ပြည်ပ အိမ်ခြံမြေ သတင်း | Posted by ရွှေစင်ဝင်း
အမေရိကန်ပြည်၊ မက်ဆာချူးဆက်ပြည်နယ်တွင် နှစ်ပေါင်း ၁၄၃ နှစ် သက်တမ်းရှိ မီးပြတိုက်တစ်ခု အရောင်းဈေးကွက်ဝင်လာသည်။
မီးပြတိုက်တွင် ဝိဉာဉ် ၂ ခုက မကျွတ်မလွတ်ဘဲ ခြောက်လှန့်လျက်ရှိကြောင်း သတင်းကြီးနေသည်။
ခေါ်ဈေးမှာ ကန်ဒေါ်လာ ၁ ဒသမ ၂၅ သန်းဖြစ်ပြီး သမိုင်း၏ အစိတ်အပိုင်းတစ်ခုကို ပိုင်ဆိုင်ရမည့် ရှားပါးအခွင့်အလမ်းတစ်ခုဖြစ်ကြောင်း ဈေးကွက်တင်ကြော်ငြာတွင် ဖော်ပြသည်။
Borden Flats Light ဟုအမည်ရသော မီးပြတိုက်သည် မက်ဆာချူးဆက်ပြည်နယ်၊ Somerset မြို့၊ Taunton မြစ်ဝတွင် တည်ရှိသည်။
ထိုမီးပြတိုက်သည် လူအိပ်စက်နိုင်သည့်နေရာပါသည့် ကမ္ဘာ့တစ်ခုတည်းသော မီးပြတိုက်ဖြစ်သည်ဟု ဆိုသည်။
မီးပြတိုက်ကို ၁၈၈၁ ခုနှစ်တွင် ဆောက်လုပ်ခဲ့ပြီး ၁၉၆၃ ခုနှစ်အထိ မီးပြတိုက်စောင့်တစ်ဦး အချိန်ပြည့် ခန့်ထားခဲ့သည်။
ယင်းနောက်ပိုင်းတွင်မူ အလိုအလျောက်စနစ်ကို ပြောင်းလဲအသုံးပြုခဲ့သည်။
ထိုသို့ လူသူကင်းမဲ့သွားပြီးနောက်ပိုင်း မီးပြတိုက်မှာ ယိုယွင်းပျက်စီးလာခဲ့သည်။
လူသူမရှိသည့်အခြေအနေအတိုင်း ဆယ်စုနှစ်ပေါင်းများစွာရှိနေခဲ့ပြီး နောက်ပိုင်းတွင်မူ မီးပြတိုက်ကို လေလံတင်ရောင်းချခဲ့ရာ ဒေသခံတစ်ဦးဖြစ်သူ Nick Korstad က ဝယ်ယူခဲ့သည်။
Nick က ၆ နှစ်ခန့် အချိန်ယူကာ ပြန်လည်ပြုပြင်မွမ်းမံခဲ့ရာ ယခင်အတိုင်း အသစ်အနေအထားသို့ ပြန်လည်ရောက်ရှိလာသည်။
သို့သော် လွန်ခဲ့သော ၆ နှစ်တာအတွင်းတွင်ကား Kevin Ferias က ပိုင်ဆိုင်ခဲ့သည်။
(Borden Flats Light မီးပြတိုက်ကို ၁၈၈၁ ခုနှစ်တွင် စတင်အသုံးပြုခဲ့သည်။ ဓာတ်ပုံ-Kevin Ferias)
(ဝန်းကျင်ပင်လယ်ရှုမျှော်ခင်းများကို ကြည့်ရှုရန် နေရာကောင်းတစ်ခု။ ဓာတ်ပုံ-Kevin Ferias)
.jpg)
(မီးပြတိုက်ပိုင်ရှင်များဖြစ်သော Kevin နှင့် Mary တို့စုံတွဲ။ ဓာတ်ပုံ-Kevin Ferias)
Kevin သည် မီးပြတိုက်များနှင့် ပတ်သက်ပြီး အထူးဝါသနာကြီးသူဖြစ်သည်။
သူသည် ဗွီဒီယို၊ ဓာတ်ပုံသမားအဖြစ် ၄၃ နှစ်ခန့် လုပ်ကိုင်ခဲ့သူဖြစ်ကာ သူ၏ဘဝတွင် မီးပြတိုက်ပေါင်း ရာနှင့်ချီကာ ဓာတ်ပုံရိုက်ခဲ့ဖူးကြောင်း Kevin က ပြောသည်။
Kevin သည် အဆိုပါမီးပြတိုက်ကို ယခင်ပိုင်ရှင်ထံမှ ဒေါ်လာ ၂၄၀၀၀၀ ဖြင့် ဝယ်ယူခဲ့ခြင်း ဖြစ်သည်။
(မီးဖိုဆောင်မြင်ကွင်း။ ဓာတ်ပုံ-Kevin Ferias)
(သက်တောင့်သက်သာ အပန်းဖြေနိုင်မည့် သီးသန့်နေရာတစ်ခု။ ဓာတ်ပုံ-Kevin Ferias)
(မီးပြတိုက်ကို ဆည်းဆာအချိန်တွင် တွေ့ရပုံ။ ဓာတ်ပုံ-Kevin Ferias)
ကမ္ဘာအရပ်ရပ်မှ ကမ္ဘာလှည့်ခရီးသည်များက ဤမီးပြတိုက်ကလေးတွင် လာရောက်တည်းခိုကြမှုများရှိသည်။
Kevin က ဧပြီ၊ မေ၊ အောက်တိုဘာနှင့် နိုဝင်ဘာလများတွင် တစ်ညလျှင် တည်းခိုခ ၅၉၅ ဒေါ်လာ ကောက်ခံပြီး ဇွန်လမှ စက်တင်ဘာလအထိကာလတွင် တစ်ညလျှင် ၆၄၉ ဒေါ်လာ ကောက်ခံသည်။
(အဏ္ဏဝါဓာတ်ပုံများ ဝန်းပတ်ထားသော အိပ်ခန်း။ ဓာတ်ပုံ-Kevin Ferias)
(မှန်နံရံတို့ ဝန်းပတ်ထားသော မီးပြခန်းမှတဆင့် ပင်လယ်ရှုမျှော်ခင်းကို အပြောကျယ်စွာ တွေ့မြင်နိုင်သည်။ ဓာတ်ပုံ-Kevin Ferias)
(မီးပြတိုက်၏ သက်တမ်းမှာ ၁၄၃ နှစ်ရှိပြီ ဖြစ်သည်။ ဓာတ်ပုံ-Kevin Ferias)
Kevin ကပြောသည်မှာ မိမိတို့အနေဖြင့် အလုပ်များမှ အနားယူရန် အချိန်ကျရောက်ပြီဖြစ်ကြောင်း၊ မိမိမှာ အသက် ၆၅ နှစ်ဖြစ်ပြီး ဇနီးမှာ ၆၆ နှစ်ဖြစ်ကြောင်း၊ မိမိတို့မှာ နုပျိုသန်စွမ်းမှု မရှိတော့ကြောင်း၊ လာမည့်နှစ်တွင် အနားယူရန် စီစဉ်ထားပြီး မီးပြတိုက်ရောင်းချရသည့်ငွေဖြင့် ကျန်ရှိသည့် ဘဝသက်တမ်းအတွက် အသုံးပြုသွားမည်ဖြစ်ကြောင်း ပြောသည်။
မီးပြတိုက်တွင် တည်းခိုရန် ကြိုတင်စာရင်းပေးသွင်းထားသူများအလွန်များပြားပြီး နောင် ၇ နှစ်တာအတွက် ရက်ပြည့်ငှားရမ်းထားပြီးဖြစ်သည်ဟု ဆိုသည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: For Sale: $1.25 Million ‘Haunted’ Lighthouse Where You Can Actually Sleep in the Light Tower—If You Dare (realtor)
Photo Credit- Kevin Ferias
