနေထိုင်ခွင့်ပြုမိန့် ပါမစ်စာရွက်စာများအား မှန်မမှန် စည်ပင်သာယာရေးကော်မတီ၊ မြေယာစီမံခန့်ခွဲမှုဌာနတွင် စစ်ဆေးမှုပြုရပါမည်။ ပါမစ်မြေအား ဝယ်ယူသည့်အခါ မှတ်ပုံတင်စာချုပ်ချုပ်ဆိုနိုင်ခြင်းမရှိသလို အမွေဆက်ခံခွင့်လဲမရှိပါ။ ပါမစ်မြေမှာ အစိုးမှ စီမံခန့်ခွဲပိုင်ခွင့်ရှိပြီး အကျယ်အဝန်း (၄၀×၆၀) ပေချထားပေးပါသည်။

ပါမစ်မြေအား (၂၀×၆၀)ပေ ခွဲ၍ ဝယ်ယူလျှင်လဲ မြေကွက်အတွင်း နေထိုင်သူ (၂)ဦးပေါင်း၍ နှစ်ဦးနာမည်ဖြင့် မြေငှားဂရန် လျှောက်ထားမှုပြုရပါမည်။ မြေငှားဂရန် လျှောက်ထားရာတွင် မူလပါမစ်အမည်ပေါက်လဲ လိုအပ်ပြီး လျှောက်ထားသူ၏ မှတ်ပုံတင်၊ အိမ်ထောင်စုစာရင်း မူရင်း၊ အဆောက်အဦး ဓာတ်ပုံမှတ်တမ်း၊ ကြွေးကျန်ကင်းရှင်းကြောင်း မြေခွန်ပြေစာတို့လဲ လိုအပ်ပါသည်။ ကန့်ကွက်ရှိမရှိ ကွင်းဆင်းတိုင်းတာစစ်ဆေးခြင်း၊ သတင်းစာ ကြေငြာခြင်းတို့ ဆောင်ရွက်စေပြီး အရှုပ်အရှင်းကင်းရှင်းလျှင် ဌာနမှ ဂရန်ချထားပေးပါသည်။

ပါမစ်ပျောက်ဖြင့် ဂရန်လျှောက်ထားသည်များလဲရှိပြီး ကန့်ကွက်မရှိ၍ ဂရန်ထုတ် ပေးသည့်တိုင် ပါမစ်မူရင်း တင်ပြကန့်ကွက်လာသည့်အခါ ဂရန်မူရင်းအား ပယ်ဖျက်မည်ကိုသိရှိကြောင်း စာသားပါသည့် တံဆိပ်တုံးပေါ်တွင် လျှောက်ထားသူအား ဌာနမှ လက်မှတ်ရေးထိုးစေခြင်းလဲရှိကြောင်း ဥပဒေဗဟုသုတအနေဖြင့် ဖော်ပြပေးလိုက်ပါသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

iMyanmarHouse.com ၏ ဥပ​ဒေအကြံ​ပေး ပညာရှင်​အဖွဲ့ မှ အထူးရေးသားဖော်ပြသည်။

Credit: iMyanmarHouse.com