ရက်အတန်ကြာမရပ်အနားကခုန်ပြီး တားဆီးလို့မရနိုင် သေဆုံးသည်အထိဖြစ်ခဲ့ရသော ၁၅ ရာစုနှစ်က ထူးဆန်းအကရောဂါ The Dancing Plague

၁၅၁၈ ခုနှစ် ဇူလိုင်လအလယ်မှာ ပြင်သစ်နိုင်ငံ Strasbourg မြို့က Frau Troffea ဆိုတဲ့အမျိုးသမီးတစ်ယောက်ဟာ အကြောင်းအရင်းတစ်စုံတစ်ရာမရှိပဲ ရုတ်တရက်မရပ်မနားကခုန်နေခဲ့ပါတယ်။ မနားတမ်းကခုန်နေတဲ့ထိုအမျိုးသမီးကိုကြည့်နေရင်းတစ်ခြားသူများလည်း အဆိုပါကပွဲမှာ ပါဝင်လာခဲ့ပါတယ်။ Frau Troffea အတိုင်း သီချင်းမရှိသံစဉ်မရှိပါပဲ စည်းဝါးလွတ်ကခုန်နေကြတဲ့လူအုပ်ကြီးဟာ တစ်စတစ်စများပြားလာခဲ့ရာ လူပေါင်း ၄၀၀ ကျော်အထိပါဝင်လာခဲ့ပါတယ်။ လူပေါင်း ၄၀၀ ကျော်မရပ်မနားတမ်းပြုံးရွှင်မှုမရှိတဲ့ မျက်နှာသေကိုယ်စီနဲ့ကခုန်နေခြင်းဟာ တွေးကြည့်မယ်ဆို အတော်ကိုတုန်လှုပ်ဖွယ်ပါ။

ထိုခေတ်က ဆေးဆရာဝန်၊ဒေသအကြီးအကဲများလည်း အဆိုပါပျော်ရွှင်မှုမရှိတဲ့ ကပွဲကြီး ကိုမတားဆီးနိုင်ခဲ့ဘူးလို့ဆိုပါတယ်။ ရက်သတ္တပတ်များစွာတိုင် ရေမသောက်၊အစာမစားပဲ မရပ်မနားကခုန်နေခြင်းကြောင့် မောပန်းလာပြီး လဲကျသေဆုံးတဲ့အထိ ကခုန်ခြင်းကို မရပ်တန့်ကြပါဘူး။ လူ ၁၅ ယောက်မှ ၁၀၀ ကြားအသက်ဆုံးရှုံးခဲ့ပြီး အများစုမှာ ရပ်နားမှုမရှိစိတ်လှုပ်ရှားစွာကခုန်နေခြင်းကြောင့် နှလုံးရုတ်တရက်ရပ်တန့်တာကြောင့်ဖြစ်ပါတယ်။

လူအမြောက်အမြားသေဆုံးသည်ထိ ပြင်းထန်ခဲ့တဲ့ အဖြေမရှိသောကပွဲကြီးကို သမိုင်းလေ့လာသူများက Dancing Plague ( ကနေသော ကပ်ရောဂါ ) လို့ခေါ်ဝေါ်ခဲ့ကြပါတယ်။ သိပ္ပံပညာရှင်တွေဟာ အဆိုပါဖြစ်ရပ်ကိုအဖြေရှာကြည့်တဲ့အခါမှာတော့ ထိုခေတ်အခါကလူတွေဟာ ငတ်မွတ်ခေါင်းပါးခြင်း၊ရောဂါဘယပွားများခြင်း၊ဆင်းရဲမွဲတေခြင်းစတဲ့ စိတ်ဖိစီးမှုတွေများပြားလွန်းတာကြောင့် ရုတ်တရက်စိတ်လွတ်သွားခဲ့ကြတယ်လို့ဆိုပါတယ်။ ဒါဟာလည်း ထင်မြင်ယူဆမှုတစ်ရပ်သာဖြစ်ပြီး Dancing Plague ဖြစ်ရပ်ရဲ့ တိကျသေချာတဲ့အကြောင်းအရင်းအမှန်ကို ယခုထက်ထိ မရှာတွေ့နိုင်သေးပါဘူး။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com