Local Property News | Posted by Zarni Kyaw
ဆောက်လုပ်ရေးဝန်ကြီးဌာန၊ တံတားဦးစီးဌာန၊ တံတားတည်ဆောက်ရေးအဖွဲ့(၃)၊ တံတားအထူးအဖွဲ့(၁၀)မှ တည်ဆောက်မည့် ဆားတလင်း-ဒါးပိန်-ကျွဲကူးဆိပ်လမ်းနှင့် သပြု- ရှမ်းကံ-ကဝလမ်းအား ဆက်သွယ်မည့် ပဲခူးမြစ်ကူးတံတား (ဒါးပိန်-သပြု) မှာ ၂ဝ၂ဝပြည့်နှစ် စက်တင်ဘာလ (၃၀)ရက်တွင် စတင်အသုံးပြုနိုင်မည်ဟု ခန့်မှန်းထားဖြစ်ကြောင်း ဆောက်လုပ်ရေးဝန်ကြီးဌာနက သိရသည်။
အဆိုပါတံတားမှာအရှည်(၁၀၅၀)ပေ၊ ယာဉ်သွားလမ်း(၂၈)ပေ၊ လူသွားလမ်းတစ်ဖက်လျှင်(၃ပေ၃လက်မ)စီပါဝင်သည့် (၂)လမ်းသွားသံကူကွန်ကရစ်တံတားအမျိုးအစားဖြစ်ပြီး ရန်ကုန်တိုင်းဒေသကြီးနှင့် ပဲခူးတိုင်းဒေသကြီးအစိုးရအဖွဲ့တို့၏ ခွင့်ပြုရန်ပုံငွေ၊ ပြည်ထောင်စုအစိုးရအဖွဲ့၏ရန်ပုံငွေများဖြင့်တည်ဆောက်ခြင်းဖြစ်ပြီး ခန့်မှန်းတန်ဖိုးငွေကျပ် ( ၅၅၀၀ ) သန်းခန့်ကုန်ကျမည်ဖြစ်ကြောင်း အဆိုပါစီမံကိန်း ပန္နက်တော်တင်တွင်းတော်ဝန်းမင်္ဂလာ အခမ်းအနားပြုလုပ်သည့် ဧပြီလ ၆ ရက် က သိရသည်။
အဆိုပါတံတားသည် ပဲခူးတိုင်းဒေသကြီးဘက်တွင် သပြုမှတစ်ဆင့် ရှမ်းကံ-ကဝသို့ဆက်သွယ်သည့် လမ်းပေါ်တွင်တည်ဆောက်မည့်တံတားဖြစ်ပြီး ကဝမြို့မှပဲခူးမြို့သို့လည်း ကျိုက်ပဒိုင်-တာဝ-ဖလေးလမ်းမှတစ်ဆင့် တိုက်ရိုက်ရောက်ရှိမည့်လမ်းလည်းဖြစ်ကြောင်းရသည်။
ပဲခူးမြစ်ကူးတံတား(ဒါးပိန်-သပြု)တံတားကြီးတည်ဆောက်ပြီးစီးသွားပါက ပဲခူးတိုင်းဒေသကြီးဘက်ရှိ အုန္နဲ၊ သက္ကလ၊ သနပ်ပင်မြို့များမှဒေသခံပြည်သူများ အဆိုပါတံတားကိုအသုံးပြု၍ ရန်ကုန်တိုင်းဒေသကြီးသို့လွယ်ကူစွာသွားလာနိုင်မည်ဖြစ်ပြီး ရန်ကုန်တိုင်းဒေသကြီးဘက်ခြမ်းတွင်လည်း ဤတံတားမှတစ်ဆင့် ရန်ကုန်အပြင်မြို့ပတ်လမ်းသို့ ချိတ်ဆက်ရမည့် တံတားဖြစ်သည့်အတွက် လည်း အလွန်အရေးပါသောတံတားဖြစ်သည်။
ယခုအခါ ပဲခူးမြစ်ကိုဖြတ်၍ ဖြတ်သန်းဖေါက်လုပ်ထားသည့် ပဲခူးမြစ်ကူးတံတား(၇)စင်းရှိပြီဖြစ်ပြီး ယခုတည်ဆောက်မည့်ပဲခူးမြစ်ကူးတံတား(ဒါးပိန်-သပြု)တံတားသည် ပဲခူးတိုင်းဒေသကြီးအတွင်း(၆)စင်းမြောက်တံတားဖြစ်ကြောင်း၊ပဲခူးတိုင်းဒေသကြီးအတွင်းတွင် ပဲခူးမြို့ရှောင်လမ်းပေါ်ရှိ ပဲခူးမြစ်ကူးတံတား၊ ပဲခူးမြို့အတွင်းရှိပဲခူးမြစ်ကူးတံတား၊ ကဝမြို့နယ်ရှိပဲခူးမြစ်ကူးတံတား(ကဝ)တံတားတို့ တည်ဆောက်ပြီးဖြစ်ကာ ယခုအခါကဝမြို့ရှောင်လမ်းပေါ်ရှိ ပဲခူးမြစ်ကူးတံတားနှင့် ပဲခူးမြစ်ကူးတံတား(မြို့ဦးကင်း)တို့ကိုလည်း တည်ဆောက်နေပြီဖြစ်ကြောင်း သိရသည်။
Credit: Pyi Myanmar
