Local Property News | Posted by Shwe Zin Win
တန်ဖိုးနည်းအိမ်ရာများကို အိမ်ရာအပေါင်ချေးငွေ ဝယ်ယူလိုသည့်ပြည်သူများအတွက် ချေးငွေအတိုးနှုန်း (၁၃) ရာခိုင်နှုန်းအစား သက်သာသောအိမ်ရာချေးငွေ အတိုးနှုန်း ၈ ဒသမ ၅ ရာခိုင်နှုန်းဖြင့် ချေးပေးရန်လုပ်ဆောင်နေကြောင်း ရန်ကုန်တိုင်းဒေသကြီးအစိုးရအဖွဲ့ စိုက်ပျိုးရေး၊ လျှပ်စစ်၊ စက်မှုလက်မှုနှင့် လမ်းပန်း ဆက်သွယ်ရေးဝန်ကြီး ဒေါ်နီလာကျော်ကပြောဆိုသည်။
အဆိုပါအစီအစဉ်ကို ဂျပန်အစိုးရနှင့် မြန်မာအစိုးရ ပူးပေါင်းလုပ်ဆောင်သွားမည်ဖြစ်ကြောင်းလည်း ၀န်ကြီးဒေါ်နီလာကျော်ကပြောသည်။ဖေဖော်ဝါရီလ ၂၅ ရက်ကပြုလုပ်သည့် ရန်ကုန်တိုင်းလွှတ်တော်အစည်းအဝေးတွင် လမ်းမတော်မြို့နယ်၊ မဲဆန္ဒနယ်အမှတ်(၂) လွှတ်တော်ကိုယ်စားလှယ် ဦးကျော်ထွန်း၏ မေးမြန်းမှုနှင့်စပ်လျဉ်း၍ ဖြေကြားရာတွင် ထည့်သွင်းပြောဆိုခဲ့ခြင်းလည်းဖြစ်သည်။
" နှစ်နိုင်ငံအကြား အစိုးရဌာန များ၏ မူဘောင်၊ လုပ်ထုံးလုပ်နည်းများ ညှိနှိုင်းခြင်း၊ ဆက်နွယ် စီမံဆောင်ရွက်ရမည့် စီမံကိန်းနှင့်ဘဏ္ဍာရေးဝန်ကြီးဌာန၊ ဆောက်လုပ်ရေးဝန်ကြီးဌာန၊ မြန်မာနိုင်ငံတော်ဗဟိုဘဏ်၊ ငွေတိုက်ဦးစီးဌာန၊ မြို့ပြနှင့် အိမ်ရာဖွံ့ဖြိုးရေးဦးစီးဌာန၊ မြန်မာ့ စီးပွားရေး ဘဏ်နှင့် ဆောက်လုပ်ရေး၊ အိမ်ရာနှင့် အခြေခံအဆောက်အအုံ ဖွံ့ဖြိုးရေးဘဏ်တို့အကြား လုပ်ဆောင်ရမည့် လုပ်ထုံးလုပ်နည်း၊ စည်းမျဉ်းစည်းကမ်း ညှိနှိုင်းရခြင်းများတို့ကြောင့် အချိန်ယူရ သဖြင့် အိမ်ရာချေးငွေလုပ်ငန်း ဖွံ့ဖြိုးတိုးတက်ရေး ဦးစီးကော်မတီ ၏ပထမအကြိမ် အစည်းအဝေးကို ဇန်နဝါရီ ၁၀ ရက်နေ့မှာ စတင် ဆောင်ရွက်နိုင်ခဲ့ပြီး အတိုးနှုန်း သက်သာသော အိမ်ရာချေးငွေ ထုတ်ချေးရန် အသင့်ရှိလျက်ရှိပါတယ် " ဟု ဝန်ကြီးက ပြောဆိုခဲ့သည်။
မင်းချို ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com
