လှိုင်မြို့နယ်ရှိငှားရန်အိမ်ခြံမြေများ

လှိုင်မြို့နယ်

လှိုင်မြို့နယ်သည် အကျယ် ၁၃.၇ ကီလိုမီတာရှိပြီး ရပ်ကွက်ပေါင်း ၁၆ ခုဖြင့်ဖွဲ့စည်းထားသော မြို့နယ်ဖြစ်သည် ။ မြို့နယ်၏ မြောက်ဘက်တွင် မရမ်းကုန်းမြို့နယ် ၊ သမိုင်းလမ်းဆုံ ၊ အရှေ့ဘက်တွင် အင်းယားကန် ၊ တောင်ဘက်တွင် ကမာရွတ်မြို့နယ်နှင့် အရှေ့ဘက်တွင် လှိုင်သာယာမြို့နယ်တို့ဖြင့် ဝန်းရံတည်ရှိသော မြို့နယ် ဖြစ်သည် ။ မူလတန်းကျောင်း ၃၂ ကျောင်း ၊ အလယ်တန်းကျောင်း ၈ ကျောင်းနှင့် အထက်တန်း ကျောင်း ၄ ကျောင်းတည်ရှိသောမြို့နယ်ဖြစ်သည် ။ ရန်ကုန်မြို့၏ အဓိက လမ်းမကြီး သုံးခုတွင် အဓိကပါဝင်သည့် အင်းစိန်လမ်းမ ၊ ပြည်လမ်းမ ၊ ဗဟိုလမ်းမတို့ ဖြတ်သန်းသွားသောမြို့နယ်လည်း ဖြစ်သည် ။ အများပြည်သူ အပန်းဖြေအနားယူရန်အတွက် အင်းယားကန်ဘောင်နှင့်လည်း အနီးစပ်ဆုံးတည်ရှိသောမြို့နယ် လည်းဖြစ်သည် ။ မြန်မာနိုင်ငံ အင်ဂျင်နီရာများအသင်းရုံးနှင့် MICT Park တို့ တည်ရှိပြီး မြန်မာ့ဆက်သွယ်ရေးများထဲက တစ်ခုဖြစ်သည့် အော်ရီဒူး ရုံးချုပ်တို့သည် လှိုင်မြို့နယ်တွင် တည်ရှိသည် ။ အဓိကလမ်းမကြီးပေါ်တွင်တည်ရှိသော လှိုင်မြို့နယ်သည် သွားလာရလွယ်ကူအဆင်ပြေသောမြို့နယ် ဖြစ်သလို သင်တန်းအများအပြားတက်ရောက်ရန် လွယ်ကူအဆင်ပြေသည့် လှည်းတန်းလမ်းဆုံနှင့်လည်း အနီးကပ်ဆုံးတည်ရှိသောမြို့နယ်ဖြစ်သည် ။ လူနေတိုက်ခန်းများ အများအပြားရှိပြီး လူနေထူထပ်ပြီး ယာဉ်လမ်းကြော ရုံးဆင်းရုံးတက်ချိန်တို့တွင် လမ်းကြောကြပ်သောမြို့နယ်များထဲတွင် လှိုင်မြို့နယ်သည် တစ်ခုအပါအဝင် ဖြစ်ပေသည် ။