အာရပ်စော်ဘွားများပြည်ထောင်စု၏ သမ္မတက ပေါင် ၆၅ သန်းဖြင့် ဝယ်ယူခဲ့သော လန်ဒန်မြို့ ချယ်လ်ဆီးအရပ်ရှိ စံအိမ်ကြီး

အာရပ်စော်ဘွားများပြည်ထောင်စု၏ သမ္မတနှင့် ဆက်နွှယ်သော ကုမ္ပဏီတစ်ခုသည် အင်္ဂလန်နိုင်ငံ၊ လန်ဒန်မြို့၏ ဒိတ်ဒိတ်ကြဲနေရာတစ်ခုဖြစ်သော ချယ်လ်ဆီးအရပ်ရှိ စံအိမ်ကြီးတစ်လုံးကို ပေါင် ၆၅ သန်း ပေးကာ ဝယ်ယူထားသည်။

အာရပ်စော်ဘွားများပြည်ထောင်စု၏ သမ္မတ ရှိတ် မိုဟာမက် ဘင် ဇာယစ် အယ်လ် နာယန်း ဝယ်ယူခဲ့သော ချယ်လ်ဆီးအရပ်မှ စံအိမ်တွင် ရေကူးကန်၊ ရုပ်ရှင်ကြည့်ခန်း၊ ကားဓာတ်လှေကားတို့ ပါဝင်သည်။

သမ္မတ အယ်လ် နာယန်းသည် ချယ်လ်ဆီးအရပ်မှ စံအိမ်ကို British Virgin Islands တွင် အခြေစိုက် တည်ထောင်ထားသော ဟန်ပြကုမ္ပဏီတစ်ခုမှတဆင့် ဝယ်ယူခဲ့ခြင်း ဖြစ်သည်။

၂၀၀၀ ပြည့်လွန်ကာလများအတွင်း BT တယ်လီဖုန်းအိတ်ချိန်းရုံးနေရာတွင် စီးပွားရေးလုပ်ငန်းရှင် အုပ်စုတစ်ခုက ဆောက်လုပ်ခဲ့သော နေအိမ် ၃ လုံးအနက် တစ်ခု ဖြစ်သည်။

MBZ ဟူသော အတိုကောက်အမည်ဖြင့် လူသိများသူ သမ္မတ နာယန်းသည် ၂၀၂၂ ခုနှစ်တွင် အာရပ်စော်ဘွားများပြည်ထောင်စု သမ္မတ အရိုက်အရာကို ဆက်ခံခဲ့ခြင်း ဖြစ်သည်။

စံအိမ်များကို ပုံတူဆောက်လုပ်ထားခြင်းဖြစ်ကာ ရေကူးကန်၊ ရုပ်ရှင်ရုံနှင့် ကားဓာတ်လှေကားတို့ ပါဝင်ရာ သမ္မတ နာယန်းအနေဖြင့် လန်ဒန်သို့ ရောက်ချိန်တွင် သက်တောင့်သက်သာ နေထိုင်နိုင်မည် ဖြစ်သည်။

သို့သော် အဆိုပါစံအိမ်ကို ဖြိုချကာ အားကစားလေ့ကျင့်ခန်းမတစ်ခု ဆောက်လုပ်ရန် ဒေသကောင်စီထံမှ ခွင့်ပြုချက်ရရှိထားပြီး အယ်လ်နာယန်းတွင် ဆောက်လုပ်မည့် ဒီဇိုင်းများ ရှိထားပြီးဖြစ်သည်ဟု ဆိုသည်။

(အာရပ်စော်ဘွားများပြည်ထောင်စုသမ္မတနာယန်းနှင့် ရုရှားသမ္မတ ဗလာဒီမာပူတင်တိို့ကို အတူတကွ တွေ့ရပုံ။)

(၂၀၀၀ ပြည့်လွန်ကာလများအတွင်း BT တယ်လီဖုန်းအိတ်ချိန်းရုံးနေရာတွင် စီးပွားရေးလုပ်ငန်းရှင် အုပ်စုတစ်ခုက ဆောက်လုပ်ခဲ့သော နေအိမ် ၃ လုံးအနက် တစ်ခု ဖြစ်သည်။)

(MBZ ၂၀၂၁ ခုနှစ်အတွင်း ဗြိတိန်သို့ အလည်အပတ်ခရီးစဉ်ရောက်ရှိစဉ် ဂုဏ်ပြုတပ်ဖွဲ့အား စစ်ဆေးကြည့်ရှုစဉ်)

(၂၀၂၀ ပြည့်နှစ်၊ ဒီဇင်ဘာလအတွင်းကလည်း ဝန်ကြီးချုပ် ဘောရစ်ဂျွန်ဆင်နှင့် တွေ့ဆုံရန် ဒေါင်းနင်းလမ်းသို့ ရောက်ရှိခဲ့ပုံ။ ကိုဗစ်ကာလဖြစ်သောကြောင့် လူချင်းခပ်ခွာခွာ မတ်တပ်ရပ်နေခြင်း ဖြစ်သည်)

MBZ က အဆိုပါစံအိမ်ကြီးကို ဝယ်ယူပြီး ရက်သတ္တ ၂ ပတ်အကြာတွင် နေအိမ်ကို ပြောင်းလဲဆောက်လုပ်ရန် စီမံကိန်း ခွင့်ပြုချက် လျှောက်ထားခဲ့ခြင်း ဖြစ်သည်။

MBZ အနေဖြင့် ဗြိတိန်သို့ လာရောက်လည်ပတ်ချိန်များတွင် ယခုစံအိမ်ကြီးကို အသုံးပြုနိုင်မည် ဖြစ်သည်။

အရိုက်အရာ ဆက်ခံမည့်မင်းသားဘဝ ၂၀၂၁ ခုနှစ်အတွင်းက MBZ သည် လန်ဒန်မြို့သို့ အလည်အပတ်ရောက်ရှိခဲ့ပြီး ဂုဏ်ပြုတပ်ဖွဲ့ကို ထိုစဉ်ကဝန်ကြီးချုပ် ဘောရစ်ဂျွန်ဆင်နှင့်အတူ စစ်ဆေးခဲ့ဖူးသည်။

ထို့အပြင် ကိုဗစ်ကာလအတွင်းကလည်း ဘောရစ်ဂျွန်ဆင်နှင့် လာရောက်တွေ့ဆုံဖူးသည်။

Ref: UAE president buys £65m Chelsea mansion complete with swimming pool, cinema room and car lift in one of London's biggest home purchases since the Covid pandemic

Photo Credit-dailymail