အိုးအိမ် ဘောဂဗေဒ

အိမ်ဈေးနှုန်းများ မတရား မြင့်တက်နေသည်။ အိမ် ဈေးနှုန်းများ ကျဆင်းစေချင်လျှင် အိမ်များများ ဆောက်လုပ်ပေးရမည်ဖြစ်၏။ အိမ်များများ ဆောက်လုပ်ပေးနိုင်လျှင် အိမ်ဈေးနှုန်းများ ကျဆင်းသွားမည်ဖြစ်သည်။ ဤယုတိ်္တဗေဒကို အငြင်းပွားစရာ မရှိ၊ မှန်ကန်သည်ဟု လူအများ ယူဆ လက်ခံထားကြသည်။ မကြာသေးသော ဆယ်စုနှစ်များ က ဗြိတိန်တွင် အိမ်ဈေးနှုန်းများ ခေါင် ခိုက်အောင် မြင့်တက်ခဲ့သည်။ ၁၉၉၆ ခုနှစ်မှစ၍ အိမ်ဈေးနှုန်း ၁၆၁ ရာခိုင်နှုန်း ခုန်တက်သွားခဲ့ပါ၏။ မြို့ကြီးများ၏ ၀န်းကျင် ကျေးလက်တောရွာနယ်ပယ်များကို မြ စိမ်းရောင် ဇုန်နယ်မြေအဖြစ် သတ်မှတ် ထားပြီး ဆောက်လုပ်ရေးသမားများအား အိမ်ရာဆောက်လုပ်ခွင့် တားမြစ်ထားသော ကြောင့် ဖြစ်၏။ အကယ်၍ နိုင်ငံရေးသမားများ က ထိုတားမြစ်ချက်ကို ဖယ်ရှားပြီး၊ အိုး အိမ်ဆောက်လုပ်ခွင့် ပြုမည်ဆိုလျှင် အိုး အိမ် ပိုမိုဆောက်လုပ်လာနိုင်မှာဖြစ်ပြီး အိမ်ဈေးနှုန်းများ ထိုးကျကာ လူအတော် များများ အိမ်ရာဝယ်ယူနိုင်ကြမည် ဖြစ် သည်။ ထို့အပြင် အိုးအိမ်ပိုင်ဆိုင်မှု ကျဆင်းနေမှုကိုလည်း ရပ်တန့်နိုင်မည် ဖြစ် ၏။ ၁၉၉၁ ခုနှစ်က ဗြိတိန်တွင် အသက် ၂၅ နှစ်မှ ၃၅ နှစ်ထိ လူငယ်လူရွယ်များ အိမ်ပိုင်ဆိုင်မှုမှာ ၆၇ ရာခိုင်နှုန်းရှိခဲ့သည်။ ယနေ့တွင် ၃၇ ရာခိုင်နှုန်းသာရှိပါ၏။ လူငယ်လူရွယ်များ၏ အိမ်ရာပိုင်ဆိုင်မှုမှာ ခေါက်ချိုးကျသွားသည်။ သို့ဖြစ်၍ မူဝါဒ ရေးဆွဲသူများက အိမ်ရာများ ပိုမိုဆောက် လုပ်သင့်သည်ဟု ယုံကြည်လာကြသည်။

သို့သော် ထိုအချိန်တွင် ဘောဂ ဗေဒအသိုင်းအ၀ိုင်း၌ အတွေးအမြင်သစ် တစ်ခု ပေါ်ထွက်လာသည်။ Oxford Economics rS Jan Mutheirn က အိမ် ဈေးနှုန်းများ မြင့်တက်နေခြင်းသည် အိမ် ရာဆောက်လုပ်မှု လျော့နည်းပြတ်လပ် ခြင်းနှင့် သိပ်ပြီး ပတ်သက်မှုမရှိဟု ဆိုသည်။ သူက အိမ်ဈေးနှုန်းများ မြင့်တက် မှုသည် ဂလိုဘယ်ဘဏ္ဍာရေး ဈေးကွက် များ (global financial markets) ကြောင့် ဖြစ်သည်ဟု လက်ညှိုးထိုးပြသည်။ ဗြိတိန်၏ အိမ်ရာဈေးကွက်ကို လေ့လာခဲ့ကြသူ အတော်များများက အိုးအိမ်အရေအတွက် တစ်ရာခိုင်နှုန်းမြင့် တက်လျှင် အိမ်ဈေးနှုန်း နှစ်ရာခိုင်နှုန်း ကျဆင်းသွားကြောင်း ဆက်စပ်ပြခဲ့ကြ သည်။ ဤအချက် မှန်ကန်သည်ဆိုလျှင် ရောင်းလိုအား ကန့်သတ်မှုများက ဗြိတိန် မှာလောက်ကြီးမားသော တိုးတက်မှုကို မရှင်းပြနိုင်ပေ။ ဤကိန်းဂဏန်းများကို အသုံးပြုလျက် Mr Mulheirn က တွက် ချက်ပြသည်။ အကယ်၍ ဗြိတိန်သည် ၁၉၉၆ ခုနှစ်မှစ၍ တစ်နှစ်လျှင် အိမ်ရာ ၂၀၀၀၀၀ ဆောက်လုပ်မည့်အစား အိမ်ရာ ၃၀၀၀၀၀ ဆောက်လုပ်ခဲ့မည်ဆိုလျှင် ဗြိတိန်၏ လက်ဝယ်ရှိ အိမ်ရာလက်ကျန် (housing stock) ကို ကိုးရာခိုင်နှုန်း ထပ် ပေါင်းထည့်ခြင်း ဖြစ်သော်လည်း၊ ၁၉၉၆ ခုမှ ၂၀၁၇ ခု ထိ ကာလအတွင်း အမှန် တကယ် အိမ်ဈေးနှုန်းမှာ ၁၃၄ ရာခိုင်နှုန်း မြင့်တက်နေဦးမည်ဟု သူကဆိုသည်။ အကြောင်းပြချက်မှာ ဤသို့ ဖြစ်သည်။ အိုးအိမ်ကို ဘဏ္ဍာရေးအရ အဖိုးတန်ပစ္စည်း ပိုင်ဆိုင်မှု (financial asset) တစ်ခုအဖြစ် ရှုမြင်ခဲ့လျှင် အမှန် တရားကို တွေ့မြင်နိုင်သည်ဟု ဆိုပါ၏။ ဘဏ္ဍာရေးအက်ဆက်က ၀င်ငွေကို ဖန် ဆင်းသည်။ အိမ်အငှားချထားသူထံမှ အိမ် ကို ငှားရမ်းလျှင် ငှားရမ်းခ (rent) ပေးရ သည်။ ကိုယ်တိုင် အိမ်ပိုင်ဆိုင်လျှင် ငှားရမ်းခ သက်သာသည်။ တစ်နည်းပြောလျှင် အဆိုပါ အိမ်ငှားရမ်းခကို စုမိဆောင်းမိ သည်။ အားလုံးသော ၀င်ငွေစီးကြောင်း များကဲ့သို့ပင် ဤ၀င်ငွေကို အတိုးနှုန်း (interest rate) အသုံးပြုပြီး တန်ဖိုးဖြတ်နိုင် သည်။ စတော့များက အစုပေါ်အမြတ်များ (dividends) ပေးသည်။ ဘွန်းများ ((bonds) ကလည်း ကူပွန်များ (အတိုးများ) ပေးသည်။ ထိုနည်းတူပင် ငှားရမ်းခအပေါ် လစဉ် စုဆောင်းငွေများ (savings) ကို အိမ်ဈေး နှုန်း (house prices) အဖြစ် အရင်းပြုနိုင် ပါသည်။ ဂလိုဘယ်အတိုးနှုန်းများ ထိုးကျ သွားသောအခါ အဆိုပါ စုဆောင်းငွေများ မှာ တန်ဖိုးမြင့်တက်သွားတော့သည်။

• 
• 

ဤအကြောင်းအရာကိုပင် နောက် တစ်နည်းပြောနိုင်ပါသေးသည်။ အိမ်ဈေး နှုန်းများကို အိမ်ပိုင်ဆိုင်မှုအတွက် ကုန်ကျ စရိတ် (cost of home ownership) နှင့် အိမ်ငှားရမ်းခတို့ တူညီသည်အထိ ဈေးနှုန်း အဆိုပြုနိုင်သည် သို့မဟုတ် bid up ကစ လုပ် နိုင်သည်။ (အိမ်ပိုင်ဆိုင်မှုအတွက် ကုန်ကျ စရိတ်ဆိုရာတွင် ဘဏ်၌အိမ်ပေါင်နှံခဲ့ရ လျှင် ပေးရမည့်အတိုးနှင့် တစ်နေရာရာ၌ ရင်းနှီးမြှုပ်နှံရန် အခွင့်အလမ်း ဆုံးရှုံးမှု တို့ ပါဝင်သည်) လွန်ခဲ့သော ဆယ်စုနှစ် နှစ်ခုကျော်ကျော်လောက်တွင် အရင်း၏ အမှန်တကယ် ကုန်ကျစရိတ်သည် အကြမ်း အားဖြင့် ထက်ဝက်ခန့်ကျဆင်းသွားခဲ့ ကြောင်း Mr Mulheirn က ထောက်ပြ သည်။ သို့ဆိုလျှင် ဈေးနှုန်းများသည် အကြမ်းအားဖြင့် နှစ်ဆမြင့်တက်သွားမည် ဟု သင့်အနေဖြင့် မျှော်လင့်နိုင်သည်။ အိမ်ငှားရမ်းခ ရငွေများကို ဘွန်း ရငွေများနှင့် ယှဉ်ပြိုင်နိုင်သော ပွိုင့်တစ်ခု သို့ရောက်သည်အထိ ဈေးနှုန်းအဆိုပြုမှု ကို မြှင့်တင်မည်ဆိုလျှင် အိမ်ထောင်စုများ နေဖြင့် အိမ်ပေါင်ချေးငွေ လုံလုံလောက် လောက် ရရှိရန် လိုသည်။ အကယ်၍အိမ် ရာဆောက်လုပ်မှုကို “ဘဏ္ဍာရေးပုံသွင်း ခြင်း” (financialisation) မရှိပါက ထိုသို့ သော ချေးငွေများကို ရရှိနိုင်မည်မဟုတ် ပေ။ အိမ်ပေါင်ခံ ငွေထုတ်ချေးမှုအား ဖြေလျော့ပေးခြင်းကို တစ်ခါတစ်ရံ နိုင်ငံ ခြား အရင်းအနှီးများက ဘဏ္ဍာငွေဖြည့် တင်းပေးတတ်သည်။ တကယ်လည်း ၁၉၈၀ နှစ်များနှင့် ၁၉၉၀ နှစ်များတွင် ဗြိတိန်၌ ယင်းသို့ နိုင်ငံခြားရင်းနှီးမြှုပ်နှံမှုများက ရန်ပုံငွေဖြည့်တင်းပေးခဲ့သည်။ ဤသို့သော ပြုပြင်ပြောင်းလဲမှုတစ်ခုမှာ ၁၉၉၆ ခုနှစ် က ငှားစားရန်အတွက် ၀ယ်ယူသော အိမ် ပေါင်ချေးငွေများ (buy-to-let mortgages) ပေါ်ထွက်လာခဲ့ခြင်းဖြစ်သည်။ ထိုဖြစ်ရပ် က တစ်ဦးချင်း ရင်းနှီးမြှုပ်နှံသူများကို အိမ်ပိုင်ရှင်များ ဖြစ်လာစေပြီး အိမ်ခြံမြေ ဈေးကွက်တွင် ဈေးကစားရန် လွယ်ကူ ချောမောစေခဲ့သည်။ ယင်းသို့ ဈေးကစား ရာတွင် နိုင်ငံခြား ရင်းနှီးမြှုပ်နှံသူများက လည်း သွေးရူးသွေးတန်း ပါဝင်လာခဲ့နိုင် ပါ၏။

အကယ်၍ ဘဏ္ဍာရေးအခြေ အနေများက အိမ်ဈေးနှုန်းများ အလွန် အမင်း မြင့်တက်စေရန် တွန်းထိုးပေးနိုင် သည်ဆိုလျှင် အိမ်ရာဆောက်လုပ်မှု လျော့နည်းမှု ရှိမရှိ ဘယ်လိုပြောနိုင်မလဲ။ ယင်းအတွက် နည်းလမ်းတစ်ခုမှာ အိမ် ငှားရမ်းခများ (rents) ကို ကြည့်ရန်ဖြစ် သည်။ အိမ်ငှားရမ်းခများသည် ဘဏ္ဍာ ရေးအစိတ်အပိုင်းမပါဝင်ဘဲ နေထိုင်ရန် နေရာတစ်ခု (a place to live) အတွက် ရောင်းလိုအားနှင့် ၀ယ်လိုအား (supply and demand) သက်သက်အပေါ်၌သာ စဉ်းစားလုပ်ဆောင်သည်။ အိမ်ငှားရမ်းခ များက အံ့သြလောက်အောင် ကွဲပြား ခြားနားသော ပန်းချီကားတစ်ချပ်ကို ရေး ဆွဲပြသည်။ ယင်းမှာ တခြားမဟုတ်။ ဗြိတိန် တွင် အိမ်ငှားရမ်းခများမှာ ၂၀၀၅ ခုနှစ် မှ စ၍ အမှန်တကယ် ကျဆင်းနေခြင်း ဖြစ်ပါ၏။ အလွန်ဈေးကြီးသည့် လန်ဒန် မြို့တွင်ပင် အိမ်ငှားခများမှာ ဈေးမြင့်သည် ဆိုသော်လည်း လေးရာခိုင်နှုန်းအောက်၌ သာရှိသည်။ ဤတွင် အချို့သော အချက်အ လက်များကို ထည့်သွင်းစဉ်းစားရန် လို လာသည်။ တစ်ကမ်္ဘာလုံးတွင် အမှန် တကယ် အတိုးနှုန်းများ ကျဆင်းလျက်ရှိ သည်။ သို့ပါလျက်၊ အိမ်ရာဆောက်လုပ်မှု အလားအလာနှင့် အိမ်ငှားရမ်းခရငွေများ မှာ နိုင်ငံတစ်နိုင်ငံနှင့် နိုင်ငံများစွာအတွင်း ကျယ်ကျယ်ပြန့်ပြန့် ကွဲပြားခြားနားလျက် ရှိသည်။ ပမာအားဖြင့် လန်ဒန်မြို့မြောက် ပိုင်း လူကုံထံများနေထိုင်ရာ ရပ်ကွက်တွင် အိမ်ငှားရမ်းခမှာ သုံးရာခိုင်နှုန်းအောက် ၌ရှိပြီး၊ Liverpool မြို့၏ အချို့သော နေရာများတွင် ၁၀ ရာခိုင်နှုန်းအထက်၌ ရှိသည်။ ဂလိုဘယ်အတိုင်းအတာအရ အောင်မြင်နေသော မြို့ကြီးအတော်များ များတွင် အိမ်ငှားရမ်းခများမှာ အကြီး အကျယ် မြင့်တက်လျက်ရှိသည်။ ဥပမာ San Francisco တွင် အိမ်ငှားရမ်းခမှာ ၂၀၀၅ ခုနှစ်ကထက် ၃၁ ရာခိုင်နှုန်း မြင့်မားနေသည်။ ဤသို့သော နေရာများ တွင် ရောင်းလိုအားပိုကောင်းလာပါက အကျိုးအမြတ် အများကြီးရှိနိုင်သည်။ အမျိုးသား စီးပွားရေးအပေါ်၌လည်း အကျိုးသက်ရောက်မှုရှိနိုင်ပါ၏။ လန်ဒန်မြို့တွင် အိမ်ဈေးနှုန်း များ မြင့်တက်နေမှုက နောင်တစ်ချိန်တွင် အိမ်ရာဆောက်လုပ်မှုများ အကန့်အသတ် ရှိလာနိုင်သည်ဆိုသောအချက်ကို မီးမောင်း ထိုးပြလျက်ရှိသည်။ ယင်းသို့သော ကန့် သတ်ချက်များကြောင့်၊ အနာဂတ်၌ လန်ဒန် မြို့ကြီး ဆက်လက်ပိုမိုတိုးတက် စည်ပင် လာသည်နှင့်အမျှ ကြီးမားသော ဆိုးကျိုး သက်ရောက်နိုင်သည်။ အိမ်ငှားရမ်းခများ ကလည်း မိုးထိုးအောင် ထောင်တက်သွား မည် ဖြစ်ပါ၏။

အတိုးနှုန်းများနှင့် အိမ်ဈေးနှုန်း များအကြား သမိုင်းကြောင်းအရ ဆက်စပ် မှုမှာ အားပျော့သည်။ အဘယ်ကြောင့်ဆို သော် အနာဂတ်အရင်းအနှီး မြတ်စွန်းမှု များ (future capital gains) အတွက် ကြို တင်ခန့်မှန်းမှုများသည် အိမ်ခြံမြေဈေးကွက် ပူဖောင်းကို ဖောင်းပွနိုင် ကျုံ့ပစ်နိုင်သည့် အရာများ ဖြစ်သောကြောင့် ဖြစ်၏။ အမေရိက၊ အိုင်ယာလန်နှင့် စပိန်နိုင်ငံ များသည် ၂၀၀၀ ပြည့်လွန်နှစ်များ၏ အလယ်လောက်တွင် အတိုးနှုန်းများ မြင့် မားနေလင့်ကစား အိမ်ခြံမြေဈေးနှုန်း တိုး တက်ကောင်းမွန်မှုနှင့် ကြုံကြိုက်ခဲ့ဖူးကြ သည်။ သို့သော် ဂျပန်နိုင်ငံတွင် ဆယ်စု နှစ်ချီ၍ အတိုးနှုန်းများ နိမ့်ကျနေခဲ့သော် လည်း ၁၉၈၀ နှစ်များ၏ နှောင်းပိုင်းကာလ နှင့် ၁၉၉၀ နှစ်များ၏ အစောပိုင်းကာလ က ဈေးကစားမှုများကြောင့် ရောက်ရှိခဲ့ သော အမြင့်ဆုံးအိမ်ဈေးနှုန်းများ စံချိန် သို့ ပြန်မရောက်တော့ပေ။ ဤအကြောင်းအရာတို့မှာ Mr Mulheirn ၏ ယုတိ်္တဗေဒအပေါ် တည် ဆောက်ထားခြင်းဖြစ်သည်။ သို့သော် သူ့ ယုတိ်္တကိုကား ဖြိုဖျက်ပစ်ရန် မလိုပေ။ တကယ်တော့ စွန့်စားဈေးကစား၍ ဗလောင်ဆူလာသည့် အန္တရာယ်သည် ရောင်းလို အားအပေါ် သိပ်ပြီးအာရုံ မစိုက်ရန် အကြောင်းပြချက်တစ်ခုအဖြစ် သင့်အနေဖြင့် စောဒကတက်နိုင်သည်။ ၂၀၀၀ ပြည့် လွန်နှစ်များက လွတ်လွတ် လပ်လပ်အိမ်ရာ အများအပြားဆောက်လုပ် ခဲ့ကြသော နိုင်ငံများသည် ၂၀၀၇-၂၀၀၈ ဘဏ္ဍာရေးပြိုလဲမှု ဖြစ်ပေါ်ခဲ့ပြီးနောက်ပိုင်း ၌ အကြီးအကျယ် စီးပွားရေးပြိုလဲပျက်စီး ရမှုများနှင့် ကြုံတွေ့ခဲ့ကြရသောကြောင့် ဖြစ်ပါ၏။ ထိုအချိန်က ထိုနိုင်ငံများတွင် အထူးသဖြင့် အမေရိကန်နိုင်ငံမှ Nevada ပြည်နယ်နှင့် စပိန်နိုင်ငံဒေသအချို့တွင် ခြောက်သယောင်းနေသော မြို့များနှင့် လူမနေသော အိမ်များသာ ကျန်ရစ်ခဲ့ တော့သည်။

အိမ်ဈေးနှုန်း မြင့်မားမှုအတွက် ဘဏ္ဍာရေးပုံသွင်းခြင်းနှင့် အတိုးနှုန်းများ နိမ့်ကျနေခြင်းကို အပြစ်တင်ရန်သာရှိ တော့သည်ဟု ဆိုကြပါစို့။ သို့ဆိုလျှင် မူဝါဒ ရေးဆွဲသူများအနေဖြင့် ဘာလုပ်သင့်ပါ သလဲ။ အိမ်ပေါင်ငွေထုတ်ချေးမှု (mortga-ge lending) အပေါ် တင်းကျပ်မှုကြီးမား သော ဂျာမနီကဲ့သို့သော နိုင်ငံများတွင် ဗြိတိန်နှင့် နှိုင်းစာလျှင် ရေရှည်၌ အိမ် ဈေးနှုန်း မြင့်တက်မှု အလွန်လျော့နည်း သည်။ သို့သော် ထိုနိုင်ငံများတွင် အိုးအိမ် ပိုင်ဆိုင်မှုနှုန်းကလည်း လျော့နည်းသည်။ ထို့ကြောင့် ဗြိတိန်က နိုင်ငံရေးသမားများ အတွက် ဆွဲဆောင်နိုင်စွမ်းရှိမည်မဟုတ် ပေ။ ဗြိတိန်တွင် “အိမ်ရာအဆောက်အအုံ လှေကားကို ဖက်တွယ်တက်နိုင်ခြင်း” ကို ဘဏ္ဍာရေးလုံခြုံမှုအတွက် အရေးပါသည် ဟု ရှုမြင်ကြသည်။ ငှားစားရန်အတွက် အိမ်ဝယ်ယူ သည့် ရင်းနှီးမြှုပ်နှံသူများကို တကယ်တော့ အားမပေးသင့်ပေ။ ဟန့်တားသင့်သည်။ လွန်ခဲ့သော နှစ်အနည်းငယ်က ဗြိတိန်တွင် ထိုသို့ ငှားစားရန်အတွက် အိမ်ဝယ်ယူသူ များကို မြင့်မြင့်မားမား အခွန်စည်းကြပ် ကာ ထိုးနှက်ခဲ့ဖူးပါသည်။ သို့သော် ထိုလုပ်ရပ်မှာ ယခုအခါ ထင်သလောက် ထိ ရောက်မှုရှိမည်မဟုတ်တော့ပေ။ အဘယ် ကြောင့်ဆိုသော် ငှားစားရန် အိမ်ဝယ်ယူနေကြသည့် ရင်းနှီးမြှုပ်နှံသူ တစ်ဦးချင်းစီ၏ နေရာတွင် အရင်းအနှီးဈေးကွက် များကို အလွယ်တကူ ၀င်ထွက်နိုင်ကြ သည့် ပရောဖက်ရှင်နယ် စီးပွားရေးလုပ်ငန်းကြီးများက ၀င်ရောက်နေရာယူလာ ကြသောကြောင့် ဖြစ်၏။ ထို့ပြင် အိမ်ဝယ် ယူသူများအား အစိုးရက ပိုမိုထောက်ကူ ပံ့ပိုးပေးမည်ဆိုပါကလည်း အိမ်ဈေးနှုန်း မှာ ထို့ထက်မက ဖောင်းပွသွားမည်သာ ဖြစ်ပါ၏။ သို့ဆိုလျှင် သင့်တင့်လျောက် ပတ်သော ချဉ်းကပ်နည်းတစ်ခုမှာ အိမ် ငှားရမ်းခမြင့်တက်နေသော နေရာများ တွင် အိုးအိမ်ပိုမိုဆောက်လုပ်ရန်ဖြစ်သည်။ အိမ်ငှားနေရသူများ၏ ဘ၀ကို သက်သာ အောင် လုပ်ပေးရမည်။ အိမ်ဝယ်ယူခြင်း ကို ဘ၀၏မှတ်တိုင်တစ်ခု (a rite of passage) အဖြစ် သဘောထားသည့် အမြင် ကို ဖြည်းဖြည်းချင်း ရွှေ့ပြောင်းစွန့်ပစ်ရ မည် ဖြစ်သည်။ ဘဏ္ဍာရေးပုံသွင်းခြင်း ပါဝင်ပတ်သက်လာမှုကြောင့် အတိုးနှုန်း များ မြင့်တက်လာခြင်းသည် ဆယ်စုနှစ် ပေါင်းများစွာ တိုးတက်ဖြစ်ထွန်းလာခဲ့ သော အိမ်ရာဆောက်လုပ်ရေးလုပ်ငန်း များကို ပြောင်းပြန်လှန်ပစ်နိုင်ပါ၏။

လောလောဆယ် ဂလိုဘယ်အ တိုးနှုန်းများ တဖြည်းဖြည်းမြင့်တက်လာ သည့်အတွက် ချမ်းသာသောနိုင်ငံများမှ အိမ်ရာဈေးကွက်များမှာ ဒယီးဒယိုင်ဖြစ် လာနေသည်။ ဗြိတိန်အနေဖြင့် ဥရောပ သမဂ်္ဂမှ ခွဲထွက် (Brexit) ရန် ပြင်ဆင်နေ ချိန်ဖြစ်၍ လန်ဒန်မြို့တွင် အိမ်ရာဝယ်လို အား ထိခိုက်လျက်ရှိသည်။ လွန်ခဲ့သော နှစ် (၂၀၁၇) က အမှန်တကယ် အိမ်ဈေး နှုန်းများမှာ နှစ်ရာခိုင်နှုန်းကျော် ကျဆင်း သွားခဲ့ရသည်။ ပထမဆုံး အိမ်ဝယ်ယူရန် ခြစ် ခြစ်ကုတ်ကုတ်ဖြင့် ဘဏ်များတွင် ကြီးမား သော အပ်နှံငွေများ (deposits) ကြိုးကြိုး စားစား ထည့်သွင်းနေကြသည့် လူငယ် များအနေဖြင့် ရောင်းလိုအားဘက်အမြင် ကို လက်မခံကြသူများမှာ မှန်ကန်သည် ဟု မြင်သင့်သည်။ အကယ်၍ ထိုသို့ဆို လျှင် မြင့်မားသော အိမ်ဈေးနှုန်းပြဿနာ သည် သူ့ဘာသာသူ ပျောက်ကွယ်သွား နိုင်ပါ၏။

Ref: 'Free exchange: Home economic' The Economist, Nov 28,2018.

မင်းရွှေမောင် ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com