စည်ပင်သာယာရေးကော်မတီမှ စီမံခန့်ခွဲပိုင်ခွင့်ရှိသောမြေ၊ ဥပဒေနှင့်အညီ လွှဲပြောင်းရယူ ထားပြီး ကော်မတီအမည်ပေါက် ရှိပြီးမြေ၊ လိုင်စင်မြေ၊ ပါမစ်မြေ၊ စကွာတာမြေ၊ စနစ်တကျမြို့ကွက်ဖော်ထုတ်ထားသည့် လူနေရပ်ကွက်အတွင်းရှိ ကျူးလွန်ခြင်းမြေ၊ ဂရန်ပေးစီမံချက်မြေတို့ကို မြေငှားဂရန် လျှောက်ထားခွင့်ရှိပါသည်။
စာရွက်စာတမ်းများ ပြည့်စုံကာ ရောင်းသူဝယ်ယူ စုံလင်ပါက ပါမစ်မြေအား ဂရန်အမည်ပေါက် လျှောက်ထားခြင်းပြုနိုင်ပြီး မြေယာစီမံခန့်ခွဲမှုဌာနမှ သတ်မှတ်အချိန်ကာလအတွင်း ဂရန်ရရှိမည်ဖြစ်ပါသည်။ ပါမစ်မြေအား (GP/SP)ဖြင့် ရောင်းသူကိုယ်စား ဆောင်ရွက်၍ မရပါ။မိမိဝယ်ယူသော ပါမစ် မြေမှ အမည်ပေါက်သူထံမှ တိုက်ရိုက်ဝယ်ယူမှု ဖြစ်ရန်လဲလိုပါသည်။
ဂရန်မြေများအား အခွန်ဆောင်သည့်အခါ ၁၈၈၉ ခုနှစ်၊ အထက်မြန်မာနိုင်ငံမြေနှင့် အခွန် စည်းမျဉ်း ဥပဒေအရ ပြုလုပ်သော နည်းဥပဒေ ၄၄(က)(၂) အရ လည်းကောင်း၊ အောက်မြန်မာနိုင်ငံတွင် ၁၈၉၈ခုနှစ်၊ အောက်မြန်မာနိုင်ငံမြို့နှင့် ကျေးရွာမြေများ ဥပဒေအရပြုလုပ်သော နည်းဥပဒေ-၁၇အရ လည်းကောင်း၊ စက်မှုလုပ်ငန်းနှင့် စီးပွားရေးလုပ်ငန်းများအတွက်ဖြစ်ပါက ၁၉၁၃ ခုနှစ် မြို့နှင့် ကျေးရွာ မြေများဆိုင်ရာ အမိန့်ဆင့်ဆိုချက် ၄၅ (ခခ)အရလည်းကောင်း ၊ မြေငှားရမ်းခ နှုန်းထားများကို မြေ၏ ကာလတန်ဘိုး၊ ငှားရမ်းခတန်ဘိုး တို့ဖြင့် သင့်လျော်စွာ မြေငှားခရမ်းခနှုန်းထား ကောက်ခံခြင်း ဖြစ်ကြောင်း ဖြေဆိုပေးလိုက်ပါသည်။
ဖြေဆိုသူ - iMyanmarHouse.com ၏ ဥပဒေအကြံပေး ပညာရှင်အဖွဲ့
