Local Property News | Posted by Hnin Ei Khin
မန္တလေးခရိုင် မဟာအောင်မြေ မြို့နယ် အတွင်းရှိ ၇၃ လမ်းမှ ၇၈ လမ်းထိ တိုက်ရိုက် ဖောက်လုပ်နေသည့် ၃၈ လမ်းသစ် ကို ဇွန်လ အတွင်း ဖွင့်လှစ်နိုင်ရန် လုပ်ဆောင်လျက် ရှိကြောင်း မန္တလေး မြို့တော် စည်ပင်သာယာရေး ကော်မတီက သိရသည်။
မန္တလေး မြို့တော် စည်ပင်သာယာရေး ကော်မတီဝင် ဦးကျော်ဆန်းမြင့်က “ အဲဒီလမ်းကို အမြန်ဆုံး ဖွင့်လှစ်ပေးနိုင်ဖို့ ကျ နော်တို့ အားလုံး ဝိုင်းဝန်း လုပ်ဆောင်နေကြပါတယ်။ လျှောက်လမ်းတွေကို ဆေးသုတ်တာ၊ မိုးတွင်းမှာ လမ်းပေါ်က မိုးရေတွေ လွယ်ကူစွာစီးဆင်းစေဖို့ လုပ်ဆောင်နေတာ။ ပန်းပင်တွေစိုက်ဖို့ Flower box တွေ လုပ်နေတာတွေ အပြင် မကြာခင် မြောင်းဖုံးတွေလည်း တပ်ဆင်မှာ ဆိုတော့ မြို့တော်ဝန် ပြောတဲ့ ရက်အမီ လမ်းဖွင့်လှစ်နိုင်ပါလိမ့်မယ်” ဟု ပြောသည်။
အဆိုပါ လမ်းကို ဖောက်လုပ်ရခြင်းမှာ ၇၈ လမ်းနှင့် ၇၃ လမ်းမှာ ယာဉ်ကြောကျပ်မှုများ ဖြစ်လာသည့် အတွက် ယာဉ်ကြောပိတ်ဆို့မှုများ လျော့နည်းကျဆင်းစေရန် ရည်ရွယ်၍ ၃၈ လမ်းဖောက်လုပ်ခြင်းဖြစ်ကြောင်းနှင့် လမ်းအလျားပေ ၂၈၀၀၊ အနံပေ ၈၀ ရှိကြောင်း သိရသည်။
၃၈ လမ်းကို တပ်မတော် ပိုင်မြေ ဧရိယာအား ဖြတ်သန်း၍ ၇၃ လမ်းမှ ၇၈ လမ်းထိ တိုက်ရိုက် ဖောက်လုပ်နေခြင်း ဖြစ်ကာ ယခုအခါ ရာနှုန်းပြည့် ပြီးစီးပြီ ဖြစ်ကြောင်း မန္တလေးတိုင်း ဒေသကြီး အစိုးရ အဖွဲ့ စည်ပင်သာယာရေးဝန်ကြီး၊ မန္တလေး မြို့တော်ဝန်ဒေါက်တာ ရဲလွင်၏ Facebook စာမျက်နှာ၌ ရေးသား ပြောဆိုထားသည်။
မြို့တော်ဝန် ဒေါက်တာ ရဲလွင်က “၃၈လမ်း နိုင်လွန် ခင်းပြီးသွားပါပြီ။ မဟာဗျူဟာလမ်း အသစ် ဖြစ်တာမို့ နိုင်ငံတကာ အဆင့်မီအောင် ကြိုးစားနေလို့ လမ်းဖွင့်ဖို့ အချိန် ခဏ စောင့်စေချင်ပါတယ်။ မန္တလေးမြို့ရဲ့ စံပြလမ်းတခု ဖြစ်လာမှာပါ။ ဇွန်လ ၁၉ ရက်မှာ ဖွင့်နိုင်ဖို့ အားသွန်ခွန်စိုက် ကြိုးစားနေပါတယ်”ဟု ပြောကြားထားသည်။
၃၈ လမ်း ဖောက်လုပ်ခြင်းကို တိုင်းအစိုးရ ဘတ်ဂျတ်ဖြင့် လုပ်ဆောင်ခဲ့ခြင်း ဖြစ်ပြီး လမ်းလျှောက် ပလက်ဖောင်းများ အား garden stone design နှင့် ဆေးအညိုရောင် သုတ်ခြင်း၊ ရေမြောင်းများ ပြုလုပ်ခြင်း၊ လမ်းမီး တပ်ဆင်ခြင်း၊ မီးပွိုင့် အသစ် တပ်ဆင်ခြင်း၊ သစ်ပင် ပန်းပင် စိုက်ပျိုးခြင်းများကို ပြုလုပ်လျက် ရှိကြောင်း သိရသည်။
အဆိုပါ လမ်းဖောက်လုပ်ရန် အတွက် ၂၀၁၃ ခုနှစ်က မန္တလေးတိုင်း အစိုးရအဖွဲ့အနေဖြင့် တပ်မတော်နှင့် ဆွေးနွေး ညှိ နှိုင်းမှုများ ပြုလုပ်ခဲ့ရာ တပ်မြေပိုင်ဆိုင်မှုနှင့် လူနေရပ်ကွက်၏ ပိုင်ဆိုင်မှု အငြင်းပွားမှုများ ရှိနေခဲ့ခြင်းကြောင့် ၂၀၁၄ ခုနှစ် တွင် ဆွေးနွေးမှုရပ်ဆိုင်းခဲ့သည်။
ထို့နောက် လက်ရှိ အစိုးရ လက်ထက်၌ ထပ်မံ ညှိနှိုင်းကြရာ ၂၀၁၇ ခုနှစ် ဇန်နဝါရီလက တပ်မတော်မှ ဖောက်လုပ်ခွင့်ပြုပေးခြင်းကြောင့် ၂၀၁၈-၁၉ ဘဏ္ဍာနှစ် မိနီ ဘတ်ဂျတ်ကာလတွင် စတင် လုပ်ဆောင်ခဲ့ခြင်း ဟု သိရသည်။
မန္တလေးမြို့ခံ ကိုနိုင်လင်းဦးက “ မန္တလေးမြို့က အခုကာလမှာ အရင်လို မဟုတ်တော့ဘူး။ လမ်းတွေ ပိတ်လာတော့ ခရီး ဖင့်လာတယ်။ အချိန်ပိုပေးနေရတယ်။ အရှေ့အနောက်တိုးလျှိုပေါက်တဲ့ လမ်းတွေထဲမှာ ၃၈ လမ်း ထပ်တိုးတာ ကောင်းပါတယ်။ ကျန်တဲ့ လုပ်လို့ရမယ့် နေရာတွေကိုလည်း ဆက်လုပ်ပေးပါလို့ ပြောချင်ပါတယ်” ဟု ပြောသည်။
ယခုအခါ ၇၃ လမ်းနှင့် ၇၈ လမ်းကို ဖြတ်သန်းရာတွင် အခြားလမ်းများက ဖြတ်သန်းနေကြရပြီး လမ်းကြောင်း နည်းပါးသည့် အပြင် ၇၃ လမ်းမှ ၇၈ လမ်းရှိ ၃၈ လမ်းသို့ သွားလိုလျှင် ၃၇ လမ်းမှ ပတ်၍ သွားနေရကြောင်း မြို့ခံများက ပြောဆိုသည်။
မန္တလေး မြို့တော် စည်ပင်သာယာရေး ကော်မတီအနေဖြင့် ယခု ဖောက်လုပ်နေသည့် ၃၈ လမ်း အပြင် ၄၁ လမ်းကိုလည်း ၇၈ လမ်းနှင့် လမ်း ၈၀ ကြား တိုက်ရိုက်ဖောက်လုပ်နိုင်ရန် စီစဉ် ဆောင်ရွက်နေလျက်ရှိကြောင်း သိရသည်။
Credit: irrawaddy
