Knowledge | Posted by Shwe Zin Win
“ ဦးကောင်းဖေရေ သမီး ဟေမာပါ “ ဖုန်းခေါ်သံကြားလို့ နားထောင်လိုက်တာနဲ့ ရွှေဘုံသာလမ်းက အိမ်ခြံမြေအကျိုးဆောင် ဟေမာမြင့်ရဲ့အသံကို ကြားလိုက်ရပါတယ်။ “ ဟေမာရေ မင်္ဂလာပါ “ လို့ ကျွန်ုပ် နှုတ်ခွန်းဆက်လိုက်တာနဲ့ ဟေမာက “ တကယ့်မင်္ဂလာသတင်းပါရှင်။ မနက်ဖြန် မနက် (၁၀း၀၀)နာရီမှာ ဒေါပုံမြို့နယ်အတွင်းမှာ သမီးရဲ့ မိတ်ဆွေက တိုက်ခန်းတစ်ခန်းဝယ်မယ်။ အဲဒါ ဦးကောင်းဖေလိုက်ပြီး အရောင်းအဝယ် စာချုပ်ပေးဖို့ အကြောင်းကြားလိုက်တာပါ “
“ အေး လိုက်ပေးရမှာပေါ့ သမီးရဲ့။ ဟဲ့ . . .အပြီးစာချုပ်ရမှာက ချက်ချင်းကြီးပါလား။ မြန်လိုက်တာ။ တိုက်ခန်းပိုင်ဆိုင်မှု စာရွက်စာတမ်းမူရင်းတွေရော အသေအချာ ကြည့်ပြီးပြီလား “ ကျွန်ုပ်က စိတ်ပူပြီး မေးကြည့်ရသေးသည်။ “ စိတ်သာချ စာချုပ်ပေးပါ ဦးဦးရယ်။ ဝယ်မယ့်တိုက်ခန်းက (၄)လွှာမှာပါ။ ဝယ်သူနဲ့ သွားကြည့်ပြီးပြီ။ ပွဲပျက်မှာစိုးလို့ သမီးက ကြားကနေပြီး ရောင်းသူကို မနေ့က စရန်ငွေ (၁၀)သိန်း ချထားပေးသားပါ “
“ ဟေမာတို့က ချည်ပြီးတုပ်ပြီး လုပ်ထားလိုက်တာကိုး “ “ ဒါပေါ့ ဦးဦးရဲ့။ ဒါနဲ့ ကြိုပြောထားရဦးမယ် “ “ အလို ဘာတွေများ လျှို့ဝှက်ချက်တွေ ရှိသေးလို့လဲ “ “ ဒီလိုပါ ဝယ်သူတွေက သမီးရဲ့ မိတ်ဆွေရင်းတွေဆိုတော့ မုန့်ဖိုးမပေးနိုင်ဘူးတဲ့လေ။ အဲဒါကြောင့် ဦးဦးက သမီးကို စာချုပ်ပြီးရင် မုန့်ဖိုးလေးငါးသောင်းလောက်တော့ ပြန်ပေးဦးနော် “
“ ပြောနေရသေးလား ဟေမာရယ်။ စိတ်သာချ။ ရှေ့နေကလည်း သိတတ်ပါတယ်နော် “ “ ဝမ်းသာလိုက်တာ ဦးဦးရယ်။ ဒါဆိုရင် မနက်ဖြန် ဘဏ်ဖွင့်အမီ ရောင်းသူနေထိုင်တဲ့ တိုက်ခန်းမှာ အရင်သွားပြီး စာချုပ်မယ်။ စာချုပ်ပြီးမှ ဘဏ်မှာ ငွေလွှဲပေးလိုက်မယ်။ ပြီးတော့ ဒေါပုံက တိုက်ခန်းကို သော့ဖွင့်ပြီး လက်ရောက်ယူလိုက်မယ် မကောင်းဘူးလား “ “ ကောင်းပါ့ဗျာ “
ဒါနဲ့ တိုက်ခန်းအရောင်းအဝယ်စာချုပ်တဲ့နေ့မှာ စီစဉ်ထားတဲ့အတိုင်း အရောင်းအဝယ်စာချုပ်တဲ့နေ့မှာ စီစဉ်ထားတဲ့အတိုင်း ရောင်းသူပိုင်ရှင်ရဲ့ တိုက်ခန်းမှာ စာချုပ်ကြပါတယ်။ မြေရှင်ကိုလည်း (၁)ရာခိုင်နှုန်းယူဖို့ ပုဇွန်တောင်ကိုအပါ ခေါ်လာပါတယ်။ ရောင်းတဲ့တိုက်ခန်းအကျယ်က (အလျား ၂၅ x အနံ ၆၀) အကျယ် မြေကွက်ပေါ်မှာ ဆောက်ထားတာလို့ မြေရှင်က ပြောပါတယ်။ အခုဝယ်တဲ့အခန်းဟာ ကန်ထရိုက်ပိုင်တဲ့အခန်းဖြစ်တဲ့အတွက် ကန်ထရိုက်နဲ့ ရောင်းသူနဲ့ ပထမဆုံး စာချုပ်တစ်ခုပဲ ရှိတယ်။
ဒါကြောင့် ရောင်းသူတွေကို ပထမဆုံး Owner(ပိုင်ရှင်)လို့ ခေါ်ကြတာပေါ့။ ရောင်းသူတွေထံမှာ အထောက်အထား စာချုပ်ဆိုလို့ ကန်ထရိုက်နဲ့ ချုပ်ထားတဲ့ စာချုပ်တစ်ခုပဲ ရှိတယ်။ ပြီးတော့ BCC လူနေထိုင်ခွင့် လက်မှတ်ထုတ်ပြတယ်။ ဒါပဲ ပြစရာရှိတယ်။ ကန်ထရိုက်တာထံက ဝယ်စဉ်ကလည်း ဒီစာရွက်ပဲပေးတယ်လို့ ပြောပါတယ်။
တကယ်တော့ တိုက်ခန်းအရောင်းအဝယ်လုပ်ရင် ပိုင်ဆိုင်မှုဆက်စပ်တဲ့ စာချုပ်တွေ ပေးဆပ်ရပါ့မယ်။ အခုလို ကန်ထရိုက်တာထံက ဝယ်ခဲ့လို့ရှိရင် မြေရှင်နဲ့ ကန်ထရိုက်တာ အခန်းပေးအခန်းယူ နှစ်ဦးသဘောတူစာချုပ်မိတ္တူကို အပ်ပါတယ်။ အဲဒီ အခန်းပေးအခန်းယူ စာချုပ်ထဲမှာ မြေရှင်ဘက်က ရမယ့်အခန်းတွေကို ခြေရင်း/ခေါင်းရင်း ခွဲခြားသတ်မှတ်ထားတာ တွေ့ရပါတယ်။ အဲဒီလို ခြေရင်း/ခေါင်းရင်းပေါ်မူတည်ပြီး ကန်ထရိုက်ဘက်အခြမ်းက (၄)လွှာအခန်းကို ဝယ်တာပဲလို့ ခွဲခြားသိနိုင်မှာပေါ့။ အခုတော့ အဲဒါတွေမပါဘဲ တိုက်ခန်းအရောင်းအဝယ်စာချုပ် လိုက်ရတယ်။
ဒီအကြောင်းတွေကို ကြိုသိထားတဲ့ မြေရှင်က အသိအမှတ်ပြု လက်မှတ်ရေးထိုးခ (၁)ရာခိုင်နှုန်းပေးတာနဲ့ ဝယ်သူဘက်မှာ လိုအပ်နေတဲ့ မြေရှင်နဲ့ ကန်ထရိုက် အခန်းပေးအခန်းယူ နှစ်ဦးသဘောတူစာချုပ်မိတ္တူကို ထုတ်ပေးတယ်။ BCC လက်မှတ်မိတ္တူကိုလည်း ပေးသေးတယ်။ ဟော စေတနာပိုပြီး မြေဂရန်စာချုပ်မိတ္တူကိုပါ ပေးလိုက်တယ်ဗျာ။ ဝယ်သူအတွက် ပိုင်ဆိုင်မှု စာရွက်စာတမ်း အထောက်အထား ပြည့်စုံသွားပြီပေါ့။ ဝယ်ယူသူအတွက် မင်္ဂလာပါ။
အင်း . . .အဆင်မပြေ ခိုးလို့ခုလို ဖြစ်နေတာက ရောင်းသူနဲ့ အကျိုးဆောင် ဟေမာတို့ရဲ့ ပွဲစားခကိစ္စပဲ။ ရောင်းသူဘက်က မြေရှင်နဲ့သိပြီး ရောင်းတာဖြစ်လို့ ပွဲစားခ မပေးနိုင်ဘူးပြောတယ်။ ဟေမာကလည်း ဝယ်လက်က သူခေါ်လာလို့ အရောင်းအဝယ်ပွဲဖြစ်တာ။ ဒါကြောင့် ထုံးစံအတိုင်း ပွဲစားခ (၂)ရာခိုင်နှုန်းပေးမှ ရမယ်လို့ အငြင်းအခုံ ဖြစ်နေကြတယ်။ တိုက်ခန်းရောင်းသူဘက်က ပွဲစားခမပေးချင်တဲ့ သဘောပါ။ ရောင်းသူတွေကလည်း တိုင်းရင်သူ အပျိုကြီးတွေဆိုတော့ အဲဒီမှာ ဟေမာတစ်ယောက် “ မျောက်သစ်ကိုင်းလွတ် “ သဘောမျိုး ဖြစ်နေတယ်။
နောက်ဆုံးတော့လည်း မြေပိုင်ရှင်ကိုယ်တိုင်က ဝယ်သူကို သိတာ မဟုတ်ဘူး။ ဟေမာက ခေါ်လာလို့ သိရတယ်။ ဟေမာကလည်း ပွဲစားဆိုပေမယ့် တခြားသူမဟုတ်ဘူး မြေရှင်ဘက်က (၄)လွှာမှာ သူမရဲ့ အခန်းပိုင် ရှိတယ်။ သူနဲ့ ဟိုဘက်ခြမ်း၊ ဒီဘက်ခြမ်း အတူနေရအောင်ဆိုပြီး ဝယ်သူကို ခေါ်လာတာလို့ ဝယ်သူတွေက အခုလို ဝယ်ဖြစ်တာလို့ ရှင်းပြတော့မှ ရောင်းသူအပျိုကြီးတွေက မငြင်းနိုင်တော့ဘူး။ တိ်ုက်ခန်းရောင်းဈေးက သိန်း နှစ်ရာဆိုတော့ ပွဲစားခ (၂)သိန်းပေးရမယ့်အစား (၁)သိန်း ယူပါဆိုလို့ ဟေမာလည်း မအီမသာနဲ့ လက်ခံလိုက်ရတယ်။
ဒါတွေက အိမ်ခြံမြေလောကမှာ ကြုံတတ်လို့ စာဖတ်သူများလည်း တိုက်ခန်းဝယ်မယ်၊ ရောင်းမယ်ဆိုရင် ကြိုတင်သိထားသင့်တဲ့အတွက် သင်ခန်းစာယူစရာ ဖောက်သည်ချလိုက်ရပါတယ် ခင်ဗျာ။
Credit: လွှတ်တော်ရှေ့နေမောင်ကောင်းဖေ
