Local Property News | Posted by Aye Myat Thu
ရန်ကုန်တိုင်းဒေသကြီး၊ သန်လျင်မြို့နယ်တွင် မြို့ပြနှင့် အိမ်ရာဖွံ့ဖြိုးရေးဌာနမှ တည်ဆောက်ထားသော သီလဝါတန်ဖိုးနည်းအိမ်ရာ အခန်းများကို လျှပ်စစ်မီးသွယ်တန်းပြီးပါက ရောင်းချသွားမည်ဖြစ်ကြောင်း မြို့ပြနှင့် အိမ်ရာဖွံ့ဖြိုးရေးဌာနမှ သိရသည်။
ထို့ကြောင့် သီလဝါတန်ဖိုးနည်းအိမ်ရာစီမံကိန်းတွင် လျှပ်စစ်မီးသွယ်တန်းရန် စိတ်ဝင်စားသူများအား ယခုလ (၈)ရက်မှ စတင်ကာ ခေါ်ယူလျက်ရှိကြောင်း သိရသည်။
“ ဒီအိမ်ရာက အခန်းတွေကို သီလဝါဝန်ထမ်းတွေကိုလည် ရောင်းချပေးမှာပါ။ တည်ဆောက်မှုပိုင်းက ပြီးစီးပြီဆိုပေမယ့် လျှပ်စစ်မီးမရရှိသေးတာမို့ မရောင်းချသေးတာပါ။ လျှပ်စစ်မီးရရှိပြီးရင်တော့ မကြာခင် ရောင်းချပေးမှာပါ “ ဟု မြို့ပြနှင့် အိမ်ရာဖွံ့ဖြိုးရေးဌာနမှ တာဝန်ရှိသူတစ်ဦးက ပြောသည်။
လျှပ်စစ်မီးသွယ်တန်းရန် (၁၁/၀.၄)ကေဗွီ ၊ ဓာတ်အားခွဲရုံနှင့် (၁၁)ကေဗွီဓာတ်အားလိုင်း ၊ (၄၀၀)ဗို့ ဓာတ်အားလိုင်း တည်ဆောက်ခြင်း လုပ်ငန်းအတွက် အိတ်ဖွင့်တင်ဒါခေါ်ယူခြင်းဖြစ်ကြောင်း သိရသည်။
သီလဝါ တန်ဖိုးနည်းအိမ်ရာ စီမံကိန်းတွင် အဆောက်အအုံ (၅၅)လုံး၊ စုစုပေါင်းအခန်း (၁,၇၀၈)ခန်းကို ရောင်းချပေးသွားမည်ဖြစ်ပြီး အိမ်ရာဝင်းအတွင်း ဆေးခန်း၊ စာကြည့်တိုက်နှင့် အပန်းဖြေနေရာများလည်း ပါဝင်မည်ဖြစ်ကြောင်း သိရသည်။
နေးရှင်းမြန်မာ ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com
