Knowledge | Posted by Aye Myat Thu
ကုန်သွယ်ခွန်မှာ(သွယ်ဝိုက်ခွန်)အမျိုးအစားဖြစ်ပါသည်။ ပြည်တွင်း ကုန်စည် ထုတ်လုပ်ရောင်းချသူ ၊ ပြည်ပမှ ကုန်စည်တင်သွင်းခြင်း၊ ကုန်သွယ်မှုများ ဆောင်ရွက်သူ ၊ ဝန်ဆောင်မှု လုပ်ငန်းဆောင်ရွက်သူတို့မှ ကုန်သွယ် လုပ်ငန်းခွင်အား ရောင်းရငွေပေါ်တွင် ဝယ်ယူသူထံတွင် တပါတည်းကောက်ခံမှုပြုရမည်ဖြစ်ပါသည်။
ကုန်သွယ်လုပ်ငန်းခွန် မကျသင့်သည့် ရောင်းရငွေ၊ ဝန်ဆောင်မှုရငွေများလဲ ရှိပါသည်။ နှစ်တစ်နှစ်အတွင်း ထုတ်လုပ်ရောင်းရငွေမှာ သိန်း ၅၀၀ တိတိ ၊ ဝန်ဆောင်မှုလုပ်ငန်းအတွက်ရငွေ သိန်း ၅၀၀ တိတိ၊ ကုန်သွယ်မှုအတွက် ရောင်းရငွေ သိန်း-၅၀၀ တိတိတို့မှာ ကုန်သွယ်လုပ်ငန်းခွန် မစည်းကြပ်ထိုက်သော ရောင်းရငွေ၊ ဝန်ဆောင်မှုရငွေအဖြစ် သတ်မှတ်ထားပါသည်။
အိမ်ခြံမြေများတွင် မြေအား နှစ်ရှည်မြေငှားရမ်းသည့်အခါတွင်လဲ နိုင်ငံပိုင်မြေဖြစ်စေ (သို့) ပုဂ္ဂလိက ပိုင်မြေ ဖြစ်စေ ကုန်သွယ်လုပ်ငန်းခွန် ထမ်းဆောင်ရပါမည်။ အိမ်ခြံမြေအား မြေပိုင်ရှင်နှင့် အကျိုးတူ ပူးပေါင်းဆောင် ရွက်သည်ဖြစ်စေ၊ လွှဲပြောင်းရောင်းချလျှင်ဖြစ်စေ၊ အဆောက်အအုံ တည်ဆောက်ရောင်းချလျှင် ဖြစ်စေ၊ ရောင်းရငွေ အပေါ်တွင် ကုန်သွယ်လုပ်ငန်းခွန် (၃%) ထမ်းဆောင်ရန် လိုပါသည်။ ရွှေထည်များတွင်လဲ ကုန်သွယ်လုပ်ငန်းခွန် (၁%) ထမ်းဆောင်ရန် လိုပါသည်။ အင်တာနက်ဝန်ဆောင်မှုလုပ်ငန်းများတွင် (၁၅%) ကုန်သွယ်လုပ်ငန်းခွန် ထမ်းဆောင် ရပါသည်။ ကုန်စည်အမျိုးအစားပေါ်မူတည်၍ ကုန်သွယ်လုပ်ငန်းခွန်မှာ ကွဲပြားခြားနားမှုရှိပါသည်။
ကုန်စည်အား ထုတ်လုပ်ရောင်းချသူမှာ ထမ်းဆောင်ပြီးသော ဘာနှစ်အတွင်း ကုန်သွယ်လုပ်ငန်းခွန် အပေါ်တွင် ခုနှိမ်ခွင့်လဲ ရှိပါသည်။
ဟိုတယ်လုပ်ငန်းများတွင်လဲ ပြည်ပမှ တင်သွင်းစဉ်၊ ပြည်တွင်း၌ ဝယ်ယူစဉ်၊ ဝန်ဆောင်မှု ဆောင်ရွက်စဉ်က ပေးဆောင်ခဲ့သော ကုန်သွယ်လုပ်ငန်းခွန်းအား ခုနှိမ်နိုင်ပါသည်။ ပြည်ပမှ ဝယ်ယူတင်သွင်း၍ ကုန်သွယ်လုပ်ငန်းခွန် ထမ်းဆောင်ရခြင်းဖြစ်ပါက ပတခ(ကသခ)-၅-၀၂ မူရင်းခွဲအား သိမ်းဆည်းပြီး ခုနှိမ်ပေးအပ်ခြင်းပြုနိုင်ပါသည်။ ပြည်တွင်း၌ ဝယ်ယူခြင်း၊ ဝန်ဆောင်မှု ရယူပြီး ကုန်သွယ်လုပ်ငန်းခွန် ထမ်းဆောင်ရခြင်းဖြစ်ပါက ပတခ(ကသခ)-၅-၀၁ မူရင်းခွဲအား သိမ်းဆည်းပြီး ခုနှိမ်ခြင်းပြုနိုင်ပါသည်။
ပြည်တွင်း၌ ထုတ်လုပ်ရောင်းချသော ကုန်သွယ်မှု၊ ဝန်ဆောင်မှုလုပ်ငန်းအတွက် ကုန်သွယ်လုပ်ငန်းခွန် ခုနှိမ်လိုပါက ပတခ(က သခ)-၅-၀၁၊ ပတခ(ကသခ)-၅-၀၃၊ ပတခ(ကသခ)-၀၁-၀၂ပုံစံ မူရင်း/မိတ္တူ တို့ လိုအပ်ခြင်းဖြစ်ပါသည်။ ရွှေထည်များဝယ်ယူခြင်း၊ ရောင်းချခြင်း၊ ပျက်စီးဆုံးရှုံးကုန်စည်များအတွက် ပေးဆောင်ခဲ့သော ကုန်သွယ် လုပ်ငန်းခွန်မှာ ခုနှိမ် ထမ်းဆောင်ခွင့်မရှိသော ကုန်သွယ်လုပ်ငန်းခွန်ဖြစ်ပါသည်။
နှစ်တစ်နှစ်အတွက် ကုန်သွယ်လုပ်ငန်းခွန် စည်းကြပ်ထိုက်သော ရောင်းရငွေ(သို့) ဝန်ဆောင်မှုရှိသူသည် ကုန်သွယ်လုပ်ငန်းခွန် ထမ်းဆောင်ရန် သက်ဆိုင်ရာမြို့နယ်အခွန်ဦးစီးဌာနတွင် လုပ်ငန်းမှတ်ပုံတင်လက်မှတ် ပတခ(ကသခ)-၀၁-၀၂ လျှောက်ထားရန် လိုအပ်ကြောင်း ဥပဒေဗဟုသုတအနေဖြင့် ရေးသားဖော်ပြပေးလိုက်ပါသည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
iMyanmarHouse.com ၏ ဥပဒေအကြံပေး ပညာရှင်အဖွဲ့ မှ အထူးရေးသားဖော်ပြသည်။
Credit: iMyanmarHouse.com
