တနင်္သာရီကျွန်း ၅ ကျွန်းတွင် ဟိုတယ်လုပ်ငန်း လုပ်ခွင့်ပြုရန် ရင်းနှီး မြှုပ်နှံမှု ကော်မရှင် စီစစ်နေ
တနင်္သာရီတိုင်းရှိ ကျွန်းစုများအနက် ကျွန်း ၅ ကျွန်းတွင် ဟိုတယ်နှင့် ခရီးသွားလုပ်ငန်းလုပ်ဆောင်ခွင့်ပြုရန် မြန်မာနိုင်ငံရင်းနှီး မြှုပ်နှံမှုကော်မရှင် MIC မှ စိစစ်နေကြောင်း တိုင်း ဒေသကြီးအစိုးရအဖွဲ့မှ သိရသည်။သဲကျွန်းလေး၊ စမတ်ကျွန်း၊ ငလုံးလက်ဖယ်ကျွန်း၊ ခက်ရင်းခွကျွန်းနှင့် ကျွန်းအမှတ် ၁၁၅ တို့တွင် ခရီးသွားလုပ်ငန်းလုပ်ရန် ခွင့်ပြု ချက်တင်ထားရာ လက်ရှိတွင် MIC သို့ ရောက်ပြီ ဖြစ်ကြောင်း၊ MIC မှ ခွင့်ပြု ချက်ရသည်နှင့် သက်ဆိုင်ရာ ကုမ္ပဏီများနှင့် တိုင်းဒေသကြီး အစိုးရအဖွဲ့တို့ မြေငှားရမ်းအ သုံးပြုခြင်းဆိုင်ရာ စာချုပ်ချုပ်ဆိုကြမည်ဖြစ်ကြောင်း တနင်္သာ ရီတိုင်းဒေသကြီး အစိုးရ အဖွဲ့ စည်ပင်သာယာရေး ဝန်ကြီး ဦးအောင်ကျော်ကျော်ဦးက ပြောသည်။
”စာချုပ်ချုပ်ပြီးမှ မြေပြင် ကွင်းဆင်းပြီး အသေးစိတ်တိုင်းတာတွေ လုပ်ပါတော့မယ်”ဟု ၎င်းကုမ္ပဏီများ လုပ်ငန်းစတင်မည့်အချိန်ကို ပြောသည်။ အဆိုပါ ကျွန်းများတွင်လုပ် ငန်းလုပ်ခွင့်ပြုရန် တင်ထား သည်မှာ တစ်နှစ်ကျော်ရှိပြီဖြစ်ကြောင်း သက်ဆိုင်ရာ ဌာနအသီးသီး၏ မှတ်ချက်များဖြင့် အစိုးရ အဖွဲ့အစည်းအဝေးတွင် ခွင့်ပြု၊ မပြုသဘော ထား ယူပြီး တိုင်းဒေသကြီး ဥပဒေချုပ်၊ ပြည်ထောင်စုရှေ့နေချုပ်ရုံးတို့အား တင်ပြပြီးမှသာ MIC သို့တင်ခြင်းဖြစ်ကြောင်း ၎င်းက ပြောသည်။ လုပ်ငန်းရှင်များက ရင်းနှီး မြှုပ်နှံ မှုလုပ်ရန် ရွေးချယ်ရာတွင် လှေအဝင်အထွက်ကောင်းခြင်း၊ မိုးဒဏ်လေဒဏ် ခံနိုင်ခြင်း၊ သဘာဝပေါက်ပင်များစွာ ရှိခြင်းစသည့်အချက်များပေါ် မူတည်ရွေး ချယ်ခြင်းဖြ စ်ကြောင်း သိရသည်။
ကျွန်းများတွင် ခရီးသွားလုပ်ငန်းလုပ်ရန် စိစစ်နေမှုနှင့် ပတ်သက်၍ MIC မှ ညွှန်ကြားရေးမှူး ဦးသန့်စင်ကြိုင်က ”တနင်္သာရီတိုင်းဒေသကြီး အစိုးရအဖွဲ့ကနေမှ ဟိုတယ် လုပ်ငန်း လုပ်မယ့်ကျွန်းတွေ တင်ထားတာရှိပါတယ်။ ပါသင့်ပါထိုက်တာတွေ စိစစ်နေပါတယ်”ဟု ပြောသည်။ တနင်္သာရီတိုင်းတွင် ကျွန်းပေါင်း ၈ဝဝ ကျော် ရှိသည့်အနက် ကျွန်း ၃၂ ကျွန်းတွင် ဟိုတယ်နှင့် ခရီးသွားလုပ်ငန်းလုပ်လိုကြောင်း ကမ်းလှမ်းမှုများရှိကြောင်း၊ လက်ရှိ MIC မှ စိစစ်နေသော ကျွန်း ၅ ကျွန်း သည် ပြည် တွင်း လုပ်ငန်းရှင်များ ရင်း နှီးမြှုပ်နှံရန် တင်ပြထားခြင်း ဖြစ်ကြောင်း သိရသည်။
Credit: popular
