အိန္ဒိယနိုင်ငံ ဒေလီမြို့မှ ကမ္ဘာ့အမြင့်မားဆုံး အမှိုက်ပုံကြီး၊ ဧကပေါင်း ၇၀ ကျယ်ဝန်းကာ အမြင့် ၇၂ မီတာ (၂၃၆ ပေ) ရှိ

အိန္ဒိယနိုင်ငံ၊ ဒေလီမြို့ရှိ ကမ္ဘာ့အမြင့်မားဆုံး အမှိုက်ပုံကြီးဖြစ်သော ဂါဇီးပူရ် အမှိုက်ပုံကြီးသည် ကမ္ဘာကျော် တာ့ဂျ်မဟာ အဆောက်အအုံကြီး၏ အမြင့်ကို ကျော်လွန်မည့် အလားအလာရှိနေသည်။

တည်နေရာမှာ အိန္ဒိယနိုင်ငံ ဒေလီမြို့ အရှေ့ပိုင်းခရိုင်ရှိ ဂါဇီးပူရ်ရွာလေးတွင်ဖြစ်ပြီး ၁၉၈၄ ခုနှစ်မှ စတင်ပေါ်ပေါက်လာခဲ့သော အမှိုက်ပုံကြီး ဖြစ်သည်။

အဆိုပါ ဧရာမ အမှိုက်ပုံကြီးကြောင့် ကုလသမဂ္ဂက နယူးဒေလီကို ကမ္ဘာ့အညစ်ညမ်းဆုံးမြို့အဖြစ် ရှုမြင်ထားသည်။

သိမ်းငှက်များနှင့် အခြားငှက်များသည် ပေပေါင်း ၂၀၀ ကျော်မြင့်မားသော ဂါဇီးပူရ်အမှိုက်ပုံကြီးအထက်တွင် ရစ်ဝဲရင်း အစာရှာနေကြသည်။

ဦးတည်ရာမဲ့ သွားလာနေသော နွားများ၊ ခွေးလေခွေးလွင့်များနှင့် ကြွက်များမှာ နံဟောင်လှသော အမှိုက်ပုံကြီးတစ်ခွင် လှည့်လည်သွားလာနေကြသည်။

ဧရာမကြီးထွားလာသော အမှိုက်ပုံကြီးအရေး ကိုင်တွယ်ဖြေရှင်းရန် ကြိုးစားမှုများရှိသော်လည်း စီမံခန့်ခွဲမှုအလွဲများကြောင့် သဘာဝပတ်ဝန်းကျင်ထိခိုက်မှု၊ မီးဘေး၊ ကျန်းမာရေးအန္တရာယ်၊ အဆိပ်ဓာတ်ငွေ့များ ထုတ်လွှတ်မှု၊ မြေအောက်ရေ ညစ်ညမ်းစေမှုတို့ ဖြစ်ပွားလာနေသည်။

အကျယ်အဝန်း ဘောလုံးကွင်း ၄၀ ကျော်ခန့်ရှိသော နံစော်လှသည့် ဂါဇီးပူရ် အမှိုက်တောင်ကြီးသည် တစ်နှစ်လျှင် ၃၃ ပေခန့် ပိုမိုမြင့်မားလာနေပြီး ရပ်တန့်သွားဖွယ်ရာ လမ်းမမြင်ချေ။

လက်ရှိနှုန်းအတိုင်း ဆက်လက်မြင့်တက်နေပါက အိန္ဒိယ၏ အထင်ကရ တာ့ဂျ်မဟာထက် ပိုမိုမြင့်မားလာဖွယ် ရှိနေသည်။

[▲ အိန္ဒိယနိုင်ငံ၏မြို့တော် နယူးဒေလီမြို့ရှိ ကမ္ဘာ့အမြင့်မားဆုံး ဂါဇီးပူရ် အမှိုက်တောင်ကြီး (ဝဲ) သည် တာ့ဂျ်မဟာ (ယာ) ထက် ပိုမိုမြင့်မားလာဖွယ်ရှိနေသည်]

(▲ လေယာဉ်များကို သတိပေးရန်အတွက် အမှိုက်တောင်ကြီး၏ ထိပ်တွင် မီးနီများ ထွန်းထားရန် အိန္ဒိယ တရားလွှတ်တော်ချုပ်က သတိပေးထားသည်။ ပုံတွင်တွေ့ရသည်မှာ ၂၀၁၇ ခုနှစ်အတွင်း အမှိုက်တောင်ကြီး၏ တစ်နေရာတွင် ပြိုကျမှုဖြစ်ပွားခဲ့ပြီးနောက် အမှိုက်တောင်ထိပ်တွင် ရပ်ကြည့်နေသူများကို တွေ့ရပုံ ဖြစ်သည်)

ဂါဇီးပူရ် အမှိုက်ပုံနေရာသည် ၁၉၈၄ ခုနှစ်တွင် စတင်ပေါ်ပေါက်ခဲ့ပြီး ၂၀၀၂ ခုနှစ်တွင် ပိတ်သိမ်းသင့်သည့် အရွယ်အစားသို့ ရောက်ရှိလာသည်။

သို့သော် နယူးဒေလီ၏ အမှိုက်များမှာ ကားအစင်းရေ ရာပေါင်းများစွာဖြင့် နေ့စဉ်ရောက်လာနေဆဲ ဖြစ်သည်။

“ဂါဇီးပူရ်အမှိုက်ပုံကို တစ်ရက်တစ်ရက် စွန့်ပစ်တဲ့အမှိုက်က တန်ချိန် ၂၀၀၀ လောက်ရှိပါတယ်” ဟု အမည်မဖော်လိုသော ဒေလီမြို့စည်ပင်အရာရှိတစ်ဦးက ပြောသည်။

၂၀၁၈ ခုနှစ်အတွင်း မိုးသည်းထန်စွာရွာသွန်းမှုကြောင့် အမှိုက်တောင်ကြီး၏ တစ်နေရာ ပြိုကျခဲ့ရာ လူ ၂ ဦး သေဆုံးခဲ့သည်။

ထိုသို့ လူသေဆုံးမှုများ ဖြစ်ပေါ်ပြီးနောက် ဂါဇီးပူရ်အမှိုက်တောင်တွင် အမှိုက်ပစ်ခြင်းကို တားမြစ်ပိတ်ပင်ခဲ့သည်။

သို့သော် အာဏာပိုင်တို့က အမှိုက်ပစ်ရန် အခြားနေရာ ရှာမတွေ့သောကြောင့် အဆိုပါ ပိတ်ပင်မှုမှာ ရက်အနည်းငယ်သာ ခံခဲ့သည်။

ဂါဇီးပူရ် အမှိုက်တောင်ကြီးမှထွက်သော မီသိန်းဓာတ်ငွေ့ကြောင့် မီးလောင်မှု မကြာခဏ ဖြစ်ပွားလေ့ရှိပြီး ရက်အတန်ကြာအချိန်ယူကာ ငြိမ်းသတ်ရလေ့ရှိသည်။

(▲ မကြာသေးမီက လေ့လာချက်တစ်ရပ်အရ အမှိုက်ပုံကြီးနှင့် ၅ ကီလိုမီတာ (၃ မိုင်) ပတ်လည်အတွင်း နေထိုင်လျက်ရှိသူများမှာ ကင်ဆာရောဂါများအပါအဝင် ကျန်းမာရေးအန္တရာယ်ရှိနေကြောင်း တွေ့ရှိလာသည်။ ပုံတွင် အမှိုက်တောင်ကြီးပေါ်၌ စားစရာရှာနေသော ခွေးလေခွေးလွင့်တစ်ကောင်နှင့် လူတစ်ယောက်ကို တွေ့ရမည် ဖြစ်သည်)

(▲ ဂါဇီးပူရ် အမှိုက်ပုံကြီးနေရာသည် ၁၉၈၄ ခုနှစ်တွင် စတင်ပေါ်ပေါက်ခဲ့ပြီး ၂၀၀၂ ခုနှစ်တွင် ပိတ်သိမ်းသင့်သည့် အရွယ်အစားသို့ ရောက်ရှိလာသည်။)

(▲ ဂါဇီးပူရ်တွင် တစ်ရက်လျှင် အမှိုက်တန်ချိန် ၂၀၀၀ ခန့် စွန့်ပစ်နေသည်။ အမှိုက်ပုံကြောင့် ၃ မိုင်ပတ်လည်နေထိုင်သူများ ကျန်းမာရေးထိခိုက်နေပြီး ဆရာဝန်တို့မှာ တစ်ရက်လျှင် လူနာ ၇၀ ခန့် ကုသပေးနေရသည်)

(▲ နယူးဒေလီမြို့အရှေ့ဘက် ဂါဇီးပူရ်အမှိုက်ပုံကြီးအနီးရှိ လူနေအဆောက်အအုံတစ်ခုကို တွေ့ရပုံ)

(▲ ဂါဇီးပူရ် အမှိုက်တောင်ကြီးအနီး လမ်းလျှောက်နေသူများ)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: This is the highest garbage mountain in the world

Photo Credit-dailymail