အမွေဆက်ခံခွင့်လက်မှတ်‌ လျှောက်ထားခြင်းအကြောင်း ဥပဒေဗဟုသုတအနေဖြင့် ရေးသားဖော်ပြ ပေးလိုက်ပါသည်။

ကွန်လွန်သူ၏ ပိုင်ဆိုင်မှု ပစ္စည်းများအပေါ်တွင် အကျိုးခံစားခွင့်ရှိသူသည် ကွယ်လွန်သူ၏ အမွေ ပစ္စည်းနှင့် ကြွေးမြီများအပေါ်တွင် တရားဝင်ပြောဆိုနိုင်သည့် အခွင့်အရေးရရှိရန် အမွေဆက်ခံရေး အက် ဥပဒေပုဒ်မ - ၂၁၄ အရ အမွေဆက်ခံခွင့်လက်မှတ် လျှောက်ထားရန် လိုပါသည်။

ကွယ်လွန်သူနေထိုင်ရာ အရပ်ဒေသရှိ ခရိုင်တရာရုံးနှင့် ကွယ်လွန်သူမှာ အတည်တကျ နေထိုင်ခြင်းမရှိလျှင် ကွယ်လွန်သူ၏ အမွေပစ္စည်းအား သက်ဆိုင်ရာ ပြည်နယ်/ တိုင်း/ ခရိုင်တရားရုံးမှ ဒေသတွင်းရှိသော ပစ္စည်းအတွက် အမွေထိန်းစာ လျှောက်ထားနိုင်ပါသည်။

အမွေပစ္စည်းအား စောင့်ရှောက်နိုင်ရန် အမွေထိန်းစာလက်မှတ် လျှောက်ထားရခြင်းဖြစ်ပြီး ပိုင် ဆိုင်ခွင့်ရရှိရန် လျှောက်ထားခြင်းနှင့် မဆိုင်ပါ။ ကွယ်လွန်သူ၏ အမွေစ္စည်းများ ထိန်းသိမ်းစောင့် ရှောက်ရန်၊ မပျောက်ပျက်ရန် ရည်ရွယ်၍ အမွေထိန်းစာ ထုတ်ပေးခြင်း ဖြစ်ပါသည်။ ကွယ်လွန်သူ၏ ကြွေးမြီများကို ကောက်ခံနိုင်ရန်၊ ပေးရန်ရှိများကို စီစဉ်နိုင်ရန် ၊ ဆက်ခံခွင့်ရှိသူများအား ခွဲဝေပေးစေနိုင်ရန် အမွေထိန်းစာ ခန့်အပ်ပေးခြင်း ဖြစ်ပါသည်။ တရားရုံးတွင် ကြွေးမြီများအတွက် တရားစွဲဆို တောင်း ခံခြင်းပြုလျှင်လဲ အမွေ ဆက်ခံခွင့်လက်မှတ် လိုအပ်ပါသည်။

အမွေထိန်းစာ လျှောက်ထားသူအား အမွေပစ္စည်းနှင့် သက်ဆိုင်ခြင်းရှိမရှိ ကြည့်ရှုရမည်ဖြစ်ပြီး အမွေထိန်းအဖြစ် ခန့်အပ်လိုက်ခြင်းမှာ ကန့်ကွက်သူများ (သို့) အခြားအမွေဆိုင်များ၏ အခွင့်အရေးအား ထိခိုက်စေခြင်းလဲမရှိပါ။ အမွေထိန်းစာ လျှောက်ထားမှုအား တရားရုံးမှ ခွင့်ပြုခြင်းမှာ ပိုင်ဆိုင်မှုအတွက် ဆုံးဖြတ်ပေးခြင်းမျိုး မဟုတ်ပါ။ အမွေခံစားခွင့်နည်းခြင်း၊ မနည်းခြင်းနှင့်လဲ မသက်ဆိုင်ပါ။

လျှောက်ထားသူမှာ အမွေနှင့် သက်ဆိုင်ခြင်းရှိမရှိ၊ အမွေထိန်းစာ လက်ခံထိုက်သူများ ဟုတ်မ ဟုတ်သာ ဆုံးဖြတ်မည်ဖြစ်ပါသည်။ ကာလစည်းကမ်း သတ်မှတ်ထားခြင်းမရှိပဲ နှစ်ပေါင်း (၂၀) ကျော်လွန်သည်အခါမှ လျှောက်ထားလျှင် အကြောင်းပြချက် တင်ပြနိုင်ရမည်ဖြစ်ပါသည်။ အာမခံငွေဆိုသည်မှာလဲ ကွယ်လွန်သူ၏ အမွေပစ္စည်း တစ်စိတ်တစ်ဒေသဖြစ်ပြီး ကွယ်လွန်သူ၏ တရားဝင်ကိုယ်စားလှယ်များကိုသာ ပေးအပ်ရန် တာဝန်ရှိပါသည်။

တရားရုံးမှ သင့်လျော်သူဟု ယူဆသူအား အမွေထိန်းစာ ထုတ်ပေးခြင်းဖြစ်ပြီး စင်ပြိုင်လျှောက်ထားမှုတွင် မည်သူကိုမှ ထုတ်မပေးလျှင်လဲ ရပါသည်။ အမွေထိန်းစာရရှိသူမှလဲ တရားမပုံစံ - ၁၃၆ အရ အာမခံခံဝန် ချုပ်ပေးနိုင်ရပါမည်။

အမွေထိန်းလျှောက်ထားသူမှာ အမွေရှင်၏ သေတမ်းစာ အတည်ပြု လက်မှတ် တင်ပြပေးနိုင်ရမည်။ တရားရုံးက အကျဉ်းနည်းစုံစမ်းပြီး လျှောက်ထားသူသည် သေသူ၏ ကြွေးမြီအား တောင်းခံခွင့်ရှိသူ၊ အမွေဆက်ခံခွင့်လက်မှတ် ရထိုက်သည်ဟု ဆုံးဖြတ်လျှင် လျှောက်ထားသူအား ထုတ်ပေးမည်ဖြစ်ကြောင်း ဥပဒေဗဟုသုတအနေဖြင့် ရေးသား ဖော်ပြပေးလိုက်ပါသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

iMyanmarHouse.com ၏ ဥပ​ဒေအကြံ​ပေး ပညာရှင်​အဖွဲ့ မှ အထူးရေးသားဖော်ပြသည်။

Credit: iMyanmarHouse.com